【重甜】死後重生，我成為咗屌閪王！(港語): 三章二十三話《威脅》
我拎起電話，係個未見過嘅號碼，索性拎起電話聽：「喂？」
「陳子文。」一把男聲打嚟，原來就係之前俾我打走咗嘅賈清高：「聯校比賽件事，我勸你唔好再插手落去喇。」
「點解？」
「我唔同你解釋得咁多。」賈清高話：「總之有啲人想去做一啲嘢，而你係鬥佢哋唔過架！」
「都唔知你講乜鳩。」我話：「佢哋係咁撚把炮嘅就放馬過嚟，我行得出嚟就唔撚卸。」
忽然間，電話嘅另一邊傳嚟賈清高嘅慘叫聲。
「喂？」
「你就係陳子文下話？」電話傳嚟另一把男聲：「我叫魚蛋華。有人落咗柯打要做你，見你冇麟冇角我亦唔想搞鳩你。我而家話俾你知，聽晚七點落嚟食大麻雀館搵我，有啲嘢同你嗲……」
魚蛋華橫行油尖旺，江湖中人無人不識。
據聞佢十五歲喺佐敦推車賣魚蛋起家，憑拳頭打天下，後來又開魚蛋檔發展黃色事業，如今三十載過去，幾乎攏斷整個九龍區嘅黃賭毒。
由佢親自搵我，我當然詫異。但喺呢一刻，我亦不能示弱：「咁如果我唔嚟呢？」
「咁你咪自己諗囉屌你老母！」講完呢句佢已經收咗線。
正想收線又收到另一個電話，就係我哋四公子名義上嘅大佬，前世我老婆嘅親生阿哥，罐頭哥。
「喂你做乜撚嘢呀？」一㩒個接聽掣就聽到罐頭哥好撚大聲咁屌咗出嚟：「你玩乜撚嘢玩到魚蛋華話要斬你呀？」
「課外活動啩……我估……」事實上我都唔知點答佢好。
「課你老母咩？屌你鹵味人哋約你聽日上台，上面啲大嘅叫我唔好撚插手，佢哋盡量保住你條命呀！」罐頭哥非常大聲，喺我身邊嘅蔣鳳聽到眉頭都皺埋：「嗱你乜撚都唔好理，聽日就哦哦哦軟皮蛇啲認下低威算喇！我哋飛撚晒朵保你周全，佢話要啲咩條件嘅，咪盡量應承佢囉！」
「得架喇罐頭哥……」我唯有軟皮蛇啲認下低威等佢快啲收線：「我知點做架喇，唔使擔心！」
幾經辛苦終於收咗線，蔣鳳已經好擔心咁望住我：「你得罪咗魚蛋華？」
我無奈地攤一攤手。
「你大佬係罐頭？佢咁巴閉佢唔撐你咩？」蔣鳳話晒係MK仔女，對江湖中人嘅名號自然知道唔少：「按道理你哋應該唔怕架！」
「佢幫撚到盡架喇！」我不由得嘆氣：「佢夾埋公司班大哥打晒人情牌保我周全，再幫盡啲少不免全面開戰。上次搞咁大壇大龍鳳都冇差佬理，就知班正義朋友收晒柯打啦！再夾硬插隻手埋嚟咪盞全公司冇運行？」我摸一摸下爬：「到時候幫唔到我仲要成公司陪我舐屎忽，換轉係我都唔會咁做啦。」
「我叫老豆幫你。」蔣鳳想攞電話出嚟，我即刻㩒住佢。
「咁小事都要你老豆出手幫，佢點交個女俾我呀？」我話：「得架啦！我聽日出去嗰陣，你哋幫我守住條村，唔好俾啲冚家鏟搏大霧啦！」
「子文！」正想帶蔣鳳上樓進一步加深了解，後面又傳嚟又華把聲。
我擰返轉面，只係得又華一個，平時總會喺佢身邊嘅利理、葉麗嫦、檸檬同零分都唔見人。
「得你一個嘅？」我問。
又華望咗蔣鳳一眼，嘆咗一口氣。
「我叫又華。」又華望住蔣鳳話：「希望以後大家好好相處。」
當初聯校嚟度子文村求助嘅時候，又華亦都在場，當然認得蔣鳳。
然而蔣鳳嘅眼神當中，睇得出佢對又華有一種莫名嘅崇敬。
「我係蔣鳳。」蔣鳳話：「又華姐，以後好多嘢都仲要跟你學，希望你關照住我哋。」
蔣鳳罕有嘅低姿態令我好奇，但又華嘅單獨出現更加勾起我嘅興趣。
「又華，係咪發生咗咩事？」我問。
又華點點頭話：「係，但希望你聽到之後保持冷靜。」
又華見我點點頭，繼續講：「檸檬阿哥俾人打咗一身瞓咗喺ICU，佢兩姊妹發晒茅要去醫院睇佢哋阿哥。」
吉姆俾人打？要知道吉姆身手唔錯，就算係成年人想埋佢身根本唔係咁易，更何況佢四圍去兼職行蹤不定，想伏佢自然難上加難。
我都好想陪佢兩姊妹去醫院，但現在我似乎自身難保，不禁嘆咗一口氣。
「睇嚟我判斷冇錯。」又華話：「你一定係有其他事發生咗，所以村外面一定唔安全，我冇俾佢兩姊妹出去，仲叫咗利理同麗嫦睇實佢哋。呢件事已經同沈澈姐講咗亦都話咗俾其他三公子知。事到如今，我諗你係咪應該同我哋班姊妹講聲發生咩事呢？」
「主人，你叫我查嘅嘢我查到喇！」半透明嘅銀茹忽然出現仲直接現身，嚇咗蔣鳳一跳：「賈清高佢爸爸賈道學喺深圳俾人捉黃腳雞，威脅佢同我哋作對，其他人就全部都收咗錢做嘢。」
「屌佢老母……」我忍唔住屌出聲。
「頭先我見到賈清高打電話俾你，後來有班人攞麻包袋笠住佢係咁打，我諗你都知係邊個。」銀茹繼續講：「頭先沈澈姐吩咐咗綠荳嚟搵我，我已經將所有嘢匯報咗俾沈澈姐知，佢要我同你講，佢叫咗白晴同紅鈴通知子文村所有人同其他三位風都四公子，七點鐘喺天幕下面開會，所以希望你去搵咗沈澈姐先。」
「開會？」我問。
「嚴格嚟講，係叫主人你將所有嘢開誠佈公，然後相議對策。」銀茹話：「凡係對主人有益嘅事我都會做，所以我會陪住你直到今晚七點你出席會議。」
「屌你都幾撚撐我噃！」我同銀茹講：「沈澈姐沈澈姐……你哋有冇尊重過我呀？」
銀茹唔敢出聲，又華敢。
「既然新姊妹喺度我都唔怕講……」又華依然一片冷靜：「大家擔心你，亦知道你會擔心大家。」
「咁你哋仲阻我？」我反問：「我出晒名風都無雙，佢再多人我單拖一樣來去自如，邊個攔得到我呀？」
「你仲未認清邊個係敵人呀？」又華問：「唔係你眼前嗰啲呀！叫得郁黑社會㩒得住差人，你再好打佢哋傷害唔到你但你往後嘅人生都提心吊膽呀？我哋日日為你擔驚受怕呀？」
「咁我可以點呀？」我反問：「由得佢哋為所欲為呀？」
「係。」又華捉住我隻手話：「正因為咁，你更加唔可以硬碰硬。你叻，由細到大我都知。你再唔想理，睇唔過眼你都唔會唔理。正因為你有好多要保護嘅人，所以你更加要保護好自己，唔好俾自己處處受制。」
「檸檬阿哥出咗事……」又華繼續講：「如果連你都出事，咁佢兩姊妹點呀？永遠都係你保護我哋，今次到我哋保護你。」
「聽日我陪你去！」蔣鳳嘅語氣充滿決心，好想為我做啲嘢：「我同五天王仲有麥樂雞佢哋都打得下，一定保護你安全返嚟。」
事實上，有紅鈴銀茹白晴綠荳喺度，我諗其實就算我要走去美國白宮揼喬治布殊一獲，我都可以全身而退。
但蔣鳳呢份心，確實深得我心。
「唔使喇……」我揚一揚手：「你哋要留喺度幫我保護大家。」
「唔緊要，我去同嗰個沈澈姐講……」蔣鳳非常堅決：「我點都要為各位姊妹做啲嘢！」
又華冇理蔣鳳嘅說話，只係講咗句：「銀茹，過去問沈澈姐啲姊妹到齊未？話俾佢聽我哋三個而家過去。」