【重甜】死後重生，我成為咗屌閪王！(港語): 三章第四話《早會》
早會。
咩叫早會呢？正常嚟講，上堂前有咩重要事項需要公開宣佈，就會喺呢個時候講。
至於以史必烈嘅角度呢？
咁早會係佢認叻嘅時間。早會唔搵機會認叻，我覺得佢病會發燒會唔舒服。
平均一個三分鐘叫宣佈，佢可以用十五分鐘。
因為要認叻。
「唏我哋白羽織呢……今次係第一次，亦係我接手呢間學校以嚟除咗學界以外最大規模嘅比賽嚟嘅！」史校長繼續口沫橫飛:「唏今次嘅對手就一等一嘅名校嚟，我有信心白羽織嘅同學同我一樣面對佢哋一啲都唔輸蝕嘅！唏咁但係根據個賽例呢，我哋每間學校都要委任一位同學，用King嘅身份去爭奪王者榮耀生嘅殊榮嘅！」
KING？份通告冇講嘅？
「除咗我仲有邊個咁夠資格代表我哋學校呢？唏我係個好親民嘅校長嚟嘅，所以我非常留意大家喺學校嘅表現，我決定委任3E嘅陳子文代表我哋！」史必烈你噴夠未？「唏我哋用熱鬧嘅掌聲歡迎我哋嘅KING，陳！子！文！」
望下周圍嘅人，我好似俾全校用緊一種望住叛國者嘅眼光望住我……
我聽到掌聲，見到綺雯鼓掌，然後係晶晶、月兒，好快其他人都一齊鼓掌。
「上去啦！」龜頭sir掹一掹我，眼神中嘅鄙視去到極點:「King！」
屌你鹵味史必烈你擺鳩我上枱？
我唯有行上台，望住下面嘅人，心諗呢鋪都唔知點拆。
「放心啦主人！」紅鈴嘅聲音由耳邊傳來，「我哋四個會幫你，你有機會就求其搵啲嘢講激勵下啦！」
我點一點頭史必烈就話:「唏陳子文，俾我委任做King，係咪好榮幸呢？嗱，你要帶領我哋贏大賽呀！唏不如講兩句多謝下大家支持好冇啊？」
屌你老母我講粗口得唔撚得呀？閪人！
「好呀～」我一手搶咗佢枝咪。「King呢個身份，我唔使人委任！向來大家俾面我，嗌聲我陳公子。今日我想問下大家，如果贏大賽，一人一千蚊，人人有份。你哋搏唔搏盡佢？」
「搏！」全場掌聲雷動，我諗史必烈自己都呆咗一跳，驚我講出百五萬嘅事。
冇嘅……如果我兜唔返啲同學嘅信任，我一定攞你嚟祭旗。
雖然啲男生向來討厭我。冇嘅，鬼叫我溝晒啲女，留返啲侏羅紀俾佢哋嘆咩……
我望住台下，咦？啲校工搬緊啲樂器入禮堂嘅？
同時間，我見我啲女開始離開緊禮堂。
「主人，班姊妹會突擊上台表演！頂多陣，佢哋仲需要啲時間！」銀茹話。
我拎起枝咪，繼續講落去:「我係King。既然係King，我一定為大家謀福祉！我準備下年組閣搞學生會，大家點睇？」
大家當堂愕然，好在我有急才。
「首先，我要爭取縮短早會嘅宣佈時間，個個講嘢都要限時！好冇？」
「好呀！」講中佢哋想要嘅，又一陣掌聲雷動。
「唏校長，既然你委任我做King，我一定要話俾人聽校長你又幾尊重民意係嘛？以後所有宣佈一定要五分鐘內講完，得唔得呀？」
台下又一陣哄堂大笑。
俾我咁樣一嘢回馬槍，史必烈有得話唔得咩？唯有應承啦…
白晴喺耳邊話:「子文，主人佢哋準備好喇！」
「我幫大家成功爭取，既然咁高興，不如聽首歌哩？」「喂走開啦……」我走埋去推史必烈入後台順勢嗌咗句:「Music！」
格仔水手裙？白恤衫？格仔呔？屌你真係當自己AKB呀？
我見我班女衝晒上台各就位，司馬同沈澈仲有詠珊喺一樓看台同我揮手。
後來先知，原來佢哋早就想搵機會表演，所以擺定批衫喺度。但咁啱今日咁嘅環境，就俾返嚟搵司馬傾計嘅沈澈扭轉乾坤。
而佢哋唱緊嘅，就係我由前世記憶剽竊AKB嘅《好想見你》出嚟再填廣東話歌詞落去嘅歌……仆街吖……原諒我啦肥秋……
一大班如花似玉嘅男同學打飛機對象上台唱歌跳舞，台下睇到拍晒手掌。
仆街之前同Lia夾過，研下自己跳咗次。結果而家連人哋隻舞都抄Q埋……唉……連山寨都做埋，呢鋪真係折撚墮……
台下本來排好晒隊嘅厹，吖Sorry，我係指男同學都湧晒埋台前跟住嗌跟住跳，啲老師亦都唔制止。
睇嚟，頭先我落史必烈面佢哋都好啱睇，而家都俾返幾分薄面我。
幾分鐘話咁快就過咗去，台下嘅人嗌緊ENCORE，綠荳喺我耳邊話:「貝芝話見好就收，叫你接返個台先。」
我叫班女散，拎住枝咪行咗出嚟:「仲想唔想睇呀？」
「想！」台下聲音相當一致。
我拎住枝咪望望後台嘅史必烈，跟住點咗兩下頭話:「校長話，可以再安排佢哋喺大賽為大家打氣。嚟緊文鬥，攞個好啲嘅成績得唔得？」
台下繼續反應熱烈，史必烈示意要我俾枝咪佢。
「我將個台交返俾校長先，校長有嘢宣佈。」然後自己行返落台。
我望住台下面啲人嘅眼神，第一次見到佢哋用咁殷切嘅目光望住史校長。
史校長似乎都感受到台下啲人眼神嘅變化，拎起枝咪就話:「唏頭先班女同學表演得咁好睇，嚟緊誓師大會應該可以嚟打氣。」
乜撚嘢話？誓乜撚嘢師呀？
「唏聽日呢我會同陳子文同學去蘇文大學參加誓師大會，16間學校嘅King同佢哋一批精英學生都會參與。」史必烈話:「我決定由頭先班女同學代表我哋學校，用精英學生身份出席，唏俾啲氣勢佢哋睇，好冇？」
台下嘅人已經全部衝昏頭腦，不停拍手喝采，似乎忘記咗一直以嚟大家有幾討厭台上面嗰個人。
「陳子文同學剛才個組合叫咩名呀？」史必烈問落返台嘅我。
「WHH呀！White Haori’s Harem，WHH呀！」
我嗌住，咁啱換好衫嘅各位後宮佳麗亦都聽到晒。
「主人我覺得你啲改名品味真係好差……」銀茹無奈咁望咗我一眼。
到咗第二日。
一朝早我哋就返到學校，準備換學校準備嘅旅遊車去蘇文大學參加誓師會。
除咗沈澈阿珊呢啲畢業生同外校生，仲有綺雯貝貝佢哋呢班轄免加入嘅同留校教書嘅司馬，我啲女幾乎全部都有份出席。
當然，對於沈澈同詠珊嘅新環境，我都覺得好好奇。然而，由落車到行入會場呢段時間，我都見唔到佢兩個。
會場係傳統嘅半圓形歌舞廳設計，一共分為兩層。上面嗰層我唔知點上去，除咗有兩個人喺上面拍嘢之外，就冇人喺上面。
入場嘅時候場入面一早已經坐滿人，似乎我哋係最遲入場嘅一間學校。
我同WHH被安排坐喺一共三排位置，當我哋入場嘅時候，所有人嘅目光都望住我哋。
確實，我哋既唔係全女班，而係由我一個男生帶住成班如花似玉嘅女生入場，又真係幾特別嘅組合嚟嘅。
所謂嘅誓師會其實係個無聊嘅儀式，而呢個無聊嘅儀式就係由蘇文大學校長夏音森主持，講一堆廢話。
呢條女人又老又巢皮，講嘢長氣程度比起史必烈梗加有過之而無不及。頭髮枯乾成面皺紋，如果我唔知道佢係個大學校長，我諗我只會懷疑佢係個成日俾老公毒打唯有靠打麻煩發洩嘅屋邨師奶甚至係個啱啱上完電嘅道友婆。
聽完佢之後輪到十六間中學校長輪流豬嗡，又中定又英嘅廢話，時間咁就俾佢哋玩咗三個鐘。
又餓又急尿，終於輪到我哋。
史必烈冇提過，原來每間學校嘅KING都要講兩句廢話，仲要諗句口號，做啲動作懶有氣勢咁。
而每間學校嘅啦啦隊似乎同佢哋嘅KING之間都有默契，喺台上面做嘅互動相當好睇。
身為King坐喺第一排嘅我，坐我一邊係史必烈，另一邊嘅係倩玲。
「一陣上台，你講完嘢退後兩步攤開雙手。」倩玲喺我耳邊話:「到時我哋會再俾指示你，你跟住做就得。」隨即叫我將褲袋所有嘅嘢俾晒佢幫我袋住。
到我哋上台喇！