【甜中帶苦】 [奇幻][調教]包養打怪救世界:《使徒》: 第三十九話 社會

「到底...係喪屍襲擊旺角之後，現身擊殺喪屍既係咩人呢？曹博士你點認為呢？」

「嗱，我就咁睇既，雖然個呢次旺角恐怖襲擊呢，黎得好突如其來，但果一班人呢，依然好有組織地，把守係球場附近既交通要道上面防止喪屍擴散...呢個行為其實好有組織性，佢地成班人可能

係一個組織黎，仲要講緊係一個好有實力，好有系統既組織黎。」

「咁我又問啦曹博士呀，點解呢個組織我地咁耐以黎都唔知佢地存在既呢？政府係咪又有心刻意隱瞞呢？」

「啊，咁地下組織呢樣野呢..呢個世界就有好多個既......而政府係咪有心隱瞞，政府大把野暪緊我地啦，呢個唔出奇既。」



「哦，咁..曹博士，你睇一睇呢張圖，流傳得都好犀利架啦，就係旺角事發當晚拍攝既， 呢個著白袍既人，浮係天空不單止，仲要夜麻麻成度白光照住佢...你認為，呢啲咁超自然既事有冇可能發生呢？」

「呀...咁喪屍都識係地下撲出黎咬人囉，我覺得識飛呀、魔法呢啲人都係可接受既範圍黎既。」

「同埋呀，呢張圖個白袍人，同之前彩虹爆開既一張剪影，半空中既白影係十分相似架，會唔會有可能就係呢班人其實一直都係暗地裡保護緊香港呢？」

「哦，好可能架、好可能架；之但係呢...佢呢次就真係好失職啦...成個襲擊，死咗成四千 幾人...真係一件人間慘劇黎架。」

曹博士續道：「我就去過一次隔離區度望過啦...好多好多.....死難者既家人，抬著死者既 遺照、包圍住隔離區......佢地好強烈地，要求政府可以公開事件既事相。」



「啊係呀，政府好似沒有就呢件事上多作討論，無論係香港或者世界，亦都冇公佈有關事件元兇、果個黑袍女人既資料。」

「係呀...當中，果個同黑袍女合照，嗱，果個疑似係幫兇既少年、甚至佢既家人亦都被人間蒸發...政府 都冇就事件作出太多既回應，真在令人氣憤。」

「...........嗯，算係幾有價值既討論黎既。」諾亞說道。

諾亞的筆電正播放著一個網上電台的片段，主持人似乎正就旺角兇襲事件作討論。

雖然電視上沒有對這等「悲劇」作出推敲，然而網上的聲音，卻是百花齊放，各有定 論。



不少人已因為這次事件，肯定超自然生物的存在；亦覺得人類能夠掌握魔法之類的魔幻力量。 他們正在書房中觀看「時事」。

「唉...你又俾人影相。」楠芝輕嘆。

「我啲無人機硬係俾我劈爛...都冇辦法架。」

阿敏「喔」一聲，回憶當初：「果張圖真係你黎...」

「之前彩虹果張...唔係我整爆啲無人機架，係隻彩虹魔獸自爆先會咁。」

「咩係...彩虹魔獸？」

楠芝解釋：「一種專食彩虹獨角獸既生物。」

阿敏皺起眉，全然不知道楠芝這個「解釋」算不算解釋。



「其實可以睇得出...件事對呢個社會好大回響，公會要禁...都唔會禁得出人民既聲音。」

諾亞笑了笑：「好快...使徒公會既秘密就會浮面。」

「咁...算好事定壞事？」阿敏問。

「對你地黎講可能算壞事。」

阿敏一呆，想到自己的家人...楠芝的母親自然也不知。

「而...對我黎講，就係好事。」

諾亞笑得正樂：「到時我仲唔成千上萬個女粉絲...！」



「呀..嘶！」諾亞的耳朵被楠芝輕輕一扭。

「試下呀你...睇下我地打唔打死你！」

阿敏笑了幾聲，攤開雙手，表示不關自己事。

「哼，想創你個心；快啲落去同我洗埋啲碗碟佢！」

「吓......唔洗得唔得呀？」

「我地上個任務爭啲死呀！唔係有人救咗我地我地就番唔到黎啦！」

楠芝將聲音提高八度、抗議著。

「果陣你係邊呀？做緊咩呀？」



楠芝用力去捏諾亞的臉，諾亞強笑。

「仲有呀！次次你都落一陣雨乜都醫番好哂...完全冇哂係病床上養傷，俾你照顧個溫馨場 面.....你唔洗賠俾我地呀？」

楠芝強辭奪理，阿敏吃吃一笑，諾亞無奈，便動身下去洗碗。

「早知就唔用治癒之雨，等你地周身疤...」

「你仲講！」楠芝雙手叉腰。

諾亞吐一吐舌，趕緊出房。

「諾亞！」楠芝喊道。



「嗯？」

「邊個救我地架？」

「聖劍。」

說罷，諾亞下去洗碗。

一來到廚房，便見婉琳坐在洗碗盤上自慰。

她媚惑的目光盯緊諾亞。

她知這天的家事盡數由諾亞負責。

而楠芝說要跟阿敏裝作受傷跟阿敏臥病在諾亞的房間裡要他照顧。

小桑則在睡覺。

她等著。

諾亞看了一頃，說道：「嗯，小女孩初熟係性喱方面係的確充滿好奇既......」

「嗯，但係自慰呢一樣野呢，你問楠芝會清楚啲...」

諾亞沒留意到，這刻她穿著某間私校的女學生制服。

「阿Sir......但我想你教我哦。」

她伸出一根手指，含在口中，用力吸啜...吐出。

諾亞嘆了口氣：「睇黎今日...任重道遠！」


楠芝聽到「聖劍」這個名字，暗自默想，心下有了個大概。

「楠芝姊，咩...聖劍？」 楠芝走到書架，取了一大本極厚的白皮書。

她一把放到書枱上，查找索引。

「聖...劍。」

「佢所講既聖劍係Number Five使徒既代號黎，指既係佢既武器，而佢把武器就係......呢個！全名：聖裁之盾劍。盾為斷邪之聖盾、劍為降罪之聖劍；劍身為紫紅色，藉擊殺邪 惡之物令劍身愈

紅，至一定程度可以解放「罪」。聖盾由白銀秘晶所造，盾牌表面 有一金色銳角，能夠切斷魔法。」

「聖劍並非一般人可以運用...需為天選之人方可配備，盾劍會從天而降，落在被選者面前。」

「嗯......聽落，勁過諾亞好多。」

楠芝嫣然。

「救我地果個就係聖劍選中既人...佢唔太參與公會既任務，所以我唔太清楚佢既底細。」

「但我記得旺角果件事...佢有份係香港獵殺屍鬼；殺咗唔少...但我印像中，又唔覺有見過呢一個人...」阿敏憶述。

「佢殺既，好大可能全部都係寄魂屍。」

楠芝續道：「得佢一個...有咁強大既感知能力，可以察覺到死靈魔力既存在...果啲偵察任務，可能係源自佢把聖劍既感應。」

「啊...好、好犀利。」

楠芝淺笑：「好彩...佢黎得及時。」

楠芝搭了一下阿敏的肩：「好彩...我地都冇事咋。」

阿敏慘然一笑，總覺得勇營兵死得屍骨無存好生令她愧疚。

假若...他生前，自己有好好跟他交流，那該多好？

這一刻，他屍骨無存......縱然不甚交雜，卻有點傷感。

諾亞做完一輪「家務」，攤在床，很快便睡去。

—夜深

諾亞張開雙眼。

就發現自己已經被一把忍者刀架在頸項。

黑夜之間，他只見到一雙眼晴。

一雙又大又靈的褐色明眸。

他有點慶幸楠芝今天沒有侍寢。

「你...」

「你再說話我就一刀砍下去。」

「這一刻起，你只需要點頭、搖頭回答就可以了。」

同時令到警戒探測跟陷阱魔法失效？

諾亞看著眼前這刺客，心下作出推敲。

「這年的百鬼夜行...你會再來攪局不？」

「啊...！」

諾亞自然的發出喉音，她一手迅捷的拔出一柄飛鏢，尖柄一轉，一擊刺落諾亞的手臂。

短刀壓在諾亞的喉頭上，滲出鮮血。

「我說了，不敢作聲。」

「嘶...！」

「呀！」

「呀！」

「痛...呀~」

她一連再補上四把飛鏢，釘了諾亞整條手臂，發覺也沒有位置再釘下去，忙道：「收、 收聲！」

諾亞手臂生痛，他舔了下唇，直直望著這刺客。

「我多問你一次，這年的百鬼夜行，夠膽再來搗亂不？」

他搖了搖頭。

「好的，希望你守諾。」

諾亞笑了笑。

這刺客一躍而起，從窗戶中躍了出去。

諾亞瞟了一眼窗戶。

「哎，真係唔發動喎個魔法......」

諾亞拔出飛鏢，竟然繼續睡覺。



「仲百鬼夜行......？邊得閑理呀。」