[有聲故][少甜] 我以後都唔會同Band妹拍拖: 第二章 SCENE 2
第二章 SCENE 2
翌日，我收到呀雪的Whatsapp。
「呀南…尋晚…唔好意思…」
「唔…？」
「尋晚我飲多左架炸，失禮晒！…平時我唔係咁架…」
「傻啦，盡興都要道歉～係呢你依家做緊咩？」緊張的我嘗試把令她尷尬的話題轉移，男校出身的我每個回覆都經過深思熟慮，生怕把心儀對
象嚇走。
自此，我跟呀雪隔幾天便會Whatsapp單獨聊天。在漫不經心的對話中，獲得不少關於呀雪的背景；再加上從Band Soc 同學口中閒談套到
的資料，得出以下情報：呀雪正就讀社會科學系Year 2 、喜歡和最擅長唱歌、家住沙田屋村、獨生女、A0、雙魚座、GPA 3.3、喜歡貓…以前
中學裡的溝女達人曾公開分享，說首先要摸清對象底蘊，之後行動就更容易，更方便找到話題。媽，我要脫毒鳥！
「喂喂我地組緊一隊Band呀，依家有Vocal (我)、鼓、Bass同結他，但係我地想再加多枝結他，D聲會full D~ 你有冇興趣試下玩？」一晚呀雪
發來的Whatsapp。
「好呀，我可以試下嘅。」有這個與呀雪相處的機會，當然不能錯過。
十月尾的天氣有點清涼，空氣中帶著寂寞的氣味，令人有種想找人取暖的感覺。那天，我穿著U記的白色Hoodie。
到了約定試夾的地點，是觀塘一棟殘舊的工廠大廈。在像鐵籠的升降機裡，望著牆壁在需人手拉動的升降機鐵閘後徐徐下降，
心裡不禁浮現Bio-hazard 過關打喪屍的場面。
到達樓層，拉開升降機鐵閘後走幾步便見到呀雪。
「Hi呀南，喺呢面呀。」呀雪指了指。
原來呀雪他們租了時租band房，是一間店裡間開幾間房，而不是私人那種。店鋪櫃台前坐著幾個搖滾打扮的年青男子，
他們皆黑衫黑褲打扮，身上皆戴著一串串吊飾和手鏈，正在高聲談話。經過他們身邊時大概聽到他們談的內容。
「喂，聽講Shallowithin 個結他手同條女散左喎。」Rock男說完用戴著幾隻巨型戒指的手拿起香煙吸了一大口。
「哦係呀，俾佢主音女朋友捉到偷食嘛。呢，Electron個女主音呀」另一個紅頭Rock男邊按著電話邊說。
「唔撚係喎，我聽個版本係話Electron女主音偷食左大半年，Shallowithin 個結他手早排飲醉左先偷跳喎，仲要食左Electron個女bass手，搞到嘈散band咁話喎！嗱，Shallowithin個bass佬講嘅，可信啦掛？」第三個Rock男把玩著結他說。
「屌！咁爆！？」
「貴圈真亂…」我搖搖頭，進入了那預訂了的Band房，只見所有牆壁都貼了一塊塊黑色金字塔型吸音綿，隱約散發著沈積多年的香煙味。
房中有三個Band Soc 同學在為樂器調音及調教大型結他音箱，還有四個Band Soc 女同學在角落的梳化上玩自拍。
「呀南，等我介紹，打鼓嘅叫Jack、彈Bass嘅叫呀傑、彈結他嘅叫Kin。玩緊自拍嗰4個叫ABCD！：Ada，Bobo，Cindy，Debi！
嗰面有幾枝電結他，你可以是但揀枝玩下。」呀雪透過咪高風向我說。鼓手和貝斯手向我揮揮手，在玩自拍的同學ABCD亦開心地嗨了我。
初次到Band房的我對這一切都很陌生，我隨便拿起了一枝印有 “Stratocaster” 的電結他，坐在旁邊看著。
從走進房開始，我覺得這裡氣氛不錯，除了那個彈結他的Kin，他身穿一襲黑衣，拿著蜂蜜黃色、印有 “Gibson” 字樣的葫蘆型結他，
不時以他那雙單眼皮小眼，帶著不善的眼神打量著我。突然，他一撥啡色長流海，帶著奸笑對我說：「Hey!你就係呀南？聽講你結他好勁，不
如依家4個人樂器Jam下！」說罷大力地拉了我到練習區， Kin手上的兩隻戒指大力的按得我有點疼痛。我像在舞台上面對著台下觀眾一樣，
頓時不知所措；活像在中學被迫上台演講般。
呀雪和花生友們看著練習區的我們四個歡呼，從他們角度，我站在左面，Kin站在右面，中後的是貝斯呀傑，最後的是鼓手Jack。
「我知你地彈木結他最常彈C Major，我地用A Minor 黎Jam，一樣架炸。頭8個Bar俾你聽熟嗰4個Chord: Am F G Em，
之後我同你每人Solo 8個Bar，我彈先，俾你跟下。」Kin 假惺惺地說明是次Jam 的方法。
［Scene 2 音樂起］https://youtu.be/-29BX2KcYCE
音樂開始，我嘗試抑制自己的緊張，緊握流著冷汗的掌頭，捉摸音樂的節奏。他們三人輕鬆地奏著自己的樂器，我亦把握時間手指按著結他，
把那四個和弦記好。Am，F，G，Em，這四個和弦並不難按，可是我該如何solo？從未嘗試過結他solo的我腦裡充滿問號。
Kin 氣定神閒的進入自己Solo 的時間。「反正冇蝕底，等我第一次彈慢D，睇下你條新鮮人跟唔跟到，睇下你咩料都好。」Kin 心想
「話唔定第一round都未完條友已經頂唔順跪低，睇嘢啦新鮮人，呢D就係真正RocknRoll！」。
我觀察著Kin的彈法，開始捉摸這遊戲的玩法。
這回到我，我靈機一觸，用上了Beyond名曲 「真的愛你」Solo中的一段，再配合一些合調的音符，即時創作出一段好像有點耳熟的solo。
緊接著融合彈出不久之前在網上學到的bend 線拉音技巧，又再隨意配搭合調的音符，到最後參考「我是憤怒」的幾個音結束Solo。
「屌！抄考能力仲勁過宇宙巨Band！彈埋「海闊天空」一路「今天我~」到2046呀笨！」Kin 冷笑望著我，他手指沒有半點怠慢，
「我承認你係有D小聰明嘅， free jam的確冇咩規矩需要跟。不過，呢個世界更多嘢係講經驗！做人係，彈結他都係！！！」看來Kin不敢輕
敵，平平穩穩的把他這回順利彈完。
又輪到我，方才那回的令我膽子大了一點，信心增加下決定把自己Solo速度提升一點。「既然開始捉到路點玩個遊戲，我應該走出自己嘅
comfort zone，我要再彈快D！我相信自己可以超越Kin！！！」此時身在觀戰區的呀雪揮動相手向我打氣，做了「呀南加油」的口形。
嗚哇…Fing 乳啊…我把慾火化成力量，右手像風火輪般彈撥琴弦。
到Kin 彈奏，他看到呀雪對我打氣後眼神突然充滿殺氣，他雙手突然暴走，就像基拉駕著高達爆Seed；右手拿著結他pick不斷與結他弦磨擦
著，仿似隨時會著火。看著Kin疾走式solo，我暗暗吃驚。「Kin彈每一下都唔留力，以pick同弦嘅壽命換取幾分鐘開大絕嘅極致表現…
今次大獲…」
「屌，死就死啦！Joey Tang 速速上身！」我把生平所學的結他觸覺和手指速度拿盡來拼了，以自己也想不到的近乎超光速彈奏，雙手並用的
彈出了一堆華麗的音符。Kin 見我竟然能跟得上，顯得一面驚訝。不過他旋即控制面上的表情，轉頭向呀傑和Jack打眼色，三人一同暗笑。
我有一絲不詳的預感。
果然，當我彈完Solo後，整個樂底的和弦進程 (Chord Progression) 和感覺都驟然改變了，變得黑暗陰沉。Kin 的高速Solo 滲透出一股邪氣。
「依家嘅Chord Progression變左，最啱4個Bar行E Phrygian，4個Bar行A Phrygian。今鋪仲跣你唔到？！」Kin轉眼得意地完成他的Solo。
「哇，乜嘢黎架？冇計啦，惟有彈慢D彈少D音，少彈少錯。」我慢慢地將Solo逐粒音彈出來，沒想到效果竟然不俗，能跟隨節奏的感覺之如，
更沒有跑調的情況出現。我最後勉強的完成了這節古怪的solo。
Kin明顯一臉失望，再向呀傑和Jack做手勢。樂底又回復了原本的狀態，Kin沒趣的以中等速度隨便彈他的Solo。「
都係快快手手收尾算，再彈落去都冇癮」只見Kin草草地彈出音符，甚有敷衍的意味。再過了沒多久，Jack 敲了四下銅鈸，
意味著這次的Solo單挑即將結束。在結尾，我和Kin抓緊時機，不甘示弱向對方飈高速Solo Show- off 拿尾彩。
［Scene 2音樂完］
「哇！你地岩岩好Charm呀！好型呀！」
「呀南你手結他好勁呀！可唔可以教下我呀？」
「簡直係世紀大決鬥呀，我拍左片啦，即刻掉上FB, IG！」
「掂啦，集齊5個人可以成Band喇！」
ABCD 在結他比試後七嘴八舌地討論；我亦如釋重負，畢竟，比試時腦袋需不斷思考、手指同時要不斷彈奏，有點累。
「喂，飲啖水呀。」呀雪走過來，遞了我一枝水。今天呀雪應該噴了香水，她一走過來，空氣飄蕩著一股誘人的茉莉幽香，把我靈魂懾走了…
「唔該妳呀…」
「唔該你就真啦，要你今日專登走出黎試夾！係呢你岩岩彈得好好呀，我都估你唔到，勁過上次彈俾我睇好多…
你會唔會考慮下加入呢隊Band一齊玩呀？」說到“上次”時，呀雪的頭稍稍別過臉，臉頰有點紅。
男性被心儀女性稱讚多少也會感到飄飄然，我連一秒都沒考慮就答應了呀雪的邀請。對的，連那呀Kin強烈的敵意也無視了。