【重甜】死後重生，我成為咗屌閪王！(港語): 一章第二話《入學》
當我再一次擘大眼嘅時候，我已經唔再飄下飄下，而係著住睡衣嘅我。
我望望四圍，呢度就係我屋企。記得喺我廿二歲嗰年，屋企大裝修過一次。
呢個年代嘅格局，已經係好多年前嘅事。咁多年嚟，屋企都係將月曆掛喺同一個位置。
我望望個月曆，如今係1999年嘅8月。
電腦喺爸爸媽媽房！
我即刻衝入房，仲行緊Window98嘅電腦，比起在生前屋企部Win10，實在慢太多。
我喺度諗，當年我係點樣忍受到呢個等候時間呢…
但無論如何，我的而且確死過翻生，咁紅鈴同銀茹去咗邊呢？
仲有嘅係，佢哋口中嘅外掛係咪已經生效呢…如果係，咁我嘅路一定順暢得多。
終於load到入去個桌面，估唔到12歲嘅我玩緊嘅係金庸群俠傳。
望望右下角個時間，今日係1999年8月31日星期二。
換言之，聽日係開學日，亦係我第一日入讀白羽織中學嘅日子。
我喺白羽織中學七年，讀到中五。唯一令我知道嘅係，除咗教咗好多運動員、明星同專業人士，就係靚女多。
我入學嘅時間，係呢間學校創校第三年。我要一洗我所有嘅遺憾，呢度就係我嘅轉捩點。
「我應該點入手呢？」不知不覺間我開始自言自語。
「唔使驚，有我喺度嘛！」呢個時候，紅鈴把聲傳入我耳邊。
「你都係信我好啲喇。」連銀茹都喺度！
我即刻擰轉身，呢兩個茄喱啡神仙一早坐定定喺我阿爸阿媽張床度。
紅鈴：「你細個個樣都幾得意噃。」
銀茹：「不過細粒咗好多。」
「你哋所講嘅外掛……」我真係唔想聽佢哋發嗡風。「真係使得？」
大波妹紅鈴好似做咗虧心事咁望望銀茹，銀茹忍唔住話，「但係你嘅要求好貪心，我哋未必全部滿足到你。」
「屌你而家即係棟鳩我啫……」我一句屌埋去，紅鈴即刻嚇咗一跳，銀茹依然冷靜。
「咁你而家肉體凡胎，想點投訴我哋吖？」佢問。
確實，未還陽之前，我都仲可以飄下飄下飄去第度，搵第區嘅天堂或者地獄代理人幫手做下人力，篤下灰。
但如今……咪住，我肉體12歲啫！我心智仲係28歲嘅，你想棟我我亦識得學共產黨玩敵我矛盾啫。
「唔一定係投訴你哋嘅，」我望望銀茹對又長又白又滑嘅長腿，再掃過去紅鈴對大波，之後望住紅鈴。
我同佢講：「如果我話死咗之後俾個靈魂你，叫你而家搵辦法幫我投訴佢。話係我俾佢搞到冇咗70年命，佢想補飛就夾硬幫我時光倒流，你睇唔過眼追上嚟，行唔行得通架？」
銀茹即刻喝住：「你唔好挑撥離間呀！」
紅鈴望望銀茹，又再望望我，細細聲講：「又唔係話唔得嘅……」
「咩話？」銀茹即刻瞪大對眼望住紅鈴。
「喂喂喂……你兇佢做咩呀？驚死我哋唔投訴呀？」我要好好利用呢個矛盾。「當然啦……如果你哋幫到我，我一定唔會咁做架。」
銀茹即刻用佢對妖媚嘅眼咩住我，粒聲唔出。
咁即係，佢已經就範，我嘅計策成功喇。
「你有冇諗過，如果你所有嘢太順利，會引起人留意架？」銀茹仲係唔放棄。
「你講得啱。」銀茹所講確實無可辯駁，我哋而家做嘅嘢唔使諗都知有違天理。
不過歸根究底，所有嘢一條數嚟啫。
我問：「但係我想問下你啲所謂外掛會減低我個靈魂嘅價值咩？」
「梗係會！」銀茹嘅反應證明我推斷冇錯。
「不如咁啦…」我答：「一人讓一步。」
銀茹問：「你想點？」
「之前嘅乜嘢外掛全部抹晒佢。」我話。
「咁著數？」紅鈴問。
「不過你哋要完全遵照我任何命令幫我做任何事。」我話。
氣氛靜默咗一陣。
劃破沉默嘅始終係紅鈴：「身為天使，我有我嘅原則。如果係會傷害人嘅事，我唔會做。」
銀茹好不屑咁笑咗一笑，然後話：「魔鬼冇乜原則，你想點都得，但無聊嘢我唔做。」
「即係一個好事唔做，一個壞事唔做啦。」我問：「咁係咪可以立啲咩契約嗰啲……好有用嘅證明？」
銀茹話：「你俾滴血我吖。」
「紅鈴呢？」我問。
「我唔使。」紅鈴拎咗枝羽毛筆出嚟。
我攞把刀輕輕喺左手食指咗一下，痛楚嘅感覺令我知道我真係翻生喇。
我吱咗滴血俾銀茹，銀茹攞返佢嘅左手食指割開話：「請講出契約內容。」
「我陳志文同魔鬼銀茹立下契約，由而家起銀茹除卻無聊之事，必須無條件服從我任何命令。作為回報，我會考慮死後將我靈魂交予銀茹。」
同一時間，紅鈴早就急不及待捉住我隻右手勾住手指尾講：「我天使紅鈴同凡人陳志文立下契約，由而家起除卻害人之事，我紅鈴必須無條件服從陳志文所有命令。作為回報，陳志文死後須考慮將靈魂交予我處理。」講完仲用手指公打印，然後用羽毛筆喺我手心簽咗個名。
「簽名，快！」我喺紅鈴右手心簽完個名嘅同一刻，銀茹左手食指「卜」咗一聲，化成一縷輕煙。
喺呢刻，我感覺到一寒一熱由我雙手衝向我嘅身體，兩股氣流喺心口相撞，我痛咗一陣，忽然間全身暖晒。
「成功喇！」我第一次見銀茹咁雀躍，「恭喜你，你係第一個同時同魔鬼天使簽訂契約嘅人。」
「好。」我微微一笑，「可唔可以幫我療咗傷先？」
紅鈴伸手點一點我傷口，我嘅食指已經復元。
「紅鈴，」我問：「你有冇辦法令我嘅生理機能提前一年。而且唔會衰竭同覺得攰？」
紅鈴點咗一下頭，又攞隻手指篤住我額頭，我感覺到一陣暖意。
「完成喇。」紅鈴點咗一下頭。