《一三一》: 第零章 ~ 《交匯》

聽到聲響的我很自然地打開了討論區的Inbox，居然看到這位叫 他媽哥池 的絲打傳訊息給我，已是凌晨兩點了

他媽哥池: 點解我咁愛佢都要咁對我
他媽哥池 : 其實係唔係個個男人都係咁，都係鐘意新鮮感
化骨龍：都唔係o既
他媽哥池 : 你可唔可以出黎陪我? 我而家響海邊
化骨龍：而家好夜啦喎，你無事嘛?
他媽哥池: 咁你由得我死左佢啦

這時，她發了一張照片給我，照片內拍攝到她的正在流血的手婉，把昏昏欲睡的我嚇醒了





化骨龍: 你洗唔洗為左個咁既人?手呀
化骨龍: 你響邊度，你等我一陣，我飛的過黎
他媽哥池: 天星碼頭
化骨龍 : 你等我，我電話56794530，你唔好死呀

我二話不說，不用三分鐘就出門，但街上一輛的士也沒有
等了十五分鐘，還是沒有，難道今天的士大罷工?
最後還是預約了Uber，不用三分鐘車子就到了
在路途中，我也不斷傳訊息給她，但也沒有回應過，心情就好像熱鍋上的螞蟻，害怕她會死掉，好想盡快找到她




短短二十分鐘到達了，我看到一個身穿護士裝的女子，附近地上都是啤酒罐，手上還拿著一把?刀，應該就是她吧
於是我想也不想就上前對他說

我 : 喂，你無事嘛?
她高聲說 : 當初又係你追我，又話會照顧我一生一世，點解你要咁對我
我 : 你流血呀，你等我一陣，我去買嘢幫你包紮

我用了九秒九的速度就跑到了旁邊的便利店，焦急的我根本不知道我想要的東西放在那邊
此時店員大聲說 : 買套o向收銀處下面個格呀
我 : 有無砂布繃帶之類既野?




店員 : 嘩，咁激? 玩SM呀?
我 : 有無呀
店員 : 有呀，你前面個架咪有囉
我 : 見到

何時開始，衝入到便利店就是因為要買安全套，買繃帶就是要玩SM，失戀就是要?手，我看不透這個年代
付款時，那個店員還叫我玩得開心一點，我非常懷疑他是擁有一張白咭的
回去找她時，她伏在旁邊的牆上傷心地哭，我過去就捉住了她的手準備包紮
我 : 喂，忍住呀，好痛ga
她 : 嗯
正當包紮之際，她大叫 : 呀，好痛呀，細力D，呀，唔好咁大力，好痛
這些聲音除了表達包紮傷口的痛楚外，她的叫聲同時，引起了剛剛到附近巡警注意

警察 : 你兩個做乜野呀?
我 : 佢整親，我幫佢包返個傷口




警察 : 你條女呀?
我 : 唔係呀，啱啱上網識ga，佢話要自殺所以我飛的士嚟睇吓乜事
警察 : 唔好講咁多啦，身份証
我 : 哦
她 : Anson，你搞完我又搞第二個，我有乜野輸比個八婆
警察 : 條女咁索你都搞第二個，映衰曬D男人

的確，她對我來說已經達到了小櫻花 (HKT48 成員宮脇咲良的別名) 的級數，如果她是我的女朋友，我一定會很寵她的

警察 : 俾返張身份証你，快D送人地返屋企啦
我 : 知道

驚魂過後，喝醉的她還在大吵大鬧
她 : 個八婆有乜野好過我?
我 : 喂，你飲醉啦，坐底先啦




她 : BB，生日快樂，你唔好唔要我啦，我唔會再發小姐脾氣，你原諒我啦
我 : 你住邊度，不如我送你返屋企啦
她 : 你又借D二送我返去唔陪我唔理我，之後又去搵個八婆
我唯有破著頭皮回答，說 : 對唔住呀，你咁好，我唔會唔要你，我今晚陪住你丫
她 : 好嘢!  (她忽然吻過來)

接過她的吻後，她睡著了
很美，真的很美，心裡想著如果可以和她一起就好了
自出娘胎以來，從來都沒在和一位女姓這麼親近過，而我的初吻也給這個坐在旁邊的陌生搶走了
但這刻我沒有很難過，反而很擔心她，也很想找他男友說教
我任由他繞住我的手，一直伏在我的肩上睡到天亮，這是我和她渡過的第一個晚上

她 : 呢度邊度，喂，你係邊個
我 : 琴晚你o向討論區出左個Post，仲影左張?手相比我叫我出黎搵你，之後你飲醉，就瞓著o左啦
她 : 係? 隻手你幫我包ga?




我 : 嗯，你洗唔洗我送你返去?
她 : 我自己搭的士返去得啦，唔該你，你叫乜野名
我 : 我叫 Kenny，你呢
她 : Niki
我 : 返到去比個電話個丫，我電話o向討論區PM Box 度可以搵到
她 : 嗯
我 : 我地可唔可以做個朋友呀?
她 : Why Not? 你救返我，都要搵日請你食飯啦
我 : 咁我等你電話啦
她 : 咁你都小心D啦，拜拜
我 : 拜拜

我和她就是這樣相識了