那天..我在中學聚會見番DaDa: 那天..我在中學聚會見番DaDa (Episode 5)
第二日,返工實在太無聊,又搵PK MSN吹水,
DaDa單野,緊係要講出黎威威先嫁啦!
PK聽完,當然又憤怒又激動又葡萄
佳:「亞太區有一天成為亞太區你個街!話你聽呀!我已家好向左走向右走憎你...」
我:「唔好咁啦!我都真係估唔到!」
佳:「好過份囉....好彩你無亞太區有一天成為亞太區到野,如果唔係我一定同你絕交」
我:「唔洗絕交呀?點算呀...我以家成日都想搵DaDa」
佳:「緊係搵啦Hi 你!」
我:「唔得嫁!」
佳:「真心講我覺佢對你有d野!」
我:「唔好哄我啦!我會心野嫁!我有Bella,唔想做錯事呀!」
佳:「你道咩德向左走向右走姐!」
佳:「身為男人有機會HiDaDa而唔HiDaDa就係錯事!」
我:「唉....唔係咁易嫁.....」
佳:「有幾複雜....好簡單!你跟本想要DaDa,又要扮道德向左走向右走,你有Bella,我都明,你已家心入面係想DaDa主動搵你先,咁你就會覺我唔係自己問題」
我:「......」
無言係因為PK講得岩,我已家只係口不對心,我一直好期待..期待DaDa會再搵我.
又過左兩日DaDa都無搵過我,心入面有d唔舒服,而當我想搵DaDa個時,我就打比Bella或者PK ...個過程就好似戒毒咁.
7月5號,我係微博見到DaDa去左紐約出席電影節,自己就係office 無野做扮有野做....
這是什麼生活,我覺得好無意義,對比DaDa我真係覺得自己好廢...唔係...係唔洗對比其他人我本第身都廢..唉.....
又到1900!放工!
係我執拾準備離開,望一望電話!
Wtsapp 照舊比d group 洗晒版
你夠我毒麼? (13)
PAD (52)
深培校友(2)
Bella (4)
陳靜(1)
Wt !? 陳靜!?
我即入去睇...就咁一句Hi係六點幾send 過黎
我拿臨覆番hi
Hi 左之後DaDa都即刻On左line
DaDa:「痴線嫁!我係紐約呀已家...訓唔著(喊icon)」
我:「紐約?去做咩?」
DaDa:「去做野咋媽!你呢!?返緊工?」
我:「我放工啦,一陣返屋企..」
DaDa:「你就好啦!好羨慕!放工嘅感覺好耐都未試過」
我:「打工捱驢仔有咩好,我都不知幾羨慕你」
DaDa:「你睇我好姐....」
我:「你又同我開玩笑啦!你點樣唔好先,你明星黎嫁喎」
DaDa:「唔好咁講啦,我唔覺得自己係明星...我只一個藝人,做一個藝人,係連你生活都要係一個藝人,係唔會有假放嫁!你無做過,你唔會明!」
DaDa突然咁認真,搞到我都點知點應好....
我:「a.....你咁認真...我串你唔到嫁喎」
DaDa:「....哈!!!就係唔比位你串!」
機會黎啦!飛雲!打蛇隨棍上
我:「係喎!知你唔想請我食飯嫁啦,都唔洗為左我避到去紐約呀媽」
DaDa:「哎呀?有咩?有話過請你食飯咩?呵呵,我唔記我Lu Haha 」
......
......
......
之後我地chat 左好耐,chat 到返屋企,食埋飯....講左好多無聊野,
知道佢去紐約原來係參加電影節,
,講中學個時d野,又講下同學已家d八卦之類!
最後我地傾到佢要出門口去做野為止!
接住佢係紐約個幾日我地都keep住有chat,我地咩都會講下,佢係紐約見到咩得意都會影下比我睇,而我就申下我係香港係有幾咁悶,雖然我地咩都講,但係唔知點解,好有默契咁我地都唔會點講感情事,我不會提Bella,她也不會問,她都不會講佢有無比人追,我也不會問...
呀...唔係...都有一次講起關於感情,不過唔知算唔算
DaDa:「hey ! 你有無睇北京遇上西雅圖?」
我:「有呀!」
Send 左張相黎
我:「咁熟口面嘅個地方」
DaDa:「搞錯呀!又話睇左北京遇上西雅圖」
我:「哦!!!帝國大廈」
DaDa:「係呀...=_=」
我:「做咩呀?你當自己係湯唯呀?」
DaDa:「haha 我都想!我好鍾意套戲嫁,湯唯最後放棄左榮華富貴!」
我:「拍戲先會咁嫁姐,現實點會」
DaDa:「唔係啦!我好明白,無得同自己鍾意嘅人一齊,比晒全世界你都無意思」
我:「唉!少女你太年輕了!」
DaDa:「又想串我咩野呀?」
我:「我想講,其實男主角都係個醫生黎...一d都唔弱」
DaDa:「hahahaha又係喎!」
我:「你試下轉左做窮鬼designer ...應該無人會要!」
DaDa:「唔係咁灰啦,可能有人想要呢?」
..........
自重同DaDa chat wtsapp 之後,我反工都返得開心左,
好似反正嘅目的就係為左同DaDa wtsapp 咁,
因為放工有時要搵Bella 食飯,返到屋企Bella
又要同我傾電話,變左係公司先係自己時間,
同DaDa表面係談話家常,有時我都覺得自己好似偷情咁,
但係我又會同自己講,普通朋友傾歇姐,都唔算係錯事,
如果可以一直keep住 wtsapp 就好啦...
DaDa:「喂喂」
我:「點呀陳靜?」
DaDa:「我聽日番香港啦!我地約食飯啦,買左手信比你」
我:「咁好死,係未買左d騎呢野嫁?」
DaDa:「唔要就算」
我:「要要要..sorry sorry 無心串你」
DaDa:「咁你幾時得閒?」
我:「等你返左香港先啦!!你重忙過我啦,我幾時都得嘅..」
我答得看似好輕鬆,其實好興奮都想叫救命,同時其實我又驚又緊張...
因為就咁message 我都重可以心安理得...約出黎見面,姐係又要呃Bella !?
我唔想呃Bella,但係我又真係好想DaDa...點樣算.....!!!!!
.........
好靜.....DaDa返緊香港,塔緊飛機,我今日成日都無收過DaDa message ,
Bella有同事生日,去左食飯,所以今日放工覺得特別靜...
可能太靜,所以個人得沈澱...
行過太古坊下面個一列酒吧....
人人都係到happy hour 緊,
歡吵聲音中
令我更顯幾分寂寞,望到倒影係大廈玻璃幕牆,嘅自己,你只係一個豪無色彩嘅四眼仔
其實我同DaDa算係咩野?
我係到溝DaDa?
我又覺得自己無資格
覺得DaDa係鐘意自己覺得好爽皮?
但係DaDa真係鍾意你咩?
真係鍾意...鍾意你d咩?
我自己都答唔到..
咁Bella呢?你唔鍾意Bella 啦咩?你當Bella係咩?溝唔到DaDa之後以防萬一嘅水抱?
「喂! Dan Dan!!」
我聽到好似有人叫我，我扭轉頭左右咁望!
「係呀...叫你呀!!DanDan」
我終於都見到...原來係一姐，
很左埋去打個招呼
我:「咁岩嘅?」
我:「你係lee頭返工嫁咩?」
一:「無呀,同黎買定d紅酒 for 結婚個日咋媽」
我:「一個人?」
一姐;「係呀,等Anson黎車我」
(Anson係佢未來老公)
一姐:「陪我飲番杯啦!我請啦」
我:「又請!?唔洗啦...」
之後我叫左杯Hoegaarden....
一姐:「喂喂!!其實個日你同DaDa真係無咩咩嫁?」
我:「下...下...咩...緊緊..緊係無啦!!」
(好彩我未飲野,唔係一定噴)
一姐:「下!?真嫁?重以為DaDa唔講我聽,原來真係無嫁?車」
(一姐一面失望)
我:「緊....緊...係無啦...我地又唔係一齊...我有女朋友嫁啦」
(搞到我勁老尷)
一姐:「超....你唔想咩...?」
我:「我...我....我...唔係啦!」
「唔....係想就就咩野嫁媽」
一姐:「呀....你都幾好仔嫁喎!睇唔出....定一係話你戇居好」
(乜向左走向右走野戇居呀)
我:「喂喂...點解你好似好想我搞佢咁嫁?你地係未fd黎嫁?係你個一叫我睇住佢」
一姐:「.....下... 我以為你地有d野嫁啦喎,先幫下你地.」
我:「咩野.....我唔係好明喎...幫咩野」
一姐:「我地個日飲野,我重未見過DaDa會主動叫男仔出黎...」
我:「係!?」(暗喜)
一姐:「又見你地好似無啦啦fd番,你又咁緊張咁飛的出黎,以為你地撻著左.....」
我:「唉....DaDa喎 ...係仔嘅都飛的出黎啦!」
一姐:「同埋你地細個唔係有一段情嫁咩」
我:「咩呀.... 邊有呀.....?」
一姐:「咩咩呀....DaDa細個鐘意你嫁媽」
我:「點會呀.....個時我....」
一姐:「我記得....你無啦啦走去同姚家琪表白呀媽!lee個全世界都知嫁啦」
我:「..........唔好提啦.....唉....諗番都覺Seven」
一姐:「當年我以為你地搞三角戀」
我:「但係我唔覺DaDa鐘意我喎....」
一姐:「一定有!我重好記得」
我:「咩?」
一姐:「中一暑假未去左次觀星營嘅」
我:「係呀....做咩？」
一姐:「頂你....你真係唔記得.....個時呀,有個活動係夜晚去觀星嫁媽....全部人住係草地到
啦...個時間DaDa話我知嫁咋....你就坐係佢側邊,坐坐下,你就塔住佢,佢就挨左埋你到,你地就攬住
咁坐左係到！」
（我有d印象...)
一姐:「第二日,佢好開心咁走黎同我講...話同左你一齊...咁個時中一重係小學雞咁!聽到lee d野緊係興奮嫁啦,之後我未四周圍唱囉...」
我:「之後我記得啦,傳傳下成班都知,跟住食飯個時,D人係咁笑.....
又係咁讓個位叫我同DaDa坐,又話兩公婆又成,跟住....
好似係你你當場問我有無攬住DaDa...我就死口唔應,話都痴線...緊係無啦,」
一姐:「係呀...係我問你嫁哈哈..之後DaDa就好唔開心,野都無食就入番房tim...」
其實當日我真係有攬住DaDa....但係唔係我鍾意佢,係因為DaDa話凍,
我又著住件褸仔,先分一半比褸仔比佢咁塔住佢....我重好賤咀咁講,你憂想我會借成件褸比你....
個時我眼裡DaDa跟本就什麼也不是....因為佢好好蝦,對佢好似下人咁,
完全無諗過鐘唔鍾意,亦都無諗過會有今日....我諗上次DaDa講
個件黑歷史就係lee一件....
我:「諗番起...細個真係好白痴」
一姐:「係呀....所以個時DaDa好嬲你,我都覺得你好衰」
的確個次之後因為升中二,DaDa都唔係坐我隔離所以都無咩點再講過野....
而且個時我跟本無在意個DaDa,個時個腦淨係得姚家琪.....
一姐:「opssss!」
我:「做咩?」
一姐:「姚家琪喎」
我即扭轉身望去對面街....真係姚家琪,今日咩野事.....中學同學日呀?
係馬路對面嘅姚家琪,佢同一個西裝男人嘈緊...對話係咩我地就唔係好聽到...
但係見佢地郁手郁腳,應該都好大獲下....
今日嘅姚家琪,變左好多!係變肥左...唔再係當年嘅校花
"賤格!"嫁家琪一聲咆哮
再想一巴車埋去,但係比個西裝友,應該係佢男朋友接住左
我同一姐真係一路食花生一路睇戲
最後姚家琪好氣憤咁上架的士走左....臨上車眼尾望左一望我地個邊..好似
見到我地咁....
的士走了,男人都面蒙蒙咁走左..
一姐:「抵能死...條八婆都有今日」
(當年中三個時,因為一姐條學長男朋友因為溝到姚家琪,所以同一姐分手,因為一姐拍拖拍得好高調,搞
到分手都一樣,全校都知...所以一姐好憎姚家琪)
我:「你又知咩事?」
一姐:「一睇就知佢條仔有第二個啦」
一姐:「哎呀!!我今日真係好!!!!!!心良!!比我睇到條八婆折墮!哈哈哈哈」
我:「.....都隔左咁耐啦...」
一姐:「女人係記仇嫁啦」
同一姐吹多陣,佢未婚夫都到左黎接佢...
今日知道左DaDa中一鐘意過我
又見番姚家琪,覺得好神奇.....好似夾定咁,當年我鐘意姚家琪,
比佢當眾拒絕,今日比我見到佢變到肥晒,重比仔飛,
DaDa以前鐘意我,但係我當DaDa無到,今日我就為左DaDa,意亂情迷....真係好吊詭
係未個天要我還番當年hurt到DaDa嘅傷痛比我呢?
一路行番屋企,一路聽住 John legend 首who do you think we are
一邊諗住DaDa....
心中一諗住DaDa就有一份
甜得黎又有帶苦澀嘅感覺
Who do we think we are?
Baby, tell me, who do we think we are?
John legend 個把唏噓聲真係好正,越聽越有feel,
成首歌,聽我明嘅,其實就只係我lee幾句....
Who do we think we are?
Baby, tell me, who do we think we are?
其他我都唔係好聽唔明...
是但啦...聽歌嘅野岩feel就得啦...
DaDa!究竟我地是什麼?
......
.......
最後我都係呃左Bella
應左DaDa約....同DaDa食飯兼攞手信
為安全計我同Bella講
約左Fd打波....
一黎我唔聽電話都可以話係打緊波,二來打完波又會食野,時間可以拖耐d
本來站約番係7重天,個到有個暗格位,易守難攻,無咁易比記者影到,佢同一姐飲野都係個個位,
但係...放工個時我收到個message
DaDa:「sorry ar...我病左呀...我重要病到失左聲....」
下!!! 我滿心期待已久...竟然係咁完結
我:「唔緊要啦身體要緊呀媽.....下次再約一樣姐,咁你已家無恙嗎?睇左醫生未呀?」
DaDa:「睇左啦,醫生話我係傷風加喉嚨發炎搞到失聲」
我:「咁你多d休息啦」
DaDa:「Sorry ar....但係呢...手信有份野係食得嫁,再唔食就壞,不如你上黎我屋企攞」
(下!!!!!咁開心!又超展開!? 柳暗花明又一村!?)
我:「講真嫁?」
DaDa:「你上一上黎攞左未走囉....唔會傳染你呀...唔難為你」
(我覺得一d都唔難為!一d都唔難為!）
我:「你係未病左嫁..打字都打得咁招積」
DaDa:「我失聲咋媽,又唔係斷左手(伸舌頭Icon)」
.......
就是這樣...我根據DaDa 嘅share location
一步一步咁向佢屋企進發....
又來未出發先興奮
我已經係腦入面假設左好多可能性
好多嘅景況
會唔會係去到其實佢無病無痛引我上去佢屋企呢?之後he he he
又會唔會其實係TVB d整惑節目,引我lee個狗公出沒
又會唔會其實係同Bella夾好左黎試我嫁!
好緊張呀好緊張呀!去DaDa屋企呀!
但我懶我理啦....到DaDa屋苑啦!
死就死啦!
美女廚房,塔lift先講!!