自從那一天，我改變了: 最終章 (1)

~跟住落嚟喺我最唔擅長嘅團體戰。而且我又同某啲人有牙齒印，再加上我本身鍾意獨來獨往，唔知下一場比試係唔係我嘅死期……
「唔野問嘅我走先喇！」
「咪走住，彩華，我仲有事要問妳！」
「咦！你好衰嫁，未啦啦捉我隻手！叫春都唔洗比我知。」
「收聲呀你。」
「好呀，咁我走先，掰掰！」
「等陣！」
「你想點嫁？又要我收聲又要我唔好走。你想我成世跟住你？」
「……」
「好啦好啦，你想問咩呀？」




「我想知你搞呢啲遊戲嘅目的係咩？而且贏哂所有遊戲又會有咩獎勵？」
「願望，如果有參賽者贏哂所有遊戲嘅話，我會俾佢地一個願望。無論好壞，只要我能力範圍以內我都會幫佢地實現。」
願望……每個人都希望擁有，以不費吹灰之力能夠達到目標﹑獲得想要嘅物資，但為咗一個願願望，犧牲眾多名人類嘅，甚至身邊最親嘅人，呢個願望你攞得係咪心安理得。
攞到，你只係一個踏住其他人嘅優勝者，但如果你張呢個願望龔手相讓，就等於將條命交俾其他人，我……應該作出咩抉擇好？
「彩華……咦！人呢？」
「佢走咗啦！佢見你全神貫注咁諗野，佢都廢事煩住你，但佢拜託我向你傳遞一句話。」靖仁同我講。
「係咩，重唔重要？」我瞪隻眼，雙手衝動咁抓住靖仁嘅膊頭。
「嗯……對我地嚟講，真係唔重要嘅。但對你就唔知。佢話
『男人全神貫注嘅樣係最吸引，我都係唔阻住你地休息，I Love U BB豬~你接唔接受啫？』」
「屌……不過如果佢唔係神嘅話，我都接受嘅……做佢炮友囉……」




「咪再傻下傻下企喺到啦，去搵皓宜佢地先啦。」Rocky加把口。