【重甜】死後重生，我成為咗屌閪王！(港語): 二章第四話《名槍》

開學禮嘅肅穆氣氛，喺我眼中似乎有啲肅殺。
四個半透明嘅人影喺半空中對峙，紅鈴同銀茹捉住淪為俘虜嘅綠荳，同天使白晴隔空對峙。
早喺兩年前，我邊度會諗到有咁樣嘅情景？
單係今朝早，用碌鳩打人呢樣我以為只有腦燒套3D玉乜嘢團先出現嘅嘢喺我面前出現我已經覺得痴孖筋，更加唔好話女人塊嘢除咗可以當八達通嘟仲可以用嚟開拖呢啲痴線嘢……
自從我復活之後，好多同前世唔同嘅嘢已經發生咗。
孖女嚟到白羽織中學已經係一個好例子。
我唔理當中有啲咩螳螂效應蜜蜂效應定蝴蝶效應，但好明顯嘅係，呢個世界已經唔係我上一世嗰一個世界。
我似乎係去咗另一個唔同又相似嘅世界，而且改變緊呢個世界。
回歸現實，我應該點樣處置作為俘虜嘅綠荳？
根據紅鈴嘅講法，因為佢同羅善媛建立咗天使契約，我冇可能可以將佢當成沈澈佢哋咁收歸旗下做我嘅禁臠。


所以我一係殺死佢，一係放咗佢。如果囚禁住佢，一旦羅善媛法力增長，佢都會跟住變強。到時佢有能力逃走，我哋嘅情報就會歸佢所有。
然後佢哋可以根據綠荳嘅情報，將我哋逐個擊破。
雖然我唔知道孖女向我哋下戰書為咗乜嘢，亦唔知為咩佢會有一碌叫玉玲瓏嘅假陽具，甚至為咩佢哋要搶班女人返去陪佢哋磨豆腐都唔知！更加唔好話我唔知女人嗰度如果係名器除咗好砌啲仲有咩特別意義……
不過如今我哋有人質喺手，可以攞到乜嘢情報或者對付對孖女，可能大有幫助。但前題係，我嘅諗法唔會過於理想？
喺我諗諗下，好快就嚟到開學第一個小息。
我同阿良一行出課室，孖女已經企喺課室門口。
「陳子文。」羅善媛嘅眼神幾乎想殺咗我：「交返綠荳出嚟。」
「你個人都幾得意噃！」我行埋去話：「而家撩交打又你哋，賴皮又你哋。想點呀你哋到底？」
「你行咁近做咩呀？」講完呢句埋嚟推開我嘅， 係俾佢哋捉走嘅謝常蜜。
「係咪要講人多？」阿良好冷靜咁問：「係嘅話人我哋大把。」係噃！我哋已經加入黑社會，可以吹雞架噃！


「你哋到底點先讓路？」羅靜媛問：「你哋鍾意咸濕鍾意唔讀書係你哋嘅事，唔好阻住我哋拯救香港。」
「唔好再吹大啲？」阿良話：「你估你超人迪加呀？」
「你咩都唔講我哋點讓路俾你哋？」我問。
「可唔可以私下講兩句？」羅善媛問：「只得我哋兩姊妹同你。」
「唔驚你伏我呀？」我問。
「我哋留低白晴喺度，你留低銀茹紅鈴同綠荳，咁我哋都唔會有機會做得乜嘢。」羅靜媛話：「論法力，我哋邊打得贏你。」
「萬一你用名器咁點？」半透明嘅紅鈴喺我背後出現。
「我哋唔行得好遠，有乜嘢你哋都即刻衝到過嚟吖。」羅善媛話。
「好。」我望望周圍，有好多人行嚟行去：「諒你哋都唔敢喺度郁手。」
銀茹話：「放心，一郁手我會先殺人質。」


我同孖女行埋一邊：「講啦。」
「香港下年會有人由北面帶一種新嘅瘟疫嚟，呢個病傳染力好高。」羅善媛話：「呢場瘟疫會死好多人。呢個病源體係靈術高手，單憑我哋姊妹同白晴綠荳唔會打得贏佢。」
「你想殺死佢？」我問。
「唔係。相反，我哋要醫好佢。」羅靜媛話：「萬一瘟疫嚟到，香港人會大批死亡，經濟亦會重創。與其消滅可能有無數個病源體，但如果我哋喺佢惹人前醫好佢，瘟疫未必會發生。」
「如果香港經濟重創，上面就可以堂而皇之話填補香港人口，搵班深山野人落嚟，消滅我哋嘅文化、秩序。」我話：「甚至可以藉口拯救香港，以恩主身份放大批遊客落嚟，然後製造我哋必須依賴佢哋嘅假象，慢慢剝削我哋嘅自由同權利。最後將香港人當成豬咁樣去圈養，榮譽嘅東方之珠亦變成一個普通嘅城市。」
「你明？」羅善媛好高興咁望住我。
「我明。我明吖……」點會唔明？前世嘅香港，就係敗喺啲港豬手上。我話：「但我仲有問題。」
「即管問。」羅靜媛好高興咁講。
「呢啲事你哋喺邊度聽返嚟？」我問：「玉玲瓏又咩事？點解名單上面嘅人都係同我哋學校有關係？」
「兩年前，白晴同綠荳嚟搵我哋兩姊妹。」羅善媛話：「佢哋話，未見過一對孖女善惡值會啱啱相反，要同我哋簽約，仲將件事講俾我哋聽。」
「佢哋話，」羅靜媛繼續講落去：「呢間學校出現咗奇怪嘅能量，應該係名器聚集之處。我哋要嚟攞走呢啲名器能量，然後搵病源體出嚟醫好佢。」
「呢個係簽約條件？」我問。
「我哋爸爸喺我哋三歲嗰年已經車禍死咗……」羅善媛話：「媽媽一個人做兩份工湊大我哋，結果捱到肝癌……」
「如果我哋同佢哋簽約，」羅靜媛話：「佢哋唔單止救返媽媽，仲會俾我哋過富裕嘅生活。」
「所以玉玲瓏係佢哋交俾你哋嘅？」我問。


「冇錯。」佢兩個一齊答。
「點解呢件事一定要你哋嚟做？」我問。
「下？」佢哋嘅反應一致。
「我可以幫你哋做，甚至代你哋做。」我話：「你哋兩姊妹加埋玉玲瓏，都只有三件名器。如果由我代行，會比你哋有效率得多。」
「但係……」「不過……」
「點呢？」
「你除咗可以不停做愛之外，你仲有咩長處？」羅善媛問。
「你法力深厚但以你嘅初階靈術你點打贏人？」羅靜媛問。
「照你哋咁講……」我話：「如果我係都要阻你哋呢？」
「你……」你對孖女真合拍。
「你為咩一定要阻我哋？」羅善媛問。
「搞冧香港你會開心咩？」羅靜媛問。
「我要為香港做啲事。」
「點解你係都要做咗我哋啲嘢啫？」兩姊妹連發忟憎嘅動作都一致。
「我要為香港做啲事。」


「你去做義工啦！」「你捐公益金啦！」
「No。」我話：「咁我嘅靈魂價值唔會提升。所以我要做。」
「你食屎啦！」「你飲尿啦！」
「食屎飲尿都唔會阻到我服務香港嘅決心。」
「你聞屁啦！」佢兩個一齊鬧。
「搵條女扑個嘢先……」我作勢要轉身。
佢兩姊妹一齊拉住我：「咁你想點呀？」
「我要救香港……」我話：「吖唔係，我要屌孖女。」
佢兩姊妹望望我，即刻縮手。
「唔肯呀？算數。」我又再轉身，但見到紅鈴、銀茹、被俘虜嘅綠荳同白晴一齊飄緊過嚟噃！
「其實論體質，你比起佢兩個更適合處理呢件事。」白晴話：「我哋四個聽到晒你哋啲對話。」
「其實都好難搵到有人衰得過你。」綠荳話：「不過我鍾意。」
「咁我哋點呀？」孖女問。
「你哋可以歸於佢旗下，幫佢一齊做呢件事。」銀茹話：「咁四份合約嘅條件都滿足到吖……」
「你鍾意長進喇主人！」紅鈴話：「呢兩年我成日擔心花七十年時間原來做蝕本生意呀…」


「好，今日放學孖女上嚟我度，我哋做啲歡迎儀式。」我淫淫笑話：「有啲嘢一定要發洩咗出嚟先舒服架嘛！」
「咁玉玲瓏……」孖女話。
「佢嘅體質適合移植玉玲瓏。」銀茹話。
「佢三個兄弟碌嘢都名器嚟，如果佢唔係會好慘架……」紅鈴話。
「移植？唔撚係呀？」我話：「唔係要剪咗我呀？」
「放心。」俾銀茹鬆綁嘅綠荳話：「移植玉玲瓏有兩個方法唔使切嘅。」
「一係由肛門插入男體之內。」白晴講完，我即刻攞手擋住後面。佢繼續講：「如果唔係，玉玲瓏後面有個窿，你當佢飛機杯咁用囉……」
「我發過誓我呢世唔會打飛機。」我話。
白晴話：「咁等我同綠荳幫你囉…」
綠荳話：「好，而家章發仁嘅狼牙硃砂棒、單思良嘅獨角龍王槍、雷引電嘅金剛寶象杵三大名槍都喺齊度，如果陳志文你移植埋霸王玉玲瓏，咁四大名槍嘅神力應該可以制服病源體喇。」
「你嗰啲四大名槍乜撚嘢嚟架？」我問。
「狼牙硃砂棒你見過啦…我唔細講……」紅鈴話：「獨角霸王槍就係就頭大棍細，越後越細；金剛寶象杵就頭大根大。」
「咁霸王玉玲瓏呢？」我問。
「架勢咯…」銀茹話：「大部份男根都偏左或者偏右，但玉玲瓏就長而直、直而粗，粗而頭大，頭呈三角形，仲要紫紫地色而且要飽滿，根部粗得嚟色澤均勻……」
「佢三個碌嘢搞到性病咁……」我話。


佢哋冇理我，繼續興奮地討論男根嘅問題……