自從那一天，我改變了: 第三章 (2)

~「投票方法︰打開桌面，部電話會動幫你地入咗個投票Apps，到時有五十個頭像，到時你禁其中一個嘅圖像，投票就完成喇。」彩華解釋整個投票過程。
「太好喇皓宜，妳無死到！我好擔心妳……」
「優，你太熱情喇……」佢拍拍我緊緊抱住佢嘅手。
「皓宜，話說佢係……」我見到佢身旁有名男士一臉疑惑。
「我係Rocky。皓宜……」
「嗯……優，之前嘅事我想同你講聲抱歉！」在Rocky一聲下，居然令皓宜向我講聲抱歉,佢地幾時練出嚟嘅默契？
「林優……你呀真係夠哂衝動，我真係幾驚你真叉落鬼門關呀！」夏村說。
「優，佢地係……？」皓宜指住佢地三個。
「佢係阿琪，不過佢有少少怕陌生人。」阿琪緊緊躲在我身後，雙手緊緊捉住我衣服。
「你好，我叫靖仁呀，你係林優嘅朋友，咁即係我地嘅同伴啦！」




「我係夏村呀！你係……」
「皓宜，佢係我啱啱識嘅同伴，佢叫Rocky！」
「係喎，皓宜，你見唔見到同班同學？」
「又……好似無喎！」
「言歸正傳，呢個遊戲得票最高先至能夠生存，但大家有無方法能夠增加票數？」靖仁打斷我同皓宜對話，單刀直入咁問。
「犧牲！誰能願意犧牲自己成全他人存活才有玩家勝利，然而如果全部人都是自私的人，只要引致全滅！」
「快到投票時間，我地投邊個先呀？」夏村。
「不如就投俾呢位阿琪，因為『吊頸遊戲』開始佢已經見到好多恐怖野，而且佢年紀仲細， 我唔忍心佢睇到呢個殘酷世界。大家點睇？」大家點同表示同意。
於是我地投咗阿琪一票。
「好喇，係時候宣怖結果喇。票數最高係阿琪，有6票。」




「已經有一位生還者喇，未成為生還者嘅你都要努力說服其他玩家投你一票呀！」
真係一個笑話，到生死關頭，仲邊有人會犧牲自己去成全他人喎。
「優哥哥，多謝你！」
「嗯！」
「好喇阿琪，妳依家通關喇，我將會用神之力將妳傳送到休憩地方。果到應有盡有，要乜有乜！」
彩華揮一揮食指，阿琪瞬間消失，睇嚟係彩華嘅傳送力。
「第二回打後先至係一場挑戰。睇嚟大家都開始熟習呢個遊戲玩法。」
「你睇下即使係陌生人都開始進行交流。」
生存人數：29
優勝人數︰1