【劇情甜】港佬狂想曲: 第三章：神秘租客篇(33)

十七、重遇阿花(2)

　　「咁肥標知道左個檢驗結果之後點呀？」雞雄都唔敢望佢地兩個，唯有繼續問阿花。

　　「下！佢…佢咪激到當場晌間化驗所度爆血管，跟住就咁去左囉…」阿花又喊：「我晌香港冇人冇物，又搵你唔到…」睇黎佢心裡面一早已經認定左雞雄係經手人…

　　「最後我唯有先送個ＢＢ返上去畀我Ｄ屋企人湊，自己一個人留晌香港度邊搵錢邊搵你囉…」阿花一面喊一面講：「咁岩我有個同鄉晌小姐屋企打工，知道小姐出高薪搵個奶媽，所以我咪黎打工囉！嗚嗚…雄哥，估唔到會晌呢度見返你…」

　　「唉！」雞雄仰天嘆左口大氣：「我諗呢Ｄ真係天意！」





　　…估唔到肥標就咁去左！

　　於是佢「稍稍潤飾」完之後，就將當日點樣幫阿花「打種」既事一五一十咁講哂畀Jacky同Carol聽，當中仲加鹽加醋，講到阿花點樣可憐，點樣畀佢老公虐待…即係聞者傷心、聽者流淚果隻呢…連阿花自己聽完，都有少少懷疑講緊果個究竟係咪自己？不過佢雖然單純，但唔係蠢既，當然唔會晌呢個時候玩踢爆啦！

　　Carol心地善良，自然係聽到眼濕濕啦。而且雞雄知佢一向心軟，於是首先就向佢埋手：「Carol，我同阿花既事雖然已成過去，但係如果個ＢＢ真係我既，我都有責任撫養佢，妳話係咪？」

　　佢見到Jacky一路聽一路點頭，竟然冇乜反感咁，都有少少奇怪。於是乎就詐詐帝試探下咁話：「Jakcy，我知妳係義氣仔女。可唔可以暫時幫我照顧住阿花先，等佢接返個仔落黎我地先再作打算？」

　　「好！」Jacky竟然諗都唔諗，一口就應承左，仲即刻同阿花話：「標嫂，妳聽日即刻返上去湊個仔落黎，如果驗過真係阿雄既骨肉，我地一定唔會待薄妳既…」





　　Jacky咁爽快，真係連雞雄都有少少意外。

　　「標嫂，既然妳同雄哥既事已經過左去，」不過Carol已經即刻補充話：「而雄哥亦都唔可以畀到乜野名份妳…但係，我地一定會好好照顧妳同個ＢＢ既！」佢一手箍實雞雄，擺到明自己先係正室，分明暗示緊阿花叫佢死左條心。

　　阿花猛咁點頭，已經開心到成面都係眼淚。其實佢冇左肥標呢張長期飯票都唔知幾徬徨，可以見得返雞雄已經開心到死，而家Jacky同Carol都話到明會好好咁對佢添，佢點會唔答應喎？至於名份，佢自己知自己事，對住Jacky同Carol呢Ｄ又靚又叻既香港女仔，佢點同人爭丫？是是但但有人養咪算囉…

-------------------------------------

　　於是第二日一早，阿花就即刻返上大陸湊左個仔落黎。





　　Jacky同Carol一見到阿花個仔，已經九成相信左佢係雞雄既骨肉，真係驗都徙氣！點解？因為個ＢＢ同Jacky個仔足足一個餅印，幾乎話佢地係孖生既都有人信。到後尾個ＤＮＡ報告出埋…原來個仔真係雞雄既。

　　驗明左正身，Jacky就好大方咁收留左阿花兩母子晌佢屋企住，名義上就話請左佢做管家啦，繼續畀佢照顧兩個ＢＢ。阿花當然係千多謝萬多謝啦，橫掂佢都做開奶媽，咪當餵多個囉。Jacky同Carol仲認埋阿花個仔做契仔添。

　　…於是乎，雞雄都未結婚就已經有左兩個仔；雖然，兩個仔張出世紙上面寫既老豆都唔係佢！

-------------------------------------

　　同阿花遇返之後，雞雄一直都冇再同佢有Ｄ乜野…雖然佢都好想…因為阿花呢個大波人妻生完仔之後好似仲「索」左，尤其係對車頭燈，足足大左幾吋，完全係一手冇辦法掌握果種。

　　不過諗還諗，雞雄始終唔敢作反。話哂佢依家個正印有Carol，二奶有Jacky，而阿花就住晌Jacky度。無論點都好，Jacky始終話哂都係佢個米飯班主，雞雄就算點好色都唔敢咁猖狂，晌佢地兩個眼皮下面作反啦。不過成日見住呢個正斗兼大波既人妻北姑晌面前行黎行去，有時仲會唔覺意睇到佢解開件衫餵奶，你話雞雄唔起痰都冇人信啦！

　　……其實，對阿花起痰既又點止雞雄一個丫…？

(如本人ig(J圖IG)每達一千follow就加更一篇)(https://www.instagram.com/jed_girl_hk/)




(如果今日本人Facebook Page 達五十讚將加更一篇)
(各位支持下我個Facebook Page la
http://www.facebook.com/%E6%B7%AB%E8%A4%BB-445645792298358 )

待續……