自從那一天，我改變了: 第一章 (3)

~反正佢地都唔會信我講野，我不如孤注一擲，結果不出我所料，皓宜安全了！之後就……
「前奏都完得七七八八，跟住落嚟開始遊戲嘅高潮喇！」
「喂！喂！你個癲佬做咩呀，放手呀！」我一手捉住阿Lu隻右手，將佢推去牆邊。
「攞你部電話出嚟，你唔攞出嚟，我就……」我握緊左手拳頭，示意將會「拉弓」揮向佢嘅面部。
「你都幾過分喎，女人你都咁打，你羞唔羞恥嫁？」
「係囉！」整班同學和議。
「都唔知係咪男人嚟嫁？」
「嘿嘿嘿嘿……炎木，你有本事嘅，唔好講啲滿口仁義道德嘅話，係男人嘅，就企出嚟當面同我理論，至於果種理論梗係男人同男人先做嘅事。」我握緊拳頭，臉部露出比獅子更兇狠的樣子，佢一見到之後戚刻收咗聲，可能係怕咗我前所未有嘅狠樣。
總有一種人，只懂眨低弱者以推高自己的威信；然而遇到強者，口中滿口仁義道德，話的確是說得動聽，然而卻不身體力行，這反映了一個社會現象：打壓弱勢，但遇上強勢，光說等於做了。只懂批評卻不出手相助，膽小如鼠正好適合形容於這類人。
「攞唔攞嚟呀，本少爺時間好忙嫁，得番15分鐘投票咋。」但佢依然不服從。




「砰！」砰的一聲住阿Lu塊臉部揮去。
「只係一拳就暈咗落去喇！」
「敬酒唔飲飲罰酒，本應妳唔洗受我呢拳，不過人係犯賤，當我苦苦求饒嘅時候，妳就扮哂大小啫咁，自以為自己諗到條『好橋』令16人存活嘅方法，但妳睇得唔透，喺我舉手禁『Yes』果時，其實我只係『禁實』個掣，而唔係『禁咗』個掣，當『禁實』個掣嘅時候，電話係唔會接收我『按了Yes掣的指令』，然後我隻手指掃向『Yes』掣之後，指令將會取消，而妳，就自以為我老早禁咗『Yes』掣，之後懶醒同其他人講16人存活方法，結果人就救唔到反而仲死咗個阿希，真係諷刺，現今仲向我求饒。嘻嘻嘻……哈哈哈……」
於是我打量佢嘅身軀，突如其來嘅一拳向我揮之而來。
「混帳！」
我停止對佢嘅搜身，左手捉住佢嘅「直拳」，右手手肘揮之而去，擊中佢個臉頰。
「溢軍，你同你果位好朋友相比，你都算係『勇』，有勇氣，但衰在你無謀，無全盤計劃呀！」
「點呀？俾佢個美態吸引住，所以咁衝動咁想救佢，莫非你鍾意……」
「收聲呀！人渣！」
於是佢拎起身邊嘅櫈扔過來，我蹲下身軀，避開佢嘅攻擊，同時間右手「拉弓」，對住佢使出上勾拳。佢下齶中咗我嘅攻擊，整個人跌喺個地下到。




「阻Q住哂！好啦，繼續搵下部手機嚮邊啦，為咗大家條命，妳應該唔介意嘅。嚮我搜身其間，可能會摸到一啲唔應該摸到嘅部位，不過暴力係允許嘅，尤其係『性』，係咪呀溢軍？」我準備對阿Lu搜身時向溢軍進行挑刃，同時向他對皓宜進行性騷擾作報復！
「你條仆街！」佢好想衝出嚟打獲我，但佢已經無能力再向我攻擊。
「終於攞到手。」
於是，我拆開佢部電話，攞走粒電。
「大家，雖然啱啱上演咗一場『大龍鳳』，但唔好唔記得投票，阿Lu妳都係呀！」
我住她的方向扔下那部電話。
螢幕上顯示住「你的人生有意義嗎？」我想也不想，按下「Yes」的字眼。
……
「好喇，又係點算結果嘅時候，投
『Yes』人數︰7




『No』人數︰8
棄權人數︰1
由於有人無投票，所以死者是阿Lu！」
結果，半清醒嘅阿Lu俾隻兔子斬成碎片！
「捉住果件痴線佬，唔好俾佢再害人。」發號施令嘅人，正係炎木。
「痛！」我俾數名男同學禁住喺地下到。
「林優，你都有今日喇！ 啱啱仲串串鬨咁大口氣，依家，你成條死狗咁趴喺到咋，投到投唔到票呀你！哈哈哈！」呢番話，正係從炎木口道出。
以為咁就阻止我投票？嘿！真係有趣，呢個遊戲真係愈嚟愈刺激！
生存人數：15人