【英雄系列0】石仔特工系列: 1.1 You're So Sweet & I Love You

「頭先呀,好彩有我響度咋,唔係既話果位靚女就比果三個強姦犯中出100發架啦」呢個時候既我,早已駕駛住honda civic type r,響高速公路上奔馳
「石仔,咁樣做始終都唔係幾好呢,呢d野都係交返比差佬做啦」呢位坐響我隔黎既啡長髮黑絲靚女,叫rina
佢同我一樣都係19歲,同時亦係我既拍檔
拍檔?

冇錯,我係一個特工,隸屬國際情報機構IID(International Intelligence Department)香港分部
一年前我成功紮職,由見習特工變成正正式式既特工
我個阿頭-boss亦安排左一個同期成為特工既rina做我既拍檔

至於點解我會入左呢一行,就真係一匹布咁長,以後再有機會既話先講



「班差佬成幾分鐘之後先到呀,到時個靚女都比佢地中出完啦..」
我打開收音機:「三名男子被發現倒臥於旺角山東街,三人下體均受到嚴重創傷...」
我沾沾自喜:「嘿,聽到啦rina,我今日又成功救左一個良家婦女啦」
rina嘆一口氣:「唉..點解boss要派我同你呢個完全唔跟order既癲佬呀..」

我飲左一口Calpis乳酸菌:「我癲?我點癲法呀?」
「上星期你為左救果d比人捉左去劏既流浪貓,差d連特工執照都比跌埋,好彩執得返咋,如果唔係又比boss鬧死架啦」
我冷笑一下:「咁..唔做呢d野,仲有咩好做姐?依家香港咁和平..」
基本上香港受到恐怖分子攻擊既機會比其他發達國家低,我地呢d特工真係冇乜野做,我地兩個咁耐以黎做過最大單既都係破獲人蛇集團


不過好彩既係,呢份工做又36唔做又36,每個月依舊有5萬底薪

「哦...我知啦,你係呷醋,你唔抵得頭先個靚女有我呢個英俊瀟灑既香港007救...」
rina一野敲落我個頭度:「呷你個死人頭,你又毒又咸濕,邊得閒呷你醋呀!!!」
「我毒?我咁型棍都毒?」
「哼,你唔毒既話,一早同左瞳瞳告白啦!」

被rina說到痛處,我:「屌...呢d野唔好再講啦...」
rina得理不饒人:「你又唔讀書,遲下瞳瞳入左大學,晚晚實勁多男神同佢...」
係呀,我的確係19歲,不過留左2年級,所以我依家先讀中六


「唔好再講啦屌你,我同瞳瞳已經冇可能架啦」
rina搖搖頭:「唉,都唔明你點諗既..唔試就乜都冇可能啦」
「你估溝女咁撚易呀?我同佢乜共同話題都冇...」
rina繼續對我說教:「邊有男人一出世識追女仔架?共同話題就係要你培養出黎嘛!睇死你成世人都追唔到女仔呀!」


半個鐘後,我同rina就已經返到我地位於流浮山既屋企,boss話過兩個人行動最多住埋同一個地方,所以就安排左呢間三層高既獨立屋比我地兩個
你地係咪會諗,同靚女同居咁撚正?
唉,事實緊係唔係咁啦

rina一除鞋入屋,就訓左上梳化睇電視:「喂,石仔整d宵夜食下丫」
「吓,唔係掛,你頭先先食完個m記,咁快肚餓?小心變肥妹呀」
「我呢d天生食唔肥既,你吹咩」得戚得佢丫...
我翻開廚房既大櫃:「得返幾個杯麵咋喎..」
rina不屑,道:「唉...是但啦」


我從電水煲禁出熱水:「你搞到我好似係你d阿四咁呀」
rina把玩住手機:「阿四對你黎講太高級啦,係都太監啦,小石子!!」
「丫屌你,幫你煮麵仲要撚化我,信唔信我響d麵落瀉藥丫嗱」
我同rina鬥嘴已經係每日必定要做既事



rina邊食麵邊問:「係喎,你聽日要返學校補課喎」依家係三月,我仲有大約一個月就要考濕鳩dse
我:「嗯...」
「嘻嘻,好彩我一早讀完中六,唔駛再讀書」
我冷冷一句:「你咪又係日日冇野做響屋企煲劇,再唔係就出去行街」
rina將杯麵既湯飲下:「車,不知幾有意思,日日做少奶奶咁」
之後走上樓上:「我去沖涼啦,你唔好昅我呀」
我:「屌..睇得自己咁高」
rina呢條女出到街都冇乜野,返到黎就公主病發作,當我賓妹咁駛


不過,又真係幾索既,有樣有腳,淨係冇波
如果佢響我學校既話應該都係女神level



「鈴鈴鈴鈴鈴鈴鈴鈴鈴鈴鈴鈴鈴鈴鈴鈴鈴鈴」
鬧鐘既叫聲將我吵醒,我望一望鐘
「屌!!!!!10點!!!!!!」仆街我返9點呀

我拿拿起衝入廁所梳洗
著住睡衣,睡眼惺忪既rina走入黎:「晨早流流發乜神經呀,唔駛訓咩....」
「屌,較錯鬧鐘,遲到啦」
我冇理rina,拿拿聲換好衫之後就搭車返學校

20分鐘之後,總算返到我果間中學-天水圍馬得理紀念中學


一入到去,全間房既人都轉頭望住我
我心諗:「做乜鳩呀,未見過人遲到咩..」
「喂,你知唔知依家幾點呀?」教中文既肥佬施sir放低粉筆,直接質問我
「sorry施sir,聽日一定唔會遲...」唔通仲屌返佢咩,緊係即刻sorry sir啦
施sir都吹我唔脹:「得啦,你返埋位啦,聽日唔好再遲啦」

一坐低,隔黎有個人大大力拍我膊頭:「喂,石仔,搞咩今日又遲呀?」
呢個人,就係全班唯一一個肯理我,而且同我熟既女仔,齊嘉莉,yuri
矮矮地,爆牙,係幾得意既,算係我地班既開心果,個個都熟咁囉
「屌,好撚痛...尋晚打機打耐左嘛」
全班冇人知道我係做特工,如果知道既話我一早死左十世

我攤響枱上:「唉...駛唔駛補咁多日課呀」其實都只係七,八日,個死肥佬話要操中文
yuri奸笑咁:「對你黎講..咁咪幾好」
我抬起頭:「你..你up乜呀,邊忽好呀?」


佢望一望班房另一邊既一個女仔
呢個女仔留住黑長髮,大眼,白淨,感覺十分清純
「補咁多日課,咁石仔你又可以同你女神瞳瞳再對耐d囉」
呢一個女仔,正正就係我同rina尋晚講過既瞳瞳,凌愛瞳

由中五岩岩留班開始,我就對佢有好感,呢件事都係得yuri知道
不過佢唔同我,佢係好比心機讀書果d女仔黎,小息都淨係響班房睇小說咁
可能佢太靚或者性格問題啦,同班上面其他mk妹都冇乜兩嘴咁,身邊得yuri一個同佢傾到計
佢都算係全級女仔當中最靚既一個,班上面既男神,狗公,毒撚都嘗試過溝佢,不過瞳瞳完全冇理佢地
但係,我咁多年黎都係同佢講過幾句野,點溝呀.....

我支支吾吾咁回應「咩..咩喎...」
「口質質,仲唔係身有屎?!依家瞳瞳都冇人溝啦,你快d去馬啦,唔係之後你就後悔啦」
「後..後咩悔呀?」
「瞳瞳咁叻女,次次都考全級第一咁濟,應該實入到大學啦」
「石仔你諗下丫,到時瞳瞳入到大學,大學咁多野玩,又咁多狗公禽獸,到時瞳瞳比人融左都似啦」
我望住瞳瞳雪白既面頰,我心裡面都有點猶豫

捱左成日,終於到四點放學
呢個時候,瞳瞳已經拎住自己既totebag離開班房

「唉,攰死人啦,返去訓陣先」我打住呵欠
yuri:「吓..你仲唔溫書呀?」
「事但啦,出到黎咪又係得5條一」講真,我一早放棄左讀書,反正我都有特工呢一份筍工,仲駛同你班傻仔讀大學?
yuri怒視住我:「嗱,到時瞳瞳比人溝左,你唔好後悔呀」
我攞起背囊:「唉,算把啦」之後就同yuri一齊走

行到出學校附近
我指住地下:「喂,地下有個銀包喎..」

「咪住先...個銀包..係瞳瞳架喎!」yuri大吃一驚
「吓,咁..咁又點呀?咪聽日比返佢囉」
yuri比我更加著急:「呢個係大好機會黎架,比你同瞳瞳發展呀!」
「你up乜呀...」說罷,yuri就從我褲袋拎出我既手機,再禁左一個電話號碼
我拉住佢:「你做乜呀!」
「我幫你打比瞳瞳呀,你記住話係你執到個銀包呀」
yuri夾硬將電話塞向我手上

大約5秒之後,電話接通
「喂,係邊位呀?」呢把聲音正是瞳瞳
yuri做手勢叫我講野
「我..我係石至磊呀.....」
瞳瞳聽到我把聲,有d錯愕:「係..係石至磊你呀..做咩呀」
「我..我頭先..響學校附近執到個銀包..好似係你..」
一聽到呢度,瞳瞳:「吓.....係喎,我個銀包真係唔響我度喎...個銀包係我架!..唔該哂你呀」

yuri做左一下yes既手勢
我:「咁你..想我響邊度比返個銀包你呀?」
瞳瞳:「但係我依家就返到屋企,一陣仲要補習,你..介唔介意,一陣6點半先比返我呀」
yuri細細聲講:「ok,ok呀」
「你係咪唔得閒呀?一係聽日補課先...」
「唔係!o..ok呀,你想響邊度等呀?」
「響我屋企樓下丫,天耀邨個公園仔等丫...」
「嗯..好丫」
「唔該哂你呀石至磊,一陣見啦,拜拜!」

收線之後,我深深咁吸左口氣,好似仲緊張過破獲人蛇集團咁
yuri笑道:「嗱,都話左得架啦!依家瞳瞳實當你係恩人啦,呢個絕對係比你追到佢既好機會呀」
yuri真係我同瞳瞳既紅娘,多謝你!

就係咁,我同yuri兩個鳩下鳩下咁等到6點半
我拎住個銀包坐響天耀邨個公園,而yuri就匿埋一二角食花生
等左大約一兩分鐘

「靚女,得唔得閒去唱下k呀?」一把乞人憎既聲音出現響遠方
三個頭染金毛既mk,圍住一個身穿hoodie及牛仔褲既女仔
呢個女仔,正正就係凌愛瞳
瞳瞳顯得好驚:「你...你地走開呀」
帶頭既mk一手捉住瞳瞳:「黎啦靚女,我地一齊去唱k丫」
瞳瞳不斷掙紮:「救..救...命呀!!」
「你嗌丫...你嗌破喉嚨都唔會有人應你架!!」

我見狀後,馬上指住三個mk:「放開個女仔!!!」
瞳瞳成個人呆哂:「係..係你...石..石至磊」

「屌你老母,你知唔知你阻住我溝女呀柒頭皮!」三個mk向我叫囂,並衝向我
帶頭既mk向我頭上揮一拳,我先低頭,避開佢緩慢既攻擊
再用一下勾拳擊下mk小腹
「啊!!!屌你!!!」mk按住小腹痛叫
正當我想乘勝追擊之時,另外兩個mk從後捉住我雙手
雖然雙拳難敵四手,不過唔同既係,我受過嚴格既中國武術訓練

襯帶頭既mk再埋身既時候,我左腳一伸,踢中mk既胸口,mk倒地後掩住胸口痛得不斷翻滾
右手用力,將右邊既mk摔向地下
再轉身揮拳轟向餘下mk既臉頰
「噢啦噢啦噢啦噢啦」

「你老母,咪撚再比我見到你地呀!」
該三個mk被我輕鬆擊退,只好落荒而逃

我走到瞳瞳既身邊:「凌愛瞳,你冇野丫嘛..」
瞳瞳已經冷靜落黎:「冇..冇事,唔該哂你呀...好彩有你咋石至磊,你唔響度既話真係唔知點算呀」
「你個銀包呀」我將粉紅色既銀包遞比佢
瞳瞳一拎返銀包就笑逐顏開:「丫!唔該哂你呀..如果真係唔見左個銀包就死啦」然後繼續check下銀包裏面既證件

「個銀包好緊要架?」
瞳瞳點一點頭:「嗯,係我生日果時媽咪買比我架,因為我屋企唔係咁有錢,所以呢個咁貴既銀包我一直都好珍惜架」
「係呢..點解石至磊你有我電話既?」
「呃...我頭先打比yuri問咪知囉..」
「哦..總之真係唔該哂你幫我執返個銀包呀,石至磊,頭先仲救左我tim」瞳瞳向我不停道謝
「為左多謝你,我好應該請你食餐飯既」

「吓...」
「你..唔想呀?」
「我唔係咁既意思..」
瞳瞳臉紅紅,道:「不過媽咪今晚已經買左餸,咁..不如聽日lunch time丫」
「哦,好呀」
「好啦,我返上去啦,聽日補課見啦石至磊,拜拜」瞳瞳向我揮手道別
「拜拜...」

當瞳瞳一入返佢住既耀興樓之後
遠處既yuri即刻衝過黎:「喂!點呀點呀!!!點解頭先有幾個mk仔架?」
我滿面春風,道:「果幾個mk頭先聊瞳瞳呀,不過我打走左佢地啦..瞳瞳話為左多謝我,聽日下晝請我食飯..」
yuri忍唔住大叫一聲:「嘩!!!!你中大獎啦石仔!!!到時你追到瞳瞳一定要報答我呀!」
「點止呀,請食buffet又點話!」


「難~得~~一身好本領~~~情~關~~始終闖不過~~~」眉飛色舞既我,哼住歌謠回家

「喂,石仔你咁遲先返既」攤響梳化上既rina睇住電視問
我笑道:「嘿,今日幫瞳瞳執到銀包,又幫佢打走班搞佢既死mk,佢話聽日請我食飯多謝我呀」
rina露出驚喜既表情:「嘩,咁都比你狗屎撞馬棍呀,抵你得米啦」

「鈴鈴鈴」係屋企電話既響聲
rina拎起電話:「喂.....係boss...」
吓,boss十年都唔執我地一次,點解..
只見rina神色凝重「嗯,我知啦,十五分鐘後準備視像會議.」

「rina,boss搵我地做咩呀?」
rina吸一口氣:「係新任務,今次係關於國際犯罪集團Sombras」