【甜中帶苦】 [奇幻][調教]包養打怪救世界:《使徒》: 第一百二十二話 過去

阿敏伏在床上，頭腦一片空白。

也許，頭腦空白已算是她的最佳狀態，因為他能夠暫時忘記那些不快。

她很疲倦、卻又睡不著。 她也有點餓、卻一直有種噁心的感覺。

也許人傷心到某個程度便會無法控制自己的身體、沒有辦法管理好自己此刻應有的感 受。

門外傳來敲門聲，楠芝打開了房門。



只見阿敏的手蓋住了眼晴，全然不去理會誰人進門，僅僅只是放空自己。

楠芝走到床邊、坐了下來；她深知阿敏此刻正經歷喪親之痛，必然十分難過，是以....她 多少也想為阿敏分擔。

「敏。」

這把熟悉而又溫柔的聲音再次在耳邊響起，阿敏有些許感動。

她的楠芝姐...終於回來了。



只是....只是她已不知道自己該用什麼身份去面對楠芝了。

不竟，她曾經傷害過葛蕾蒂絲、婉琳；企圖傷害過諾亞....日後也不知道會否突然失常， 傷害其他人。

「楠芝...姐。」

她雖然應了一聲，但卻沒有將掩住眼晴的手移開。

也許....她沒臉見楠芝。



在她不在這個家的期間，為這個家添亂.....

「發生咗哩啲事....我好遺憾。」

阿敏一聽、便又回想起父母的好，再次想要落淚。

「將佢地牽涉咗入黎我地既紛爭....冇人會預想得到，真係....好對唔住。」

阿敏反而不願意再聽到有人以此事向她道歉....

他們也已身故，就算再多、再多的道歉，父母也不會再回來自己身邊...

她沒機會再次....再次見到兩小口的小打小罵；沒機會見到他們笑、見到他們責備自己....

再多的道歉，也不過是勾起自己的傷痛。



楠芝自然知道，只是.....始終責任也是出於諾亞跟自己...

是她們領著阿敏涉足使徒的世界....

她們責無旁貸，不容開脫。

簡短一個道歉後，楠芝便要將話題帶過。

楠芝慢慢拉開她的手，要阿敏看著自己。

「唔開心...都要食野架；仲要係蝶整既飯團喎。」

雖然楠芝千萬個想吃、但無奈她腸胃暫時沒法適應、只好目送這些日本料理送入別人之口。



這些美食不吃，是要教楠芝多痛心呢？

「冇胃口...。」

「唔緊要呀，等等想食先食。」

楠芝將帶上來的那碟飯團在床頭的抽櫃上。

這孩子，真受了不少苦呢....

留意到阿敏那雙黑眼圈、與臉上明顯的淚痕....楠芝沒法不為阿敏痛心。

「明白既...一時間，冇胃口...都係正常。」 楠芝淡然一笑。

「見到你依家咁....我諗番起.....我以前。」



「我爸爸....都過咗身。」

這句說話引起了阿敏的注意.... 楠芝在她面前，甚少提及到自己家人。

「本來...一個好健康既人；突然間，就跌低咗...變得....」

「好虛弱、好虛弱.....」

「醫生同我講...話查唔到係咩原因，令到我爸爸變成咁....」

「係因為咩病菌、咩器宮衰竭....全部都唔係，全部都...唔係令到我爸爸突然間變到...好 瘦、好虛弱...」

「訓係病床上面、除咗呻吟.....乜都做唔到。」



說起了這些往事來、楠芝眼晴也開始見紅。

「家人」這個東西，自以前、現在....於楠芝而言也十分重要。

「我望住我爸爸、望住我媽媽...乜都做唔到...」

「我喊、日日喊...」

「以前，我唔係一個孝順既女仔...」

「或者，就連「乖」哩個字都配唔上....」

「突然之間，你既爸爸...生命走到盡頭........」

「你終於反省、終於後悔、終於想對屋企人好啲既時候...」

楠芝已然忍不住掉淚：「你先發覺....佢既健康已經差到連...你對佢做過乜都已經俾唔到反應你喇...」

「果陣，我除咗內疚、喊....乜野都做唔到、乜野都改變唔到...」

「好傷心...好痛...」

阿敏聽著楠芝的過去、同樣感到很痛苦。

自己...何嘗不是改變不到雙親被殺的事實？

「學又唔番、日日坐係深切治療部門口....發呆、喊......」

「怪責啲醫生廢、垃圾....救唔到我爸爸；埋怨個天...點解要咁對我爸爸？」

「點解....」

「唔俾一個機會我等我好好孝順佢？唔...唔俾機會佢等我長大、懂事....去盡番一個女應 該盡既責任？」

這正是阿敏所遺憾的...

即便諾亞令到她們一家的生活質素有著很大程度上的提升...

然而、自己卻沒有時間去陪伴家人享受這一切。

埋怨、悔恨。 深深困擾著她。

「依家諗番起...真係好傻。」

「我爸爸佢...同我講話，如果俾佢知道...果啲日子我日日咁喊、日日遷怒其他人...佢一定 會嬲到彈起身。」

楠芝看著阿敏笑了笑、續道：「佢...唔會想我唔開心....」

「即使，佢身體有事....即使，佢會離開...哩個世界...」

阿敏聽完、想起了葛蕾蒂絲的話。

「佢話...佢已經好遺憾，自己果個狀況，冇辦法繼續陪我成長、已經....好嬲自己咁冇用架啦。」

「如果...俾佢知道，自己走咗之後，仲要令到自己個寶貝女以淚洗臉、一路...消沉...佢話 上棺果日都會嬲到彈番起身喎。」

楠芝說著，想起父親的幽默，再次嫣然一笑。

阿敏卻有一個疑問：「你爸爸果一次.......冇事？」

楠芝看著阿敏想眼，疑慮了一會，方道：「嗯.......」

「諾亞救番佢。」

阿敏的臉登時變色。

「係我最絕望既果一刻、佢...失驚無神彈出黎，話可以救番我爸爸...」

「不過....」

沒等楠芝說下去、阿敏已接上了嘴：「不過，佢要你簽賣身契、做佢既僕人.....係咪？」

楠芝看著阿敏，感到吃驚：「諾亞...有同你提過？」

「嘿....」 阿敏冷笑，接連搖頭。

「哩啲手法、哩個技倆....佢最擅長架啦。」

楠芝皺了皺眉。

「佢睇中咗你...咪會咁做囉？話唔定，連你爸爸既病都....」

「夠啦！」

楠芝喝了一聲。 搖頭道：「唔係...件事唔係咁架，唔好諗成佢咁。」

阿敏稍為一呆、然後輕笑。

「唔怪得....」

「嗯？」

「唔怪得.....諾亞咁鍾意你啦.....嘿...」

楠芝有點心痛，怎麼阿敏會變成這個樣子...？

「佢有冇呃你....都好...」

「佢都係.....冇救過....」

「...我既父母。」

楠芝緊握拳頭、然後，又再鬆開...

喪親之痛，實在影響得阿敏過份徹底，到底阿敏何時才能放棄鑽牛角尖？

她輕輕嘆了口氣：「唔好太傷心喇.....過咗去既事，唔好太介懷啦。」

說罷，便站起身子離開了房間。

很奇怪，這個房間...明明就是楠芝自己的。

現在，要走的人...竟然是她。

她想不到自己竟然無功而還、想不到阿敏會...

如此看不開。

「唉....」

開始嘗到挫敗感的她，想到了諾亞。