自從那一天，我改變了: 序章

~人生嘅意義為咗咩？
有人認為名利兩收，成為世界上數一數二嘅富豪就係生命嘅意義！但事實係咪真呢？
而我，讀書成績出類拔萃，根本唔需要擔心未來，第時唔係做醫生，就係做律師。當然，呢條路係父母安排啦，正所謂「望子成龍，望女成鳳」，希望有朝一日可以報答父母。
話說如此，我嘅上半生就好似一隻被剪去翅膀嘅鳥，飛不起，找不到自己真正嘅目標，成為任人如肉的小鳥。呢個正正係我尋找人生嘅意義？
言歸正傳，我一如既往咁番學。老實講，我厭倦了番學，一嚟係本書上嘅內容我已經喺家裏複習無數遍，根本沒有不明白的地方，而且即使裸考，我的成績也是名列前茅，番學於我而言根本係浪費時間，二嚟就係
呢一班根本就係黑洞，一班看不見未來的絕望……
只見我的座位寫着一些諷刺的字眼，接着，我聽到一些指桑罵柳的嘲諷︰
「咦，你又一個人番學呀，哎唷，慘慘豬喎！」
「咁啱今日啫，點似得呀邊個邊個呀，日日都係咁呀！」
接着，異口同聲咁笑咗出嚟。真係無聊，總有類人，損人不利己，將自己嘅快樂建築於他人痛苦之上……




「喂，你睇下。我賣咗新機呀！而且係新型號！」
有位女同學拍我個膊頭，向我展示佢嘅電話。皓宜，佢係唯一肯同我講野嘅同學，縱使我俾全班排擠，但佢都打開心房咁同我吹水。不過，我只會隨隨便便咁敷洐下佢，免得佢成為班上第二個被排擠嘅目標。
「咦，你又買咗新機呀？我同你個型號一樣喎，你睇，你睇！」佢好似一隻冤鬼咁纏住我。
「知喇，知喇！」我推開佢塊面，佢實在太痴身喇。
「咦！」手機上顯示咗一條問題，上面寫住︰
「你往現在的生活嗎？」
呢條係咩白痴問題呀？螢幕上顯示咗YES同NO嘅字眼。二話不說，我禁咗「NO」，之後佢顯示咗一句「多謝你的投票」。投票？呢個係咩玩意呀？
「喂喂，你投咗咩呀，我投左YES呀！」我決定無視佢，於是我拎咗本書睇，準備班主任課。
「5！」
「喂呀，睬下人啦得唔得啫？」




「4！」
「班主任咁耐都未到嫁！」
「3！」
「呢個係咩投票嚟嫁？」
「2！」
「咩理佢啦，不如放咗學打LOL？」
「1！」
「……靜啲洗死咩？」我自言自語地說，曾經有一刻諗過如果成班同學死哂，唔係一個點樣嘅情境？
「0！」
「砰！」砰的一聲，門及窗戶牢牢地被關上，而我們看到螢幕上顯示了以下文字




參加人數︰24
Yes︰10人
No︰7人
棄權︰7人
「由於有人在選舉中放棄投票，所以佢地將會接受懲罰！」
說時遲，那時快，教師桌內忽然出現了一只機械兔子，佢手上揸住一把匕首。
「受死啦！」
只見那隻兔子向住那名沒投票的男同學揮刀，刺穿心臟，餘下的3男3女都同一下場。
死……死咗？點解無啦啦會開始一場屠殺遊戲？目睹聞所未聞，見所未見嘅環境！心情難免有點愕然。
「我只係懲罰果啲唔聽話嘅孩子，跟住我會介紹一下遊戲同埋規則。」
一場龍爭虎鬥嘅遊戲將會上映。
生存人數：17人