We love but we can't (沒有發生的愛情): 第一集

~2020年11月13日 (FRI)“好！Snowy, 三秒之後我地就開始訪問啦！”
"唔。。。ok!!!"
 Snowy, 23歲，華語樂壇小天后，為咗新專輯有好銷量，就做一生人之中最憎做嘅事。。。接受傳媒訪問！見住成班記者，就算喺間總統套房到接受訪問，都周身唔自在～
“好，snowy, 點解今次專輯叫 "crime de le crime"嘅？”
 “係咁嘅，呢個意思係最優秀份子，代表緊今次album同一d優秀嘅音樂人，一齊做最優秀嘅音樂”
Snowy就好似小學生答老師咁嘅tone調，心諗：做咩今次咁順攤問我專輯概念，睇黎成班夏蟲終於欣賞姐嘅音樂lu~~~
 "咁所謂嘅優秀份子，包唔包括你男朋友呀？佢依家讀緊醫，係你眼中應該好優秀啦！”
Well, 所以snowy入行之後最憎就係接受訪問，係佢眼中，佢寧願返大學聽professor照powerpoint讀都好過記者問佢私人嘢，入行3年，什麼“同男友感情穩定嗎？” “幾時結婚呀？” “會唔會出年生仔生女呀？”呢d問題聽咗成億次～
Snowy心諗：唔通當面讚佢“係呀佢好勁架，你地唔抵得架！”
 “佢呀, ok geh~"




 "咁你入行幾年，佢有冇同你講過d咩加油打氣嘅說話？佢最鍾意聽你邊首歌？”
 “講起就激氣啦！我未入行個陣啦，一日到黑就係咁打沉我，又話咩你咁嘅樣呀。。。你唱歌咁難聽，聽你唱一句都浪費時間。。。到我入行呢幾年啦，都未見過佢聽我d歌，我年初開演唱會都係我逼佢架咋！”
Snowy突如其來發火，即刻令全場鴉雀無聲，Snowy亦都知道自己太過衝動，即刻同經理人Chris打眼色。。。
“唔好意思，請你將呢段cut走佢！”
 “或者我地轉個問題啦，有咩人係令你有追夢嘅決心，或者一路以黎都支持你架？”
Snowy聽到呢條問題，突然一語不發，應該咁講，佢知道係邊個。但一直以黎都冇好好感激呢位當初一路支持我嘅人係佢～
“佢依家做緊咩呢？拍緊拖？掛唔掛住我呢？”心裡面都充滿著好多好多問題。。。
“有。。。一個由小學開始已經識得嘅人，我諗冇佢。。。我唔會係度同你接受訪問。”
 “係咪初戀男友先？”
 “初戀男友？其實我都唔知點樣去定義佢，正確黎講，我連我地有冇拍過拖都唔清楚。”




 “嘩！關係咁複雜嘅？”
正當Chris想再打斷訪問之際，冇想過Snowy繼續回答。
“係呀！真係好複雜。戀人又唔係，你問我係咪我嘅最好朋友，我又可以答你唔係。。。但我好肯定嘅係，佢喺我心入面嘅地位係唔可以被取替！”做完訪問，Chris同助手Priscilla對於Snowy異常嘅反應都好奇怪，大概dead air咗5分鐘，終於忍唔住開腔。
“Snowy呀。。。你今日係咪有d唔舒服呀？又或者我駛唔駛幫你排過時間再做訪問呀？你一向都唔鍾意同傳媒講私人嘢嘅。”
 “唔駛啦！唔舒服嘅時間都過咗好多年。。。又或者個個人好重要啦，重要到我啱啱講咗d咩都唔知～Ha...都唔知呢個係咩logic!”冇錯，對於Snowy黎講，呢個人什至比男朋友更加重要，佢知道呢個人喺自己嘅人生劇場裡面，佔咗好重嘅戲份，佢亦都好感激，呢個人樂意出現喺佢嘅劇本入面。。。