【甜中帶苦】 [奇幻][調教]包養打怪救世界:《使徒》: 第三十四話 巨變之後
「你班死黑警！！！」
「你地個個痴線架！」 一把男聲大罵。
「啪」！ 這名警官大力往說話少年臉上打去。
「咁撚串？我打死你都仲得呀！」
「我真係唔知呀...！」
「啪」！
「仲咁口硬？」
「11月17日，旺角兇襲事件發生後，你係facebook上載咗一張同主謀係太子地鐵站既合 照；上面寫住：What a lucky day！你po完相之後經由太子站開出既地鐵就被人毀滅， 你仲唔係話你同
件事有關連？」
少年的嘴角被打出血：「我...我同佢影相果陣都冇睇到新聞，我當佢cosplay妹咁影架炸！鬼知佢搞咁大單野咩！」
「哼、仲唔認呀嘛？」
警官指住少年的頭腦，以一個凌厲的眼神狠狠盯著他，似乎在警告他有更嚴重的事情緊接而來。
他哼一聲離開盤問室。
少年不禁想起事發當時的情景......
「你搭下一架啦。」
那個穿黑袍既女人攔住我，不讓我上地鐵。
看著她走進地鐵，雖然覺得錯過了這段緣份有點可惜，但我心入面仍然有種甜蜜的感覺。
我急不及待想將合照上載至Facebook，仔細一看，她五官很標緻，雙眼散發出紅光，應該因為Cosplay戴上了有色con的關係，她的嘴唇蠻厚，鮮紅的唇色與她白晢膚色相映， 十分動人。
能夠遇到她、還能跟她合照，真是個天大的幸運！
「What a lucky...day！」
「有冇串錯呢...？好、ok！」
我將這合照Po了上facebook。
「嘿...今次威威啦。」
看著這張合照，總覺得能夠與這樣美麗的女孩合照是件很威風的事。
我毒？我不這樣認為，我只是容易滿足而已。
「唔知...仲有冇機會遇到佢呢？」 看著這張合照....我呆呆出神，神往與她再次相遇之地。
「地下鐵碰著她~好比心中女神進入夢~」
「啊...屌！」 手機突然冇電關機。
「唉...仆街。」 我想早點回家......
「屌！！！」
港鐵又故障！
來了一架地鐵，卻說前方列車出現故障，地鐵將不會開出。
乘客湧出來，我搶先一步離開地鐵站，趕在人流之前轉乘紅van離去...
回到家以後，我父母極緊張的衝了上來：「哎呀...仔！謝天謝地！電話又打唔通、幾驚你 出事！」
「求神拜佛真係...冇事真係太好啦！」
「出事？出咩事？」
父母一呆，忙問：「你冇睇新聞咩？」
「咩新聞？」
「喪屍襲擊旺角大球場...殺害旺角居民、破壞中港大戰...你自己開電腦睇啦！」
「吓？？？」
我打開電腦，鍵入yahoo新聞頁......果然見到極多報導！
沒錯，是極多！
新聞舖天蓋地的報導著這場恐怖襲擊。
我打開一條影片連結，裡面映著大球場當時的情況。
一個黑衣人站在球場中心...拿著木杖往地一插，地上就出現幾隻不知明生物，不知明生物 跳得極快，一下撲倒工作人員...展開嘶咬！
「黑衣人...？」
「黑...袍？」
我張大了口。
「咪住！」
「咪住、咪住咪住咪住！」
「唔撚係咁橋呀嘛？」
我一打開facebook...竟見右上角的紅字將近五位數。
「唔好撚同我講笑啦！？」
我見到自己那張合照......在短短兩小時間，足足有八千多人分享、當中幾個著名粉絲群分享；留言也有上千個...一些認識的、一些不知名的好友、一些還不在我的好友名單內。
留言不外乎是：殺人兇手、圖已CAP、洗定八月十五、還有粗口、甚至各種語言......
「仆街喇......」
「香港旺角大球場受到生化恐怖襲擊，現時混亂仍然持續，警方呼籲居民留在家中，盡 量不要於街上走動......」電視新聞不斷播放著。
「各位市民請遠離旺角、太子、尖沙嘴一帶，假若不幸 身處其中，請留守家中，鎖好門窗；若然無法回家，請盡快進入教會範圍，得到庇護；重覆，不幸置身動亂周遭，請盡 快逃入教會避離！ 」
亦有人用英語呼籲。
看著電視上那清晰的喪屍映像...我崩潰了。
我趕緊將合照刪除，完全不敢想像接下來會發生的事......
我不敢上學，第二天就被警察抓了。
「屌你老母...！」
「我屌......」
縱然男人老狗流馬尿要不得...但我怎樣都無法平抑我心中的悔疚感。
「點撚解.......我見到靚女就中個頭埋去影相.........」
「點解.......」
我用頭不斷撞向盤問室的枱面。
要不是這張合照，我就不會面對如此困局。
吸毒，後悔一生。
我呢？
「咚、咚、咚、咚。」
我不斷撞、不斷撞、撞得出血。
——————翌日
「你知唔知呢單野死咗幾多人？？」
警官大力拍枱：「足足成四千幾人呀！！」
警官怒喝：「好多伙記都死咗呀！！」
「你有冇血性架？？」
他的手指大力督住少年的頭： 「依家呀、你張合照傳到出其他國家呀、到時呀、聯合國呀、乜乜密密施壓呀，你十條命都唔夠死呀！」
「我問你呀、同主謀到底有咩關係呀？」
「我都話...路過見到先同佢影相囉...........」
「屌！！」
「阿Sir，電話。」
警官出去接了個電話，去而復返，神色卻變了許多。
「依家放你。」
「吓？」
「吓乜野？係咪唔走？」
「都話我無辜架啦！！」
警官哼一聲，語調很奇怪。
少年走出警局，看著天空.....總覺得一片愁雲慘霧。
忽然，兩個黑衣人出現，夾住少年，一手捂住少年的嘴，大白天之下將他擄走！