那天..我在中學聚會見番DaDa: 那天..我在中學聚會見番DaDa (Episode 9)
我「下下下......唔係呀....」
DaDa「講真嫁....但都係中學個時嘅事啦..」
我「哦.....哦.......」
DaDa「做咩呀?你以為我而家鐘意你呀?」
我「無..無...唔係啦...」
DaDa「想創你呀!如果我而家鐘意你!你執到啦!」
我「係..係...緊係啦」
好尷尬...搞到我都唔知應該開心定唔開心好....
DaDa「唔怪得你前排避開我啦」
我「下....無無...緊係無啦」
DaDa「扮咩野呀!施念慈講左比我聽佢同你講左d咩」
我「....哦......ai...我..我都無信佢講野haaha」
DaDa「係咩.....」（唔信我嘅眼神)
我「呀...係喎!都差唔多啦!call我士囉」(址車話題)
之後我地call左的士,司機大佬話三個字左右到...
我同DaDa就坐左係學校門口到等...繼續吹水
我「係喎!你話個男仔拒絕你!我都無拒絕你」
DaDa「你無拒絕我!?你呀!攬完我又唔認呀!你記唔記得呀!?」
我「你講觀星營個次呀媽?」
DaDa「係呀...個時我不知幾嬲,搞到我係人前出醜」
我「扶下你姐....唔算攬下媽」
DaDa「呀...你重講...」（嬲聲)
我「哎....得得得....唔講..唔講...我衰我衰
你又係嘅,咁個時係人都知我鍾意姚家琪嫁媽
緊係唔認嫁啦,但係講出醜,都唔夠我講同姚家琪表白嫁啦」
DaDa「咁又係hahaa,但係呀!我知唔知你攬我個時,我不知幾開心呀!」
我「Sorry 呀,無諗過會hurt到你嫁...算啦過左去....
講開又講.....!前排我見到姚家琪呀」
DaDa「係?佢已家點?」
我「個日撞到一姐,又撞到佢...佢肥左勁多囉」
DaDa「下...佢中學好靚嫁喎」
我「係呀...同你係一個超級大對比!倒番轉」
DaDa「咁你姐係話我中學個時好醜樣姐」
我「緊係唔係啦」
我「但係講真呀...中學個時真係唔覺得你鐘意我...個時真係當你兄弟咁」
DaDa「個時中一,都重係小學雞..咩都唔識....點會講出口呀...」
我「中一個時已經嫁啦」
DaDa「諗番都覺得好笑....haha....」
DaDa笑完再斜眼咁望住我...
DaDa「你想唔想知點解我個時會鍾意你?」
我「咁..咁你咁問一定想知嫁喎...」 (尷尷尬尬)
DaDa「講左出黎唔準笑我嫁」
我「得啦」
DaDa「咁嘅...其實係我好細個,阿爸阿媽就離左婚....個時我同家姐跟媽咪住...我地關係都麻麻地
..所以個期我成日都好唔開心,覺得自己好多餘,所以係學校我都好少出聲」
我「原來你...單親嫁?」
DaDa「做咩姐...無野喎ll好多人都係單親嫁啦」
我「咁又係」
DaDa「重記得有一次上堂要分組,個時岩岩開學無耐,我唔多出聲,都未識到朋友,最後分淨我一個,
Miss 問有無人有多可以同我一組,個時得你一個舉手...所以我覺得係你救左我,就鍾意左你」
我「哈哈哈哈.......我記得呀...但係其實個時我係唔想林澤銘一組,佢超級煩,所以先即刻舉手...」
DaDa「係咁嫁原來?....哈哈哈哈..哈哈哈...」
我「好白痴呀可?...哈哈哈」
DaDa「係囉.....之後呀,你調左去我格離坐,我不知幾開心」
我「下...但係我個時成日串你嫁喎,成日嘈交」
DaDa「係嫁!但係我個時覺得好開心嫁,我當係同你玩!」
我「嘩...你有病一定係...但係我個時咩野感覺都無,真係當你兄弟」
DaDa「我知呀...你個心淨係得姚家琪咋媽」
我「唉....唔好題啦!!!年少無知」
DaDa「做咩呀...見到人地醜樣左..好後悔呀?」
我「哈哈哈都係嫁...唔想比人知我鍾意過佢...」
DaDa「好鬼賤呀你....」
我「唉呀...點解你中一個時唔係已家咁靚呢...哈哈哈哈」
（諗住講個笑咁講..）
「哈哈哈哈哈哈....哈.....哈......哈?」
DaDa唔講野嘅?
我「係..係未我講錯野?我講..講笑嫁咋」
「...........」
DaDa「如.....果我話已家又鍾意番呢？」
我「!?下..?!下？...」
DaDa「我話..如果我已家鐘意你...你會點?」
我「嘩嘩嘩....咪玩啦!!你大明星黎嫁啦...我先唔會中計呀...比你玩左咁多次...hahaa」
（OH MY GOD !!!! 真的嗎?）
我要冷靜....講真定假好...都要冷靜冷靜
DaDa「超...唔好自作多情啦...我話如果咋....」
突然DaDa個電話響!
係call左個架的士
緊接住我就上左車,
我地亦都無再題過條問題,就咁拜拜之後走了
係車上面我不斷回憶條問題
唔理真又好假又好...
心中暗爽就一定嫁啦
其後我好期待會DaDa會不會再message我
或者搵我講下件事
可惜佢無再搵我,返到屋企...send左個message比Bella
報到,就拿拿聲訓教....
第二朝,又係回到現實的常安無事咁過左一日
DaDa亦無hi過我,搞到我心情有d忐忑
但係算啦..唔好亂諗啦
終於都到左8月9號早上
我起身睇蘋果動發現DaDa引退!
我立即Message DaDa
（自行睇番個故最開頭)
Message嘅最後係DaDa佢約我
「Hey!你今晚得閒嗎??」
見到個message , 其實我內心的確係暗中歡喜的,但係..同時..又好疚結...
因為有時本來好地地這些機會不是屬於我,就無咩野好煩,但係有時當個機會可能真係屬於你,
你就會好多野諗好多野煩...
而且我又有Bella.....
係未應該多一事不如少一事
但係作為一個男人,最底個層始終都係想應約...
就當係好奇心驅使下!想知DaDa搵我做咩啦
所以我答左
我「都得呀....咩事?」