【驚慄】《冥婚：血紅色的裙褂》點解會係我同你？: 十二、選擇
十二、選擇
從孫老太的家離開後，藍朗蕎一直悶悶不樂，沒有怎麼說話。嘉駿和汪蔓渟都知道藍朗蕎在夢中見過很可怕的情景，說是真實的又說不通，因為這始終只是夢境；說是假的也不太可能，因為藍朗蕎根本從未見過孫洋和方允兒，又怎麼解釋她能在夢中夢見不認識而真有其人的人？
不過最讓藍朗蕎心寒的，仍然是那可怕的怪物⋯⋯
每當藍朗蕎想起那怪物一步一步走近自己，她就覺得渾身不自在，很不舒服⋯⋯
不過對於嘉駿和汪蔓渟而言，這件事也總算有了點眉目，因為他們總算搞清楚，他們將要面對的是什麼。
「你仲想查落去？你唔怕咩？」嘉駿問汪蔓渟。
「我怕⋯⋯但怕就可以視之不理咩？人人都怕死，孫中山夠怕死，但有啲野係我地怕都一定要去做。如果呢個制度係唔岩，就一定要整停佢、破壞佢！如果呢個儀式係錯既，我地更加唔應該畀佢繼續落去！」
「如果我地今日唔理，得過且過，係，我地可能會無事，但係我地既仔女呢？我地仔女既仔女呢？邊個可以保證？所以⋯⋯我唔會放棄，我一定會諗到阻止佢既方法！」汪蔓渟說，嘉駿恍惚在她背後看到代表希望的陽光一樣。
反之，藍朗蕎身上卻是充滿恐懼和不安⋯⋯她很不妥。
三人又回到鎮中的中心地帶，卻發現一堆人正在圍來幹活，旁邊站著的正是陳影紅。
陳影紅仍是如此的冷漠無情的表情，她一眼就瞄到三人。汪蔓渟探頭看過去，發現是村民正在處理寶賢的屍體，敖正宇卻仍在崩潰哭泣著。
汪蔓渟看見陳影紅就惱了，便衝過去指罵陳影紅。
「你害完一個又一個，你見到佢傷心成咁，你個良心又過意得去咩！你食得安坐得落咩？」汪蔓渟向著陳影紅咆哮道，但陳影紅依然冷淡。
「關我咩事？係佢自殺，你邊隻眼見到我殺佢？」陳影紅說。
「你知道佢要破壞冥婚，所以你先會先下手為強對佢不利！」汪蔓渟說。
「我邊有咁大力量可以令到一個人自殺？」陳影紅說，然後她瞄向汪蔓渟身後的藍朗蕎。
「不過呢個鎮無奇不有，咩都有可能發生，我建議你地，如果唔想死既話，就唔好搞咁多野。住係呢到既，就安安份份生活落去，唔屬於呢到既，唔該速速離開，咁就或者可以保住你地條命仔。」陳影紅說著，語氣仍是那樣高傲，而她的視線沒有離開過藍朗蕎，難道她正在警告藍朗蕎？還是她正在恐嚇藍朗蕎，要令她成為下一個寶賢？
嘉駿見到陳影紅這樣恐嚇藍朗蕎，便挺身擋在藍朗蕎身前，與陳影紅對立。
「你講夠未？終有一日我地一定會知道真相，唔會畀你陰謀得逞！」嘉駿說，陳影紅卻只是冷笑一聲。
「我怕就怕你地無咁長命咋⋯⋯」陳影紅陰森的說。
「我地唔同你講咁多，係咁！」汪蔓渟說道，然後與嘉駿、藍朗蕎離開陳影紅的視綠範圍。
-
嘉駿、藍朗蕎及汪蔓渟遠離鎮中心，思考著接下來該怎麼辦。
「點算呀而家？」汪蔓渟問。
「我諗我地應該要查下陳影紅背後到底有咩力量，我相信成件事一定仲有好多秘密。」嘉駿說。
「無錯！跟住落來佢好可能又會挑選另一個女仔去替補我家姐個位，我地唔可以畀呢件事發生！」汪蔓渟說。
「無錯！」忽然傳來一把陌生的男聲，眾人一同望向後方，原來李樂居然悄悄跟著眾人一起。
「我其實都覺得呢件事好古怪⋯⋯不過今次終於有人同我有共同既見解喇！」李樂說。
「你一直跟住我地？」汪蔓渟問，李樂點點頭。
「我本來一直係正宇隔離照顧佢，但佢根本唔係太想理我，後來我見到你地來左，仲同陳影紅講左幾句，我就醒起村入面傳過傳聞話你地查緊呢件事，所以我就來左搵你地，因為我覺得呢件事絕對唔係咁簡單！」李樂笑說。
想不到學校中最不顯眼、鎮中最平凡不過的男生也發現了這個現象，汪蔓渟不禁有點欣賞李樂。
「咁你有咩見解？」嘉駿問李樂。
「我認為呢個陳影紅唔係咁簡單，佢一定有佢既方法或者能力，又或者係佢仲同緊某個人合作去做呢件事。」李樂說。
嘉駿、李樂和汪蔓渟正努力尋找解決事件的方法，可是藍朗蕎卻全聽不入耳⋯⋯四周的聲音好像變少，一陣暈眩的感覺湧上藍朗蕎的腦海中，她的頭很痛，痛得像快要裂開一樣，從內到外，好像有隻手在牢牢抓著她的腦袋一樣！
「夠喇！」藍朗蕎忽然大聲咆哮，嚇得嘉駿三人都靜了下來。藍朗蕎的頭痛好像稍為減輕了，她看著靜默不作聲的三人，霎時間為自己無禮的咆哮覺得抱歉。
「對唔住⋯⋯我唔係太舒服⋯⋯」藍朗蕎說，嘉駿擔憂的看了看藍朗蕎。
「蕎，你無野呀嘛？你自從來左呢到之後就古古怪怪咁⋯⋯係咪發生左咩事？」嘉駿問。
「係喇蕎姐姐，你係咪發現左咩事？」汪蔓渟也開口問。
「唔係⋯⋯只不過⋯⋯我覺得夠喇。」藍朗蕎說，讓嘉駿三人大惑不解。
「我唔想再查落去，我好驚呀。」藍朗蕎眼紅紅的說。
「蕎，唔使驚架，有我係⋯⋯」嘉駿說著，但藍朗蕎很快又打斷了他。
「你唔明，我好怕死呀，你知唔知呀？無錯，係，呢件事真係好神秘好真實，絕對唔係巧合，你家姐、郭小蘭、寶賢、孫洋同方允兒，佢地都係因為呢件事而死。但邊個可以擔保我唔係下一個？我仲要返去香港搵返子仁，我仲要返去我屋企煲劇做好多我想做既野呀！你明唔明呀！」藍朗蕎哭著說，這下子嘉駿和汪蔓渟都靜了。
「趁我仲有得選擇，我想選擇一條活路，我唔想死呀。」藍朗蕎說。
「係⋯⋯你講得岩，我唔應該勉強你做咁多野，陪我冒咁大既險。」嘉駿說道，但他明顯地比之前頹廢了。
「但我點都要搵出真相，就算得返我自己一個我都會繼續落去。」嘉駿說，藍朗蕎驚訝的望著嘉駿。
「你唔怕死咩？」藍朗蕎問。
「我怕，有邊個人唔怕死？我都驚，但我知道如果唔解決呢件事，仲有好多人會受害，我同你可能都係其中一個，渟渟、阿樂⋯⋯仲有好多人會出事。」嘉駿說。
「我本來都只係想搵出真相，但係識左渟渟之後，我覺得我地應該要幫佢。恐懼，令到我地唔敢去反抗，唔敢去爭取正義同公義，但呢個世界唔應該係咁。」嘉駿說，藍朗蕎一時不知如何反駁他。
「你地唔好鬧交喇⋯⋯」汪蔓渟嘗試勸導兩人。
「係囉，一齊留低慢慢傾下喇。」李樂也加入說。
藍朗蕎看了看眾人的眼神，內心不斷交戰，既想留下幫助嘉駿，但心底又覺得自己不應為了這人犯險。
「Sorry。」藍朗蕎說了一句，然後便轉身返回旅館想收拾東西離開。
嘉駿看著藍朗蕎選擇離開的背影，心中忽然覺得好痛⋯⋯這是他從來沒有過的感受，原來他口裡說不介意，但心裡卻十分在意藍朗蕎⋯⋯
汪蔓渟和李樂只能呆在原地不知如何是好，就在此時打破僵局的居然是電話鈴聲！嘉駿的手機忽然響了！
嘉駿馬上取出手機，發現竟然是前度女朋友柳忘憂打長途電話過來！
「喂？忘憂？」嘉駿驚訝的問道。
「嘉駿！太好喇我終於搵到你，我都係透過你助手Natalie先搵到你⋯⋯」柳忘憂明顯十分緊張。
「做咩事忘憂？你有緊要事搵我？」嘉駿問。
「我男朋友路過佢出左事⋯⋯佢遇到車禍，隻手既神經線受損，需要做手術先無事，但如果有咩差池，佢隻手就會廢左以後彈唔到結他⋯⋯我知你係呢方面既專長，我求下你返來救下佢！」柳忘憂哭著說。
嘉駿霎時間呆住了，同時間有一雙邪惡的目光也在附近監視著眾人⋯⋯
未完待續