【重甜】死後重生，我成為咗屌閪王！(港語): 三章十三話《齒輪》
仲有一個禮拜就係暑假。
2003年嘅7月嘅天氣相當之熱。
經驗蓬勃嘅香港連七一50萬人大遊行都冇發生，主權移交日嘅公眾假期周圍都歌舞昇平，而23條立法亦都冇人提過……就連卒於2015年嘅我都唔係好相信眼前嘅光景。
如果攞魚蛋革命嘅片段俾呢度嘅香港人睇，唔知佢哋會唔會以為係拍戲呢…
到咗7月2日嘅返學日，我一樣係要返學。
前世今日上社教嘅時候老師不斷同我哋講嘅係民主嘅意義，叫我哋唔好相信共產黨，唔好信政府，亦都唔好信民主黨。當時我唔明，但而家嘅我又豈會唔明吖？
不過喺今世，試都考埋喇。本來鳩鳩流流嘅試後時間變成咗中英數社教嘅地獄式補課。
有錢使得鬼推磨，學生收錢溫書老師OT雙計補課，好唔健康但係全校嘅學習情緒去到繃緊嗰隻。
但係身為學霸嘅我點解要陪你哋癲呀？啲錢仲係我出架你老母！
幾經辛苦終於捱到小息……
「3A班陳志文同學，聽到廣播請即到校務處，3D班陳志文同學，講即到校務處。」
唉…屌你老母吖……我仲諗住同楊悔佢哋三個落樓下食薯餅架嘛！
「屌史必烈條仆街又做乜撚嘢呀？」楊悔話，「唔撚係又問你攞錢呀？」
賀雨婷話:「定係佢想要一堆WHH親筆簽名相拎去信和賣呀？」
羅綺盈嘆氣話:「總之都係冇薯餅食啦…」
我苦笑話:「唉…都要去架啦…」我塞咗一百蚊俾楊悔:「Sorry呀你哋食啦…」
唉…認真麻撚煩……
落到校務處，我又再「榮幸」地獲邀去到校長室……
「唏陳子文同學，嚟咗嗱？」史必烈你可唔可以唔好笑得咁猥瑣，似返個校長呀？
我搵張櫈坐低:「點呀校長，搵我有事？」
「唏陳子文，你記唔記得曹劌論戰呀？一鼓作氣，再而衰，三而竭。」史必烈笑騎騎咁望住我:「唏最近頻繁補課，啲同學有啲唔開心。想搵你幫下手，鼓勵下大家嘅士氣咁啫！」
屌你老母又係錢，其實我可唔可以報警俾人敲詐？唉！又俾楊悔講中……
「即係錢啦下話？」我話。
「唏陳同學，你為學校做嘅校長我睇到嘅！」史必烈你有冇照過鏡睇下自己笑嗰陣個樣有幾狗？
「唉怕咗你喇……一人加一千夠未？」我話。
「夠喇夠喇！」
「得，放學過數俾你。」我話:「幫咗你，到你幫返我喇！」
「唏陳同學你有問題即管同校長我講，我呢…就最關心學生喇！」
「得……咁你聽下我講嘅嘢喇噃！」我話。
其實喺風都，我哋有好多開放空間同廣場去搞活動。睇見WHH嘅排練日漸成熟，我就開始叫佢哋用練習為名去球場或者公共空間練習。
一班青春無敵美少女喺度唱歌跳舞確實係好吸引人嘅，久而久之啲街坊都同佢哋熟絡咗，亦都有人去捧佢哋場。
漸漸，WHH逢星期三都會喺個露天廣場公開演出，漸漸就有咗一班Fans長期支持。
而白羽織亦都成立咗佢哋嘅Fans Club，仲好得人支持添！
而我今次同史必烈提出嘅就係，補課期間突擊入課室表演，幫啲同學減壓。最緊要係增加佢哋嘅曝光率，佢哋嘅影響力先會增加。
「唏陳同學，你唔係唔知我哋戰情有幾嚴峻啦…」史校長話:「唏萬一同學分咗心……」
「我諗過都係同爸爸講聲學校要用錢先比較好啲喇……」我啤住史必烈:「畢竟已經俾過一次……」
「唏我哋啲同學壓力咁大減下壓好應該啫！」史必烈話:「補課大家都辛苦嘛！明嘅明嘅！」
望住史必烈嘅反應，我忽然間喺度諗，點解我哋嘅教育制度會變成咁？
由政府部門到學校嘅校董會、校監、校長、教職員到家長、學生，出事喺邊一part？
定應該問冇出事嘅係邊一Part呀？
老師成日要開會、補課，工作量大到嚇死人，點解會咁？
學生返學讀書放學溫書放假咪書，踢波？咩嚟？搵到錢咩？玩？玩咩呀？啲書溫晒未？
家長返工放工睇住班細路，讀啦！讀啦！唔識呀？老師點教你呀？你唔識即係老師教得唔好啦！我個細路好聰明吖嘛！佢將來一定係律師醫生唔會做埋啲藝術體育呢啲冇經濟貢獻嘅嘢囉！
校長話要交數，成績要整體提升。因為校監要睇，校董會要睇，政府都要睇。
政府話喂屌你老母知識型經濟呀依家！而家社會需要唔撚係我谷鳩你呀！
老闆話屌你老母你GPA得一點幾你大學喺度做乜撚嘢呀？乜撚嘢話你話你去咗做藝術去咗搞音樂去咗玩體育去咗關心社會搞社會運動？廢青！廢青！你返屋企等消息啦！
如是者，到最後我哋嘅教育制度係垃圾。點解呀？
母語教學行咁多年，兩文三語搞咁多年，出嚟嘅係咩呀？你聽下啲小學生傾計用咩語言？
反國民教育？你問下啲小學生佢係咩人吖？
我前世喺街買張童軍獎券拎張青蟹出嚟，個新移民家長同個仔都呆咗睇緊係咩嚟。
而家推返中史科出嚟香港史又佔幾多比重呀？六七暴動都唔寫啦！咁你話我知個教育制度出咗咩事吖？
香港人最出事嘅，從來係因為我哋一直喺個暖水池度游水，戇鳩鳩俾人煮到死都唔知。
一環扣一環，到最後啲學生畢業出嚟一舊飯，做咩都係錯。
所以史必烈呢類人做到校長，我哋唔可以怪佢，佢唔係病因，而係升天嘅雞犬。
我哋從來冇諗過當年放炸彈炸死人嗰班暴徒上到今日嘅位置代表啲咩？因為我哋嘅社會早就禮崩樂壞，只係記住投機炒賣。
「校長，我仲有嘢要你幫我。」我話:「我想攞半日時間俾WHH喺學校做個表演。」
「唏陳子文……」
「同樣，WHH仲有後續企劃。」我唔俾史必烈拒絕我:「之前提過大賽試高分學生握手會，一定會搞，仲要大搞。」
「不過……」
「另外啲老師好辛苦喇！暑假要班同學返嚟自修，我會俾WHH返嚟帶自修室，陪佢哋一齊溫。同時，校隊練習WHH會返嚟打氣。你覺得點呀？校長。」
「好。」史必烈神情變得相當嚴肅，喺櫃桶拎咗一疊嘢出嚟:「呢疊係轉校新同新生資料，你喺度睇完即刻俾返我，唔好攞走。你需要招募人手，我會盡量滿足你。」
前世嘅我因為一個遺憾，對下屆學生嘅了解非常深，所以招募目標我早就心裡有數。
但今次一睇，溫故知新，我似乎更加成竹在胸。
「校長，唔該晒。」
「我知道你屋企最近發生嘅事。」史校長話:「大賽臨近，有時間叫雷善、孟子良同馮仁濟去你屋企一齊溫習啦！佢哋會幫到你。」
「呀？」
「陳同學，你有冇諗過點解我會選擇你做我哋嘅王者榮耀生呀？」史校長話:「出到社會，好多事你控制唔到，但作為一件機器入面嘅齒輪，你冇選擇向咩方向轉嘅權利，但轉與唔轉，你有權去揀。」
「下……」
「肯轉，你會被現實磨蝕。但唔轉，即使係一粒再好嘅齒輪，你都會被替換。」史校長話，「陳同學，你係粒同其他齒輪唔同嘅配件，我將你當成齒輪擺上件機器度。但你唔好跟住件機器轉，要轉，諗下自己點轉會改變件機器啦！」
「咩呀…」
「唏陳同學小息就完喇！返上去補課啦！」史校長又變返自己平日副嘴臉。「唏學校有你呢啲同學，真係好福氣喇！」