【重甜】死後重生，我成為咗屌閪王！(港語): 廢話講六句

昨晚我老婆帶咗我去紅館睇Supper Moment 演唱會，原因個衰妹知道我鍾意佢哋嘅歌，所以搭上搭搵朋友幫我哋撲飛，真係多謝我太太為我帶嚟一個開心嘅晚上。
咁點解我咁鍾意佢哋嘅歌呢？我覺得，搞藝術呢樣嘢，無論係音樂、話劇、繪畫、寫作還是各式各樣嘅其他新舊藝術，本意都係一個單位去創作一啲嘢，然後大家會去認同、共鳴，之後經過吸收、沉澱，再啟發、編織，用後彼此一齊出發，向呢個方向繼續努力。
Supper Moment 嘅音樂就係咁樣！當全場一齊企起身唱《無盡》、《幸福之歌》同《撼動》嘅時候，大家都將自己嘅靈魂拎咗出嚟，透過在場嘅音樂去交織、感受，原來大家嘅心都可以一無一樣。
當我用第個筆名寫作其他小說嘅時候，我都好想做到呢一點。同知音交流係樂趣，我都好羨慕佢哋！
如果香港有一個團體佢哋嘅演唱會我係絕對唔想錯過，佢哋一定係Supper Moment ！我覺得佢哋嘅歌亦都會好適合大家，希望大家都要聽下感受下。
香港樂壇仲未死架！我哋仲有好多好好好好嘅音樂人，去造一啲屬於我哋嘅音樂！多謝Supper Moment 為我同太太帶嚟一個快樂嘅夜晚，祝佢哋場場Good Show！