【重甜】死後重生，我成為咗屌閪王！(港語): 三章第九話《同盟》

當我將攰到散晒嘅檸檬同零分抱上我將大床瞓嘅時侯，已經係凌晨兩點。
我行出一號屋，望住喺天幕下面自己行走嘅無人駕駛電車，點起枝煙。
自從重生之後我知道無論點樣唔瞓覺煙仔當飯食烈酒當水飲都唔會影響身體之後，我就有啲事無忌憚。
比起前世已經成年嘅我，今世尚未成年嘅我煙癮更大。
「你又走出嚟食煙呀？」又華把聲由電車傳出嚟。
基於電車行使方向係順時針方向嘅原因，如果由二十號屋嘅位置嚟一號屋，行路要行四百米。但係如果搭電車，加上車場口同閘口兩個站，就絕對唔只四百米。
我上咗電車，望住孤零零坐喺車入面嘅又華。
「得你自己一個嘅？其他人呢？」我問。
坐喺電車有種感覺，好似返咗前世同佢一齊讀書嗰陣。
世界只有我哋兩個人，一齊喺公園睇星星，一齊畫畫，一齊睇書，一齊做功課，一齊玩，一齊瞓覺，甚至應承要同對方結婚。


我望住淡黃色車燈照住嘅電車天花。
忽然喺度諗，如果我唔係死咗，我哋又會唔會有機會咁樣重遇呢？
緩慢嘅電車慢慢行，彷彿幾時間倒流返返去細個嘅時候。
「瞓晒喇！得我瞓唔著，咪出嚟行下囉！」我望住又華又圓又大又水汪汪嘅雙眼，似乎佢自己都心事重重。
「我哋幾耐冇試過兩個人一齊搭車……」我問。
「嘻！都未試過！」又華「噗嗤」一聲笑咗出嚟:「你唔好虛構啲回憶出嚟噃！」
「哈！」電車停咗喺三十號屋站，我拖住又華隻手落車。「跟我嚟吖！」
嚟到二十七屋一樓嘅棋藝室，我捧咗盤波子棋出嚟。
「記唔記得細個我成日同你捉波子棋呀？」我問。
「唓……你捉親都輸嘅！」又華笑一笑，同我開始捉波子棋。


細個我成日都輸俾佢，但係而家呢？無論跳棋定食棋，佢都完全唔係我對手。
「點解你勁咗咁多架……」又華嚇咗一跳。
我微微一笑，又入去捧咗個畫架出嚟。
「畫素描，你做model好冇？」我問。
「又嚟？」又華係我嘅初戀，亦係我第一幅素描嘅對象。
重生後嘅我無論棋藝繪畫都有好大幅度嘅增強，只係畫咗一個鐘頭，畫布上面嘅又華已經栩栩如生，活靈活現。
「真不愧為白羽織中學嘅King，樣樣皆精樣樣皆通。」一把神秘男聲話:「但住係個咁宏偉嘅莊園，係咪可以再做好啲呢？」
我同又華望向暗角處，一個人影悄然出現。出現嘅人影高高瘦瘦，慢慢由暗角行出嚟。
「門口喺由手邊，落到去出大閘就出到去喇。」我冇理佢，正忙於為又華嘅肖像畫加上一啲調子。
「仲畫？」人影對我嘅反應好不滿:「到底你知唔知我潛入嚟做咩呀？」


「點知啫！」我繼續喺度修正我嘅調子:「咁你又知唔知由你入咗大閘我哋已經知你入咗嚟呀？」
我望望完成品，將幅畫交咗俾又華。
「你係神象中學嘅King呂忍誠吖嘛！」我行埋去佢度:「學人匿喺暗角，睇下周圍先啦！」
細心留意，銀茹、紅鈴、綠荳、白晴、善媛同靜媛已經陸續現身，紛紛圍住呂忍誠嘅匿藏點。
「男人老狗做嘢都唔得光明磊落……同我質佢入暗角打一獲！」
我一聲令下，我哋七個人開始動作。
離遠拎住幅素描嘅又華唔係我哋心入面條蟲，佢睇到我踢，睇到我揼咗兩嘢，但係咪真係踢中晒，佢睇唔清楚。
甚至乎個暗角我覺得暗，佢覺得唔暗。佢亦都冇走埋嚟睇住我打，問我係咪特登拖佢埋嚟打。
所以我哋七個係咪打咗佢，留俾讀者自行判斷。
發生喺暗角嘅事情過後，我問呂忍誠做咩潛入我屋企。
佢話:「我本來係想搵你傾結盟嘅事嘅……點知俾你打獲甘架啫？」
戇鳩架你？半夜三更走入人哋屋企咁嘅藉口都講得出？咁都講得出到底你戇鳩定你當我戇鳩呀？
「半夜三更？結乜撚嘢盟呀？」我問。
「你唔係King嚟咩？」呂忍誠話:「已經開始有學校嘅King互相結盟，我已經搵咗百果園嘅King文桂翔結盟，如果搵埋你哋白羽織嘅陳子文同風都官中嘅賈清高加入，咁我就唔使驚俾象拔蚌女書院喺第一圈淘汰喇！」
「以象拔蚌女書院喺學界嘅戰績，你哋神象中學基本上都冇可能贏喇噃！」又華行過嚟話:「結盟有咩用？」


「只要搵到盟友同我合作將象拔蚌嘅King送入醫院，咁我哋自然就晉級啦。」呂忍誠話:「到時我哋再公平競爭，如何？如果唔幫我，到你哋對象拔蚌，你哋輸梗架！」
輸梗？我屌你老母啦！冇錯，我哋白羽織年年學界對住象拔蚌都輸，下下都攞第二，但要用呢啲手法呀？你當我哋係咩呀？
「我拒絕。」我話:「首先，你嘅大計唔會行得通，莫講話我，就算風官都唔會願意同你哋結盟。」
「第二。」我指住佢額頭:「好似你呢啲半夜三更潛入人哋屋企嘅人，邊個肯信你呀？」
「哼！」呂忍誠話:「我潛得入嚟一次，自然有第二次，但下次係咪嚟搵你，你自己諗喇！」
「你咪試下囉！」我指住佢講:「但我話俾你聽，身為白羽織學生，我哋冇人驚過面對任何對手，亦不屑用呢啲低庄手段。夠薑你就試下惹我啦！屌你老母！」
講完我餘怒未散:「同我打佢一身然後掟佢出去，佢以後接近子文村五十米唔使通知直接打獲甘嘅佢嘆！唔好打到佢入廠呀！」
「唔好呀！」原來銀茹一手秤起佢企出倒台直接跳落去。
我同又華、孖女伏喺露台，望住兩個魔鬼兩個天使毒打一個凡人，將佢打到豬頭喇叭咀咁先掟佢出街。
呢一刻我哋有一個共識，戰情會越嚟越亂，睇怕我哋要快啲做好準備。
到咗第朝，子文村嚟咗另一位來客。
今次係幾間學校嘅King帶齊人馬一齊嚟。
我見佢哋好有規矩咁企咗喺閘口度等，嗱嗱聲叫醒所有人，我自己喺400米路度擺好陣招呼佢哋。
天幕閂好，兩邊擺好最舒服嘅櫈，自己坐喺中間。
我忽然間覺得，自己好似武俠片入面啲濕鳩掌門咁，招呼啲武林同道嚟呃水吹搵戲做。


今次嚟嘅門派……我係話學校有:象拔蚌、粉紅衫、沐咀、蟶子丸、白旗袍、水手裝，仲有理想酒店同瑪莉亞睪丸一共九間學校，佔咗大賽嘅大半學校。
「未知咁多位掌門晨早流流帶埋咁多弟子嚟到係所為何事呢…」
我一講完，全場人人大笑。
「你講嘢唔好咁搞笑好冇？」講說話嘅人著住淺藍色連身A字裙，紮住一條長馬尾，個樣生得相當標緻，雖然胸細啲，但身形相當高佻平均。佢係蟶子丸書院嘅King，樊彩宜。
「哈！」我話:「咁你哋嚟係……」
「係咁嘅。今日我哋嚟，係希望你可以同我哋結盟，保護我哋安全。」講說話嘅人叫馬梓琦，身上一襲白色連身裙，衣領、袖口和裙襬各有一條深藍色滾邊，腰部亦有一條深藍色線條，裙擺正好膝頭哥對上一吋。正正係香港第一女校，象拔蚌女書院嘅校服。身為第一女校嘅King，不但說話沉穩，舉止優雅，攝人嘅亦非單純嘅身材美貌，而係運籌帷幄嘅氣質。
「點解會揀我呢？」我問。
「有日放學時間。我同幾個同學遇到百果園中學嘅學生，佢哋咩都冇講就打我哋。好彩犯法書院嘅King梁吉武嚟幫手打走佢哋咋！後來佢就話叫我哋嚟搵你，佢話佢自己都將兩個細妹交咗俾你保護。所以……唔該你吖！」呢個游姿菲，一身水藍色旗袍，頭上兩條孖辮，雖然係個包包面嘅微胖女，但精緻五官令佢顯得份外可愛。佢就係車車同菁菁所就讀嘅理想酒店女書院嘅King。
「你唔驚佢哋老點你咩？」
「我哋已經做過資料搜集。你雖然睇落去並唔係啲乜嘢落善男信女，但係亦都唔係朱宏禮嗰類不知所謂嘅小人。起碼你讀書運動樣樣都掂，仲係武術高手又要老豆大把，如果發生啲咩傳咗出去，你老豆都好冇面。」白色背扣恤，紅綠格仔裙，白長襪加熊貓鞋，成副魔鬼身材爆晒出嚟，呢個咁誘人身型嘅主人一把負離子直髮，丹鳳眼高鼻樑櫻桃嘴，絕對係個大美人。佢就係水手裝學校嘅King，李清語。
「哈！」我反問。「咁你又點解會覺得我需要盟友呢？」
一個碎陰少女準備開聲，唔單止碎陰，係全頭都剪碎，一條三七分界加滿手飾物，簡直係MK妹一名。但係見佢著住粉紅色平方領恤衫灰色呔，灰色八褶裙，裙雖然有啲短但就啱啱將佢瘦削嘅身材襯托得修長啲。「出出入入咁大班女跟尾，你唔係想話我聽你怕同女仔做朋友呀？」佢就係粉紅衫書院嘅King，蔣鳳。
「怕就唔係怕……」我話:「但我想問嘅係，於我，於白羽織，我都睇唔到有盟友嘅需要噃！」
「錢我知你唔稀罕，我亦都冇錢同你講條件。」眼前人紮兩條長孖辮，生得相當童顏。但係一套白旗袍校服已經話俾我聽，佢係IQ130嘅天才少女，白旗袍中學嘅King，唐思月。「不過我知道，你之所以會願意成為King而唔係繼續做一個逍遙自在嘅二世祖，無非都係想識女仔啫！而我都一樣，我都想識個能令我覺得配得起我嘅男仔，但暫時見過嘅，就只有你。如果結盟的話，我就係你嘅。」
「咁俾面呀？」我話:「如果要將白羽織代表隊與及各位同你哋嘅代表隊接晒嚟，呢度雖然地方淺窄，但我仲收容得晒。之但係……」


「之但係呢……」白衫白呔紅裙，頭上一條馬尾，齊陰嘅兩邊兩執頭髮直落，一雙好靚嘅柳葉眉加一對圓咕碌嘅大眼睛，加埋好到嚇死人嘅皮膚。呢位係沐咀中學嘅King，簫素寶是也。「之但係會連累到你又會好麻煩噃！你又覺得無端端插隻腳埋嚟唔抵，但聽講你打到朱宏禮走佬之後，佢個黑社會老豆都話想搵人對付你噃！唔通你唔驚咩？」
「哈哈哈哈哈！」我問，「我需要驚啲咩？」
「以你身手固然唔使驚。」長直髮大眼睛，一雙豐乳喺白色方領恤衫下將胸前白領呔高高撐起，束腰嘅水藍色冇褶圓裙將佢條蛇腰同長腿出賣咗。呢個索女叫鄒雪兒，瑪莉亞睪丸學校嘅King。「如果我哋九間學校全部人一齊將你啲女嘅行蹤洩露出去，恐怕你都好唔掂……」
「哈！你咁講我想唔應承都唔得啦！」我笑咗一笑:「既然你哋要同我啲女一樣受我保護，咁你哋又做唔做到同佢哋一樣嘅嘢先得架？」
馬梓琦代表發話:「我諗我哋要商量下。」
「冇問題，等你哋回覆。」我吩咐一直喺旁邊企緊嘅紅鈴:「由40號屋開始，每間學校執兩棟樓俾佢，請多九個臨時司機同搵九架旅遊巴返嚟……去！」