【甜中帶苦】 [奇幻][調教]包養打怪救世界:《使徒》: 第八十二話 要脅
「世伯、伯母。」
「諾亞！」伯母笑著相迎。
這個她眼中的搖錢樹未來女婿，她簡直視為已出一樣。
諾亞拖著阿敏走進屋內，十指緊扣，好不甜蜜。
這次的見面不比之前一樣，以往兩人的欣愛是裝；現在的感情是真。
看到這富貴男孩跟自己的女兒恩恩愛愛，兩老眉開眼笑。
諾亞每個月定期有存家用到兩老的戶口，是而即便在家裡吃飯見面，二人都毫無異議。
兩人坐下來沒多久，伯母多煮上一道菜便開席吃飯。
「諾亞呀....依家呢，香港咁亂呢...你怕唔怕呀？」
世伯夾起雞，先後放到諾亞、阿敏飯碗上。
「係囉...果啲怪物呀，死幾多人呀真係！」
兩人自諾亞公開使徒公會存在以後，每天新聞有報導邪惡生物出沒時便打幾通電話給阿敏跟諾亞確認安全，十分關心。
這也許是一般父母會做的事，只是諾亞不太習慣....
特別是他身為使徒的Number One。
「你指...果啲邪惡生物？」
「呀，好似係咁既名。」
諾亞與阿敏相視一笑：「唔驚呀，我有請保鑣。」
「保鏢...？夠唔夠架....」
二人同樣有這個疑問。
諾亞微笑道：「依家呢，咪有啲專門殺果啲怪物既特工叫做使徒既...我個保鑣咪係喱啲人囉。」
「哎呀，乜鬼使徒....人地話佢地好食懶做架。」
伯母厭惡的嘴臉顯露了出來。
諾亞輕輕皺眉：「嗯...係咩？點解咁講既？」
「唏....做到野就唔會死幾千人啦....多餘。」
來到此處，阿敏笑得很尷尬，伯母這是大力賞了諾亞一巴掌。
只不過，任那一個使徒都知道，這是沒辦法的事。
諾亞卻很冷靜，微笑道：「嗯，不過你放心啦...我喱一個保鑣會好好保護你個女。」
伯母見他說得如此堅定，也不好意思再講。
「唔剩係阿敏既...如果你地都擔心住係喱度會唔安全，我可以幫你地安排移民既。」
伯母立即眉飛色舞；世伯則是一愕、長長的一愕。
「咁樣對你地黎講，係好事黎既....我同阿敏亦都唔洗咁擔心。」
「呀...好..」
「等我地商討下先。」
世伯充滿威嚴的一句，聲音將伯母壓了下去。
伯母也有點意外。
「嗯，我地商討下先；食飯。」世伯不讓伯母多講。
阿敏搖了搖諾亞的手，諾亞看著她，點了點頭。
這一下點頭，阿敏已經理解他這麼做的原因。
阿敏跟諾亞已吃過飯，離開了世伯伯母的家。
方才世伯因為移民一事，表面上看似平靜，內心似乎十分浮躁。
他似乎十分抗拒移民。
四人只好在尷尬的氣氛下吃完這頓飯。
兩人不知不覺，走到把阿敏擄去的那個公園前。
諾亞笑問：「要唔要入去坐陣？」
阿敏猶疑不決。
始終，這也是她跟前度經常相處的地方。
諾亞微笑，突然一個公主抱將她抱起！
「唔得你諗、我地入面囉。」
「喂、喂！放低、放低我！」阿敏用力去捶他胸口。
不知是否因為明知他怎麼打都不會痛，她使勁的錘，比以前初識時錘得更大力。
「哎、大隻咁多既；之前唔係咁大力架。」
「有人睇到哎、放、放手！」
「你冇著衫我都抱過...哎呀。」
阿敏大力搣他胸肌、不讓他說這種教她害羞一輩子的事。
「何況，我咁靚仔，見到都係羡慕你啫。」
「算啦你。」
阿敏微笑著，她很享受。
好久沒有被他如此抱過.... 諾亞走到一個亭子、放低了阿敏。
阿敏只靜靜靠著諾亞，沒有說話。
諾亞看著夜色，手臂挽著阿敏....享受這份難得的寧靜。
「諾亞....」
「嗯？」
「如果....爸爸媽媽知道咗我暪住佢地同邪惡生物戰鬥會點...？」
諾亞的樣子似乎認真思考了一陣：「佢地...會佩服自己個女點解可以咁犀利囉？」
阿敏笑了出聲，緩緩道：「我都...唔犀利。」
「犀利架，搵到個咁犀利既男朋友喎。」
卻見阿敏聽完後沒有反應...神情又開始陰沉起來。
諾亞搖了她一下。
她看著諾亞....欲言又止。
諾亞向她許了一個溫柔的笑：「我命令你...將你既不快話哂我知。」
阿敏輕輕咬唇，摟住諾亞的頸。
「我....前度，發現咗我同邪惡生物戰鬥既秘密.....」
諾亞眉毛一揚，有點驚訝。
「我...我唔知道佢點解會估到...」
「佢話...我突然之間消失，應該係同使徒有關。」
「我要脅我....要我幫佢做一件事，如果唔係...就會將我係使徒既事話俾我父母知。」
阿敏眼角發紅，有點委屈。
諾亞掃著她的頭髮，安撫著她：「傻豬黎既...我幫你殺咗佢咪咩都唔洗煩囉。」
阿敏似乎嚇了嚇：「咁、咁又唔洗殺既....」
「喔，有人放唔低前度。」
「唔、唔係...」
「本來唔洗殺既，但依家佢要唔要脅你都要殺囉。」諾亞微笑道。
阿敏大力錘了一下諾亞的胸口：「唔好玩啦...！」
諾亞捏了一下阿敏的乳房還擊：「冇玩啊，好認真...佢住邊呢？」
阿敏咬著唇，故作生氣的樣子。
「好啦好啦....佢想你幫佢手做啲咩呀？」
諾亞一臉從容，似乎毫不在乎。
「佢....佢話佢女朋友失咗蹤，要我...要我搵番佢女朋友出黎。」
「哈！」諾亞大笑一聲。
「仆街仔，要個前度去搵番佢現任出黎。」
「你...你做咩講粗口？」
阿敏有點驚訝，諾亞這人平時什麼過份、荒謬的話都說，偏偏很少爆粗，近乎完全不說粗言穢語的，這時竟然以仆街仔稱呼自己前度...
還記得對上那次自己跟他做，被阿蝶跟婉琳撞見，他才「shit」了一聲。
「佢係呀，我冇用錯呀嘛？」
他的眼神很純真，還真在問阿敏自己有沒有使用失當。
阿敏聽著失笑。
「冇錯，佢正仆街。」
其實諾亞只會仆街一個粵語粗口，多嚴重的情況他也就只會罵這一個。
情緒發洩完，諾亞的眼神認真起來：「....佢女朋友點失蹤、係邊度失蹤？」
「佢...佢whatsapp度講咗。」說著拿出手機，點開她跟明的對話。
諾亞看了一遍：
「憑空消失........嘿。」