【甜中帶苦】 [奇幻][調教]包養打怪救世界:《使徒》: 檔案:諾亞﹒節禮日
「聖誕、生日快樂，小諾。」
「聖誕快樂呀，曉蘭。」
「送俾你、希望你鍾意。」
—其實，你既微笑對我黎講....已經係最好既聖誕禮物。
諾亞坐在一張小木床上，看著那件手中那件白色斗篷悠悠出神。
斗篷內籠，頸部的位置上綉了一個他以英文串寫的名字—Noah。
諾亞摸上去，刺繡的手工不是特別精緻，但它的意義，卻無可取締。
.................
「多謝你，件鎧甲...我好喜歡。」
曉蘭白晢的臉隱約泛起一層青春羞澀的緋紅，而她的笑容卻很清新，大方，令人不自己 的陶醉在她笑意中那份溫暖之中，漸漸被她感染，一起展露笑容，暫忘心裡的不快。
「好合身，造工都好精緻，你咁快就學識咗歐納西斯本煉造筆記...好犀利。」
她的笑容再一次打動諾亞的心。
「媽媽教得好啫。」
「嗯~扮謙虛添！」
「你都唔錯呀....件斗篷都好靚。」
曉蘭搖搖頭：「唔...爭啲，大部份.....都係媽媽整既，我都係幫手既多。」
她難為情的時候，紅暈更濃：「得你個名先完全係由我親手綉上去架...唔準笑我。」
「冇關係...我都好鍾意。」
「只係一件好普通既白斗篷黎架咋...未必適合用黎戰鬥....」
「但媽媽話，啲布質好適合附魔上去...不過，我唔係咁叻哩樣野....」
「等你第時附魔技巧再高啲既時候，自己選擇個喜歡既效果附上去啦！」
「...嗯？冇所謂呀，我諗住著住佢去使徒考核。」
「會唔會唔合適？件斗篷咁大件...」
「唔會唔方便、遮得到我個樣就夠啦。」
「嗯....」
「我個樣太耀眼、咁對其他參加者唔公平....哈哈。」
「嗯哼、的確生得太可愛啦，人地會忍唔住當你小朋友咁寵...」
「....我唔係咁意思啊。」
「可愛既小諾，夠鐘去訓練啦。」
「吓...唔好掛？」
—你唔知道，你已經為哩件斗篷完成咗世上最強大的附魔....你既感情。
「哩件白色斗篷....係我最珍視既寶物。」
「著住佢，就好似.........佢係我身邊陪住我戰鬥咁。」
「諾亞....」此時，媽媽已經坐到床沿，輕輕握住諾亞的手。
「對唔住呀，媽媽....」
「我琴日....又試.....」
「傻豬黎架.....」
媽媽輕輕撫著諾亞的頭，即便此刻的諾亞已經比自己更加高大，但在媽 媽眼中，諾亞永遠就是個長大不的小孩。
「每次見到佢咁既樣，我啲魔力就會....」
「或者，時間耐咗，你既情況會有好轉呢....」
眼見昨日的諾亞也不如以前一樣，媽媽對此抱有希望。
只是，諾亞的魔力一日比一日強大....此刻的他已經不再是媽媽能夠輕鬆應付的程度了。
「希望係喇....」
諾亞淡淡一笑，笑容帶著憂傷。
「好喇...係時候啦。」
諾亞拉開被子，準備下床。
「去邊呀？唔...留多陣先？」
「我既身體冇咩大礙架喇，我仲要....趕去一個舞會。」
「咩舞會...？」
諾亞假意淺笑：「徵婚。」
「吓....？你...係邊家姑娘？」
「十三家族裡面其中一位.....你估下？」
「吓？？？」媽媽對於諾亞沒頭沒腦的說話感到十分困惑。
還想要留住他問個明白，可是，諾亞已經穿上他的斗篷離開。
從他的背影可以知道....
諾亞片刻也不願停留在此地。
「觸景傷情」這個詞語，浮現在媽媽的腦海。