【甜中帶苦】 [奇幻][調教]包養打怪救世界:《使徒》: 第一百八十三話 你不知道
「佢地...仲未到既？」婉琳站在木屋前自言自語。
眾人已在木屋等了些許時候。
蝶站在她身後，同樣也在等待著。
楠芝、瑪莉、諾亞....隨便都好。
婉琳無聊得以一雙虎牙去磨自己的唇：「黎未啊....」
「婉琳。」
「嗯？」婉琳轉頭，回應蝶的叫喚。
「我想....問你一個問題。」
「嗯？」
「你是否已經...能夠感應到周圍所發生的事？」
婉琳冗長的「嗯」了一聲：「或者.....幾乎....大概...掌握得到七、八成，做咩咁問？」
「我有一件事想問問你...」
「關於一個動作，一個攻擊動作。」
「我想知道...一個基本會使刀的人面對這一招會怎麼反應...」
「....嗯、你試一試。」婉琳猶疑了一陣，答應了蝶試招的要求。
「好、你先準備。」
婉琳接過蝶交予她的專用彎刀、身體已進入了作戰狀態；蝶抽出武士刀，然後將身體壓得很低....
那一夜，面具男同樣面對著的一招。
阿敏在在木屋遠遠望著她們二人。
她但覺...自己不屬於這裡。
與這個空間格格不入...
與這個世界格格不入。
想到自己父母因為與這世界的另一面—這個充滿黑暗的魔幻國度所害...
她多希望自己從來沒有踏足這一面。
要不是他....
阿敏並不認為自己遷怒於諾亞；一切都是因為他，強行將自己拖進這趟渾水...
就在此時，她聽到開門的聲音，一個全身赤裸的男人打開木門進入屋內，阿敏一望見他，雙耳便開始發熱，一時暗不知所措。
「做咩...？佢地呢？」
「佢地...係外面練緊刀、邊練邊等....瑪莉同楠芝。」
「嗯...」
諾亞很平淡的作回應，也許是這段日子多番努力、嘗試勉回跟阿敏的關係未果，他漸漸失去了當初那份熱情。
而且，現在並不時處理兒女私情的時候。
「我上番去...換衫；我啲衫唔知係咪俾婉琳偷咗。」
他便這樣漠不關心的轉身，正要踏上樓梯的時候，阿敏卻叫住了他：
「我要番去。」
諾亞轉頭，用一個無法理解的眼神看著她：「...咩話？」
他們才抵步不到一天，諾亞實在不了解阿敏為什麼突然會提出這要求。
「你帶我地入黎...其實冇諗過帶番我地出去架....係咪？」
「.....你講緊咩？」
諾亞的神情變得很冷漠，這是他掩飾自己內心的一種手段。
「你係咪諗住...將我地鎖係哩個空間、等外面太平既時候，先再俾我地離開？」
「.......唔好咁敏感。」
「唔難發覺囉？佢地唔講、係因為佢地唔介意...」
「但我介意。」
阿敏拿出手機、那電話功能似乎除了上網、移動通訊外都還能運作。
她指著手機屏幕的時間顯示：「你講俾我聽...我地啱啱到咗冇耐、不過係浸咗陣水，點解手機時間會過得咁快？」
「我開計時器、我數一下、個秒錶跳兩下...到底係咩意思？」
「.....................................」
諾亞輕輕嘆了口氣：「你冇估錯。」
其實，阿敏所以會發覺也不意外；因為來到這個地方的每個人...都有她們在意的事，而阿敏卻...毫不合群。
一心希望離開、毫不願意留意這世界的美好.....
「係哩個空間，時間流逝既速度係外面既兩倍。」
「我唔想留係哩度。」
諾亞還未加以解釋，就被阿敏打斷了說話。
「點解...？」
這回答彷彿觸動了阿敏的神經，她大聲喊道：「點解...？我到依家都仲未搵到我嫲嫲呀！！」
「我叔叔、嫲嫲.....佢地係爸爸媽媽過身果時開始，就一直失聯...你知唔知道呀？」
阿敏的神情有點失落、以一把極盡哀怨的聲音說道：「你乜都唔知...」
「我好掛住我僅存既親人...你唔知！」
「我想離開香港去搵番佢地，你唔知！」
「我想離開哩個世界、唔再過啲打打殺殺既日子...你都唔知！」
「有咩野你係會想去了解、想去關心我地架？」
「楠芝姐都好擔心佢媽媽呀....你又知唔知呀？」
諾亞才想到楠芝的媽媽，但他對此十分放心：「.....佢唔會有事、佢係使徒既親屬...」
阿敏崩潰的大喊：「我唔係使徒呀！」
諾亞默然。
的確，阿敏並不是使徒；公會成立之時，那保護使徒親屬的強力保護咒並不會對阿敏家人生效。
「我要出番去搵佢地呀！如果佢地聯絡番我、搵我唔到咁點算呀？」
「佢地俾吸血鬼傷害點算呀！？」
「你未見過我嫲嫲唔代表我同佢冇感情架...！」
諾亞見阿敏熱淚盈眶，臨近崩潰，眼神難免帶著憂傷：「但依家公會、血魔....全部都針對緊我地...」
「唔係我地...係你、係你咋！從頭到尾，所有野都係衝住你一個人黎...唔關我地事架！」
「唔止咁、外面仲有巨獸.....」
「唔通外面一日未安全一日都唔準我出番去囉喎？要做烏龜你同我做飽佢...我唔會陪你架！」
諾亞閉上眼睛、緊鎖著雙眉，深深的嘆了口氣。
當眉鎖慢慢鬆開，眼前依舊是那個對他極為不滿的女孩子。
他沒有說話，只帶著無盡的婉惜，神情...極之失望。
「我要離開哩度。」
「.........唔想再見到你。」