【兄妹情】我有個MK阿妹: 後記

後記── 

寫咗啱啱好七日，一個星期。自己都唔到故事咁快完結，可能因為喱個真係一個好平凡嘅故，無咩特別，所以唔會特別長。 

最尾都有唔少巴打估到我身份，無錯，我就係墨說。有好多人可能會問，點解我要用第二個AC寫故呢？ 

咁係因為我覺得自己寫故越寫越無力，寫嚟寫去都好似都係得個嗰樣，又係同一讀者，又係同一個故事。情況就好似有個瓶頸位，我死都突破唔到咁。 

如果係咁嘅，我安於現況寫故都喺俾同一班人睇都得，但係我接受唔到自己寫完滿足唔到自己嘅故事，咁我寫出嚟都無意思。 





所以我就試下突破下自己，睇下到底係自己寫嘢生疏咗，定係實力唔夠。因為我好想變，我唔知點解自己越寫越無力。 

不過都好，見到咁多人支持，我先知原來我自己打文初衷冇變到，自己一樣咁鐘意寫、因興趣使然而寫。 

直頭聖誕節、平安夜兩日夜晚打緊文，都可能忘記咗。喱個故可以話最拾返我當初寫故嘅速度同興趣，變到唔係為出而出，唔係循例俾班固定讀者睇下就算。 

喱種感覺，好實在。 

最後，好多人會問喱個故事係唔係真。你可以反問自己，其實喱個咁普通嘅故事，每日就喺香港喱個彈丸之地上演緊，每日都有好多兄妹咁樣打打罵罵又一日。 





好多謝各位支持，嚟緊我唔知自己寫作手法仲會唔會變。 

不過我會繼續突破自己。 

MY FB：https://www.facebook.com/%E5%A2%A8%E8%AA%AA-1417494148490607/ 
紙言：https://www.shikoto.com/author/2208/%E5%A2%A8%E8%AA%AA.html 

最後送三首歌俾你哋聽，係我一路寫最尋尾個段一路聽嘅歌，希望各位都搵到自己夢想、愛情。 

SAGAS - 88：https://youtu.be/tzatmbp-3ww




愛很難明白：https://youtu.be/r6FY3XQbXyY 
朋友的浪漫：https://youtu.be/rVRLNk5ucWg