那天..我在中學聚會見番DaDa: 那天..我在中學聚會見番DaDa (Episode 1)
是咁的,我叫張志燊,你可以叫我做ar Dan 係個朝9晚7嘅in house Designer ,
生活簡簡單單,係一個普通到唔普通嘅四眼仔
個日好似係6月28號,星期5黎,一如以往好普通咁返工放工
因為中學班firend約食飯,所以放工之後去左旺角泉章居...
我去到已經見左大部份人都到左,而且今次中學聚比平時個ｄ中學聚多左好多人
好多ｎ年無見嘅同學,,,
「喂...HI....呀...嘩...好耐無見呀...」
「咦?....你到黎左呀...?」
soso 左一兩句後我就見到PK坐埋左一邊,
PK全名係梁柏佳..係我中學入面最熟嘅好兄弟…..
我「喂!」
佳:「嗨!!」
我:「咁早到?"」
佳:「你遲姐..」
我:「今次做咩咁卵多人？鼻屎仔都係到tim ar !....你見ng見到?點解佢可以無變過樣....」
佳:「緊係多人啦...你睇下....」
PK係佢個袋到show 左張帖比我睇...
我:「哦....炸彈....明晒,我古我古....一姐結婚?」
佳:「你果然有好強嘅摩擦力」(奸笑)
我:「佢條仔向佢求婚條片Post晒上Facebook la..點會唔知,同埋係佢先叫到咁多人」
一姐姓歐陽,因為年年學號都係一號,所以我地叫佢一姐,可以話係中學班友入面嘅召集人,基本
上次次食飯都係佢約,又可以話係大家姐,因為好多野佢都會處理好晒,約咩人去邊係枱都book埋,一條龍,世界女一名,份人無咩點,係有少少鍾意show off .
佳:「喂..唔至鼻屎仔ka......」
佳向我打左個眼色,叫我去望下牆角個邊
我:「wow...」
(係DaDa...)
佳:「一姐做到野呀… J得杯落」
我諗係對上一次見佢真人都重係係中學,我望住遠處嘅DaDa,
真係同以前好大分別…唔係淨係個外觀,係成個人個感覺....
其實係中學個時DaDa唔係靚女,唔係校花唔係校園風頭躉,成日頭dup dup唔係點出聲
個人無咩自信…
當年個個見到佢無啦啦去左做0靚模都好震驚…
比人恥笑就一定ka la ,笑勁佢,貪慕虛榮ar 豬扒發明星夢ar....隆胸整容ar…大波雞要同老細訓咁上下啦 ...
一姐終於都走埋黎!
一姐:「喂!Dan Dan....比你嫁!到時早d到啦」
我:「喂...一姐!恭喜晒恭喜晒恭喜晒...一定一定.... 」
……………….
就係咁個飯局終於完左,
成個飯局我當然無同DaDa講過野la,
一黎自己又想扮清高....唔想見人紅左就走去認親認戚扮晒friend
二黎人地可能已經連你姓咩都唔記得…無謂做Seven自己
um…臨走前都有張大合照ka..都算有d收獲…
…………………
眾人係泉章居門口分道揚鏢後,因為我無人同路,我就一個人行去塔小巴…
行到半路,
我電話響,係一個未知嘅電話打黎…
XX「喂…張志燊？」
我:「係.....我係.....」
XX「你行到邊呀?重係未旺角?」
我:「ar.....未…未呀....行緊去小巴站…」
xx:「得....得…得,,,,係小巴站等,係留左野呀…我係陳靜呀」
(DaDa!?)
如是這....
去到小巴站我真係傻的嗎 係到等左幾分鍾
DaDa:「喂....」
(DaDa行到,真係DaDa...就係我面前)
我:「Hi....hi...」
(唔知點解得有D緊張.心跳重跳快左...）
我:「我…我留底左咩野?」
DaDa:「你攞你張帖出黎睇下...」
我係我個袋到攞左張帖出黎
上面寫住DaDa ,,,
我:「哦.....我地lo亂左張帖...」
DaDa「係呀....Dan Dan……」
(佢第張帖埋黎比我,上面真係寫住Dan Dan）
我望一望張帖,再望一望DaDa....
四目交頭..hold左一秒
我地都不禁,一齊笑左出聲....
我:「係wor...你又有我電話嘅 ?」
DaDa:「問一姐咋媽..」
我:「哦.....係呀...」
我望住DaDa..對眼好自然咁比佢吸住..搞到我唔係好諗到野..
「......」
DaDa:「係喎...岩岩食飯都無機會同你講野...我地真係好耐無見啦..」
我:「係囉..但係我就成日見到你.....」
DaDa:「下?你成日見到我?」
我:「我指係電視雜誌...」
DaDa:「呃...係喎...柒左..hahaa..」
我:「hahaa...」
(我繼續唔知講咩好)
DaDa:「e...你大隻左喎」
(DaDa返以表現得好自然)
我:「想話我肥左呀媽?」
(DaDa係我心口篤左兩下)
DaDa:「係wor...林嘅..hahah」
我「本來硬嫁,就係岩岩篤林晒.. 」
DaDa:「咁你持久力都好一般wor」
我:「咁串...唔好以為你叫爆炸糖我就怕你wor!!篤番你呀嗱?」
(作勢扮晒篤佢）（其實我真係想打野就篤落去老老豆豆）
DaDa:「haahaa...曉命呀大人...」
搞左一輪無聊Gag 令本來尷尬氣氛緩和不少
雖然同DaDa講野變得無咁緊張,但其實係我地等車吹水其間,都重有好多係係到等車
而且話晒都重係大街大行...都有好多人認到DaDa,所以keep住比人眼望望...搞到我有d唔係好自在,
不過又有幾份優越感,HEHE....
有小巴了...心中不以為以有一份失落感
我:「好啦上車啦...唔該晒你呀」
（我搖一搖手中張喜帖）
DaDa:「小意思啦...」
我:「遲下再傾啦!」
DaDa:「um....好呀..」
我:「拜拜」
DaDa:「88」
上左小巴....不其然的興奮又心而發,雖則佢係舊同學,話晒人地都係高登女神,
開心下都好正常姐...係未?
我攞起生活態度,諗住打鐵親熱,send 個wt app比DaDa
作為舊同學send個message關心下人,係禮貌黎kama
唔知點解想send就係想send...不停搵籍口比自己send個message比DaDa
但係我揸住部電話久久都未send到個message出去
因為我怕做得太厹,所以諗左好耐,令件事自然d...
最後我決定咁講
我:「Hey...陳靜!岩岩你比反帖我,但係我好似未比番張帖你wor好似!?」
（講真lee個開場白真係借口到唔姐口...
） 我死望住部電話等DaDa online
隔左一陣...
DaDa:「有ar!岩岩你有比我ka!」
我:「啊...係ar?咁就好了...唔記得左tim..嚇得我」
(其實緊係記得有比la)
(我食住個勢)
我:「係wor..咁你無頭先點走?」
DaDa「我有車車我走(E起掤牙笑icon)」
我:「IcIc...頭先really thx,最佳女配角送我塔車真係榮幸」
DaDa:「嘿嘿....你知就好啦(奸笑icon)」
DaDa:「係呢....咁你已家做緊咩ka?」
(DaDa竟然主動問問題!!!!!開心
)我:「塔車」
DaDa:「問你做邊行呀..玩野呀=_=」
我:「Graphic designer咋媽」
DaDa:「icic .. It cool ...我都記得你細個畫畫好靚」
我:「haha...咁你都記得?....」
DaDa:「係嫁..我記性好」
我:「(手指公icon)叻啦叻啦....係喎咁一姐個日你會唔會到？」
DaDa:「會呀,你呢？」
我:「如無意外都會去嘅」
DaDa:「見到由細識到嘅同學結婚,有ｄ感觸,」
我:「係囉,感覺我地真係大個左啦...一姐係我地中學第一個真正結婚....」
DaDa:「咩呀!ar ling 佢先係第一個...」
我:「Ar Ling 唔算啦 ,個時重讀緊書...唔小心大肚先結婚j咋媽,而且都無請我地去飲」
DaDa:「話是話..都好耐無見Ar Ling....」
我:「聽講話好似離左婚la...而家識左個有大陸有錢人」
DaDa:「O....係呢!咁幾時到你ar?,有無女朋友」
係lee一刻我諗左一諗...
雖然都知DaDa只係順便問下
ng g 係我諗多左定點...我唔係好想話佢知我其實有女朋友
Hi..算吧啦,都唔知搏咩...明明知道這個機會....
所以最後都....
我:「傻啦...邊有咁快...有排....係都你先啦...」
DaDa:「車...我都無男朋友....」
(mo 男朋友!?即使知道關我蕉事,但係都有ｄ高興.....)
我:「點會呀...你一定大把人追啦.....」
DaDa:「係呢係呢....咁你同你女友拍左幾耐?」
(佢好似唔多想人談論佢感情事,無視左我個問題)
我:「um...都４年幾嫁啦 」
DaDa:「嘩!...咁耐la...咁都差唔多啦....快ｄ娶人啦」
我:「事業未成呀媽」
DaDa:「咁你就加把勁la」
我:「你都係la...加把勁!」
就咁你一言我一句chat chat下,不知不覺我都返到屋企
之後我不時都望一望電話..睇下DaDa覆左message 未
久久未有點回覆...覺得有d失落,心諗人地可能返到屋企沖涼姐..
等等,我HI,我做咩咁在意,人地同你message兩句就搞到咁
啦張志燊...你咪呀,咪亂諗野...
人地唔覆未唔覆囉,做咩要安慰自己...係未痴左線...