中三一段不可能忘記的初戀: 3.
我好準時9點去到火車站，我亦都冇估錯佢係唔會準時9點出現，確定佢唔係火車站之後我就去左附近麵包店買早餐。
「你到咗啦？」MING嫂原來係麵包店，「買咗個包比你呀。對唔住呀突然咁早叫你出黎，我今朝早咗起身好悶冇野做所以叫你早啲出黎陪我。」
我差啲開口問佢你當我係咩，但係見佢拎住個包同一個 ”扮可愛” 我張句樣吞番落肚。
冇辦法啦，第一次單獨同女仔出街，好多人就係咁樣比人呃咗，唔知點解單獨同女出街我細膽咗勁多
咁我同MING嫂就食埋個包先入闡。
「你今日咁靜嘅?」MING嫂
「吓！我唔係一向都咁COOL嘅咩‥」我，「第一次單獨同女仔出街呀嗎。」
「原來比姐姐攞咗第一次，咁你都好好彩你第一次可以比一個咁靚嘅女仔呀！」
要溝女又真係要大膽啲同女仔出街嘅，而家咪當練習吓都好嘅。
「其實星期六日唔係應該你同你條仔拍拖嘅日子咩？」
「佢得閒就唔洗叫你陪我啦。」MING嫂，「咩會考做咩MOP，佢陪少左我好多呀。」
「其實你地一齊左幾耐？」我問
「三月十四到而家。」MING嫂，「追我個時就日日都得閒，而家又話以咩學業為重日日都唔得閒。而家只係日日傾電話咋！」
「至少佢為佢將來打算。」我「仲傾電話咪好囉，遲啲會考分鐘連電話都冇得傾。」
「咁都係，唔好再講啲唔開心野啦。你啲功課做成點呀？」
「呢個話題一啲都唔開心囉！」
「不如今日姐姐陪你做埋啲功課先出街。」「陪你已經夠辛苦仲要做功課！」我地就係咁講下笑過咗
出到MK，左行行，右行行，行到我好真係好攰佢都係一樣野都買唔到。
「你唔係有心水嘅咩！」我問
「女仔買野係咁架啦，要睇清楚先買架。」
「你又睇精品又睇衫，又睇鞋又睇書，你簡好未呀
MING嫂啤咗我一眼。「你而家好辛苦？」
我心寒一寒，「OK，不如而家食住野諗清楚再買。」
「都好，去XXX個到食順便睇下個幾間舖。」MING嫂
「你唔攰架咩？」我問
「吓，行左都唔夠三個鐘。」MING嫂「好啦去食野先呀嘛！」
「哇呢個餐三十蚊好大份呀。」MING嫂
「咁又係呀。」我問「你唔叫餐？」
「減肥呀！」MING嫂。「但係可唔可以同你Share 呀？」
「吓？又話減肥？」我問
「咁你肯唔肯比我食呀？」
「算，反正我實食唔曬。」我「叫waiter 攞個碗先。」
「唔洗啦，攞隻叉咪得囉。」MING嫂，「順便控制吓自己唔好食咁多。」
「哦，你唔怕我啲口水咁我都冇所謂。」我話
跟住佢拎咗個叉，佢個動作…
「做咩呀，未見過靚女食飯呀！」MING嫂
「咁我又真係未…」
「食飯啦你！」
比人發現咗真係有啲樣衰。
「你食野可唔可以合埋個口，GAPGAP聲女仔好唔鍾意架。」「哦。」「成個嘴污漕曬，間唔中就搵張紙巾抹下。」
「好彩你同我食咗次飯，唔係比第二個女仔見到冇曬好感，仲要死咗都唔知衰咩。」
「係嘅，MING嫂，細嘅識做架啦。」
食下食下，差唔多比佢食一半。
「其實呢，我真係唔介意請你食飯架啵。」我
「早講呀嘛，」MING嫂「定係其實你係借啲已同你食同一個飯呀？」
「點會呢。」係囉，點會呢，我只係見到我入黎個旁人妒妃嘅目光，拖住個靚女個種感覺真係凌舍唔同，啱啱同佢食同一個飯啲人個種眼神…我又點會想同佢食飯呢？
「係咪架你，」MING嫂「見你肯交學費就算啦。」
「你竟然叫甜品，你啱啱唔係未食飽咩？」
「正餐個胃好飽，但係甜品個胃好肚餓。」佢食住個蛋糕講。
「唔好笑囉，仲話減肥喎。」我正想一下叉佢個蛋糕。
「唔可以咁冇禮貌，問咗先。」佢擋住我支叉。
「可唔可以食呀姐姐？」我
「啱聽啦，咁姐姐就請你食啦。」MING嫂，「打開個口，呀…………」
好幸福呀…我話個蛋糕有得比我食真係有福氣，絕對唔係講緊有靚女喂我食蛋糕。
餐飯就係一個輕鬆環境完結。
「哎，好攰呀。」MING嫂，同我一齊係火車站等火車
「原來你都識攰架。」我，「陪咗你成日反而我買到野，你就咩都冇買。」
「其實，我今日只係想揾人陪下我。」MING嫂「你唔介意架可？」
「梗係介意啦！」我
「我冇心架，唔好嬲……」
「我都冇話嬲，我其實想講介意點解唔早啲同我講姐。」我「反正我都冇野做，原來同你出街其實又幾開心呀。」
我發現MING嫂眼濕濕，我「你做咩喊呀…」
「平時我冇咩朋友架，自從同MING拍拖以前啲朋友話我勾搭佢就冇再做朋友架啦…」MING嫂，「每次同MING講呢啲野佢就話全世界唔鍾意我佢都會鍾意我，咁而家真係全世界都唔鍾意我呀嗎。」
「好啦唔好喊先啦，我地咪friend囉。」我
「我地係friend？」MING嫂
「係呀，都陪你出咗成日街囉。」我
「真係架？」MING嫂「你唔會突然唔同我做friend架何？」
「你再喊我就真係唔理你架。」我，「好多人望住呀唔好再喊OK？」
MING嫂扁一扁嘴，「其實呢幾個星期除咗少少黑人憎之外都幾好人，好多男仔因為我係MING女朋友都唔敢同我行得太埋，但係你係第一個但我係friend嘅男仔。」講完佢就攬住我，「好多謝你呀五仔。」