中三一段不可能忘記的初戀: 11.

老師話咩認識我地多咗佢自己編咗個座位表，調位調到一半恆仔竟然坐係我前面。
 
「兄弟，我地又重聚啦！」
 
「終於可以同你條粉腸一齊坐。」
 
「粉你老母，你條on9仲做係緊兵啦！」
 
「講咗好撚好次係FRIEND呀！」
 




「兵就兵啦，你條傻仔都唔知幾時醒…唉…」恆仔「等陣，MING嫂係咪又同你坐呀。」
 
「你講野唔好…」我只係見到MING嫂帶住邪惡o既笑容一步一步行過黎
 
「睇黎你一世兵仔命啦。」恆仔拍拍我膊頭，然後就轉身偷笑啦。
 
「Hello，我地又見面啦。」MING嫂
 
「咩撚事呀，點解又係你o既，我係咪發緊惡夢呀！」
 




「想走，冇咁易。」然後MING嫂細細聲同我講「我同班主任講咗我想同你坐因為你可以教我數，你今年走唔到架啦，哈哈哈！」
 
「你好邪惡，好恐怖呀，點解咁殘忍o既野你都做得出。」我
 
「你唔好再扮野啦，你咪都係咁開心可以同我坐。」MING嫂
 
「…講呢啲，但係你而家明係斷我米路姐！你又唔係唔知我咩！」我
 
「所以我咪幫你面對佢，你唔同我坐只係逃避問題，而你係要面對呢個問題架，有姐姐係到你一定唔會好問題架！」MING嫂
 




「你講曬啦…你想點就點，我訓陣先！」我
 
 
「訓醒未？」
 
「做咩叫醒朕…」
 
「你係邊個呀朕，」MING嫂「呢條數唔識做呀」
 
「咪咁咁咁囉…」我「OK？」
 
「唔該曬，你可以繼續訓…」
 
「醒咗咁易訓番咩…」我「咩事呀恆仔？」
「你地咁叫醒你都唔嬲？」恆仔細細聲講




 
「咁佢唔識咪教吓佢囉。」我
 
「你以前除咗睇女你都叫我唔好叫醒你，而家人地女神一叫就醒，你當我係咩。」
 
「…咁同學互相幫助嘛。」
 
「睇黎你中毒已深，希望你可以得到解脫。」
 
之後幾日就係派卷，成績係好咗，可能有MING嫂幫掛，但係MING嫂成績本身就好過我，所以我都係同自己比較，考我最差係通識，我到而家都唔明點解呢種自由發揮o既題本要同時間競爭。到派成績表，我只係由一百四十升到一百三十幾
 
「吓，溫得咁辛苦先升得十名，咁辛苦做咩。」
 
「十名都唔錯架啦，呢啲野冇得一步登架嘛，，」MING嫂「而家個個都好努力為選科都比多咗心機讀書，你下學期Keep住溫書考試就容易好多架啦。」
 




「keep住溫咁易架咩…」
 
 
之後幾個星期恆仔不時同我講兵又咩又點，聽到我都有啲唔想理佢，直到佢已經放棄勸我。
而家周不時MING嫂又有理由話咩面對現實陪佢出街，我地又好似回到以前o既日子，直到有一日…
 
MSN
「下星期情人節MING竟然話唔得閒。」
 
「有冇可能，咁重要o既日子點都要死到啲時間出黎。」
 
「不過你得唔得閒呀？」
 
「我呢啲毒撚就實得閒，不過咁敏感o既日子出黎好似唔係幾好…」
 




「咁又係，唉，估唔到有男朋友情人節都要一個人過。」
 
「我年年都咁過啦，咪都係咁，情人節有咩大不了。」
 
「係啵，唔出得街姐，情人節佢真係唔得閒不如你上我屋企陪我食野。」
 
「你認真？」
 
「反正阿爸阿媽實出街，落街驚比人發現，咁不如上黎我屋企。」
 
「你有冇咁想人陪呀？到時先算。」
 
「咁你等我電話啦。」
 
 




星期六係情人節，基本上我都係留屋企打機，不過真係完全冇心機，對眼唔過一分鍾就望一望步電話，點知真係有人打黎，但係係恆仔打黎，叫我唔好再發夢打機，咁MING嫂成日都冇打過比我，直到星期日11點左右終於打比我
 
「對唔住呀，琴日唔記得打比你唔洗黎陪我。」MING嫂「原來MING真係surprise我呀！」
 
「咁咪幾好，但係點解你把聲咁攰o既？」
 
「係呀，啱啱起第嘛，唔講住啦我要訓多陣。」
 
講完就收線，十一點啱啱起身，唔多似MING嫂啵…唔通
 
第二日番到學MING嫂個樣雖然有啲攰攰地，但係明顯係開心咗好多。
 
「過完情人節成個人唔同曬o既？」我
 
「係呀，MING十派我呀嘛，又話唔得閒，點知…」下
 
「得啦得啦，唔想聽你曬啦，我仲係毒撚一條呀屌，」我「話時話，你打比我個時咁攰o既？」
 
「係呀，係MING屋企玩通宵。」
 
「你地一齊訓？！」
 
「睇下電影傾傾下就訓著咗啦，你諗咗去邊？」
 
「咁一男一女係間房入面同一張床真係唔會出事咩？」
 
「點解你地啲男仔成日都諗埋啲咁o既野？」
 
「吓，真係冇？」
 
「我幾多歲？」
 
「…情到濃時…」我「…幾多歲…」
 
「你再講我以後唔理你呀！」
 
「對唔住呀…」我「係我諗多咗…」
 
「但係今次應該係會考前最後一次見佢，佢同我講之後日日都要溫書。」
 
「仲有我陪你呀嗎！」
 
「你話陪我架，之後約你出街你冇得話唔出架！」
 
「仆街講錯野…」我
 
「一言既出，駟馬難追，你等收我電話啦哈哈！」