有個混血妹同我講，話想同居: 人非草木
（嘟嘟～嘟嘟～嘟嘟～嘟嘟～嘟）
「你個傷心西米露幾時肯聽電話呀！聽電話呀！」
「大小姐？咩事？」電話的另一邊是一把垂頭喪氣的聲音
（佢唔係做緊傻事呀？）
「你係邊呀而家？」
「我而家仲係港島，岩岩到咗地鐵站......」
「咁你食咗飯未呀？你成日都無食過啲咩」
「無呀，做完嘢無耐，諗住周圍搵啲嘢食下先......」
「好！咁你等我半個鐘！我落嚟搵你！陣間天后站見，你唔好走咗去呀！」
「好......」
「就咁啦！記住咁好走呀！bye!」
雪兒衝忙的換了一身外出的衣服，她穿了一件一件黑色的籃球背心，還有淺藍色的熱褲
「雪兒，就食得飯啦.....」家雄提醒着雪兒
「Sorry ar～有急事要出去，食唔到呀，你幫我食咗佢啦～」說完這句後，雪兒就穿起AJ出門了
半小時後 天后站
（佢仲咩無啦啦搵我？諗唔通.......）
焌文正在地鐵出口抽着父親最愛的黑冰，抽着煙的他正等待着雪兒
由於下面有大量的上班族魚貫的入站，令位置變得窄小，於是他就決定出站，到外面呼吸一下
他看到那群的上班族都是同一個樣子-精盡人亡的樣子，他們有如行屍走肉般的行走着
「俾上司同老闆搾到剩，陰工！過多幾年，我都應該係呢班喪屍之一......」
香港作為國際金融中心，好多方面都達至國際標準，甚至有過之而無不及，例如：樓價、每週工時還有物價。
美國物業顧問機構Demographia的一份報告（2015年），就題到香港經已連續第6年成為全球樓價最難負擔的城市
就2015年第三季的樓價中位數，是家庭年收入的19倍。換句話說，是要不吃不喝19年，才可以供完層樓
香港的打工仔，終此生都是為了樓而努力，講得好聽叫努力，難聽的叫賣命
每天日做夜做，一個禮拜做足50個鐘，都是為了一個安樂窩而已.......
而老闆們就看準這點，而用盡每位員工的精力、熱情，給予了過多的工作，為的只是自己的利益
有人因工作壓力而尋短見，而瘋狂的老闆們就完全不予理會，到了有員工死了，就只會冷漠的說一句「唔關我事」
雖然雙方都是為了改善生活而努力，可結果就完全不同：貧者越貧，富者越富
有錢的不斷炒起樓價，從中獲利之餘，更令中產人士難以承受。他們買了樓，就抬高價錢放租，從而樓買樓
多出的錢，就用於投資，將身家變得更大
他們有錢，有人脈，有的機會比普通家庭的孩子多很多
中產的收入較多，不合乎申請公屋的資格，那正常是要買樓吧，誰知樓價高得嚇人
那無可耐何的只好租個單位吧，待儲到足夠的錢，就正式上樓。當大家滿懷希望的時候，另一些問題又出來了！
交租的錢已經估了一大部份，還有供養父母、下一代的支出呢。
學費、書簿費、興趣班的錢，還有父母的醫療費用、老人中心的月費.......未完！
最後就是家庭的平常消費：食用、交通、日用品等多不勝數的項目........看到的都已經感到有壓力了，何況是家庭的經濟支柱？
講完中產了，他們還不算是最難受的了，最難受的是一班的草根階層
他們被這個利益為上的社會中，成為了最低層一的一班人，用食物鏈作例子：
有錢、富二代就是最上層的獅子、老虎等的肉食動物，
而中產的是狼、狐狸等，而最慘的他們只是兔子、鹿等的動物而已
終此生被上面的動物（人）吃，而沒有上遊的機會
最上層的老闆每天用盡方法，扣減他們應有的權利、還有最重要的薪水
為的只是自身可以有多點的錢.......
而中產的每天就對他們投以白眼，為的是自己可以從他們身上看到自己較＂優越＂，
每天當着辛勤盡責的勞動工人，給說話他們聽：「仔，記住要好好讀書，如果唔係就好似佢哋咁，做（工種）架啦」
相信大家每天都聽不少。港人從小到大，都被如此的教，到了成人時，又如此教育下一代
中產／富人們都忘記了一樣重要的事：他們都是人，是和你一樣的人，都是有尊嚴的......
一分鐘後，雪兒從焌文的後方出現
「喂～仲咩咁傷心要食煙呀？」她看着抽着煙的焌文，可她沒有要他把煙弄熄
（佢咁down，就由得佢啦，反正佢都無吹到我）
「到咗啦，仲咩搵我？」
「無呀，你陪食飯咋」
「你唔搵葉舒雯？佢係你好姊妹啵」
「乜我搵你唔得咩？係咪好唔想同我食呀？」（你咁樣，我點放心呀）
「唔係，係你無單獨約過我姐」（估唔到佢會搵我，乜佢唔係好憎我嘅咩？）
「點都會有第一次嘅，帶你去個地方啦」
「去邊呀，我唔熟呢區架！等等，你唔會賣我豬仔架？」
「賣乜豬仔呀，到咗咪知囉～」雪兒拖住了焌文的手，焌文就被她拖着走
「就係呢度啦～入去啦」焌文看了一看，是一家叫華姐清湯腩的店
（乜大小姐會嚟呢啲地方咩？）
看了一下，二人就找了個空位了坐下
「西米露你想食咩呀？」
「是但啦」看着餐單的焌文此下沒有多想。，他只想填飽肚子
「好啦，諗好啦～唔該～」
「咁快！？你嘅選擇困難症呢？」
平時食lunch的時候，各人是要等雪兒想好要食的東西，才可以點菜的。
今日雪兒沒有要他等個十五分鐘，他為此感到好奇
「無啦，仲要你等我咩？」（你咁upset,成日食無過啲咩，仲等？你就餓死啦）
「係呀，要個清湯金錢肚，同埋一個清湯腩。兩個都要河粉，要多兩支可樂呀，唔該」
明明焌文沒有說要吃甚麼，但記住他喜好的雪兒為他點了最愛吃的金錢肚。看到這樣的雪兒，焌文微微一笑
他想不到，這個大小姐都有體貼他人的時候
「好啦，終於笑返啦，幾驚你發生咗咩事」
「我想笑你撞親個腦呀」
「仲咩話我撞親個腦呀？」
「你突然咁為我，仲唔係撞親個腦，係咩？」
「唔好咁諗啦，我難得對你咁好架，好好珍惜啦」
「嘢食到！」侍應將兩碗足料的面放上了檯面
焌文狼吞虎嚥的吃着，始終是因為全日都沒有吃過甚麼吧
一放下心來，他就感到非常的饑餓
「慢慢食啦你，食得咁論盡」（見到佢咁，都放心返啲）
就在雪兒打算吃自己那份時，她的電話響起了
她看了短信後，面紅得快要出煙的樣子
內容是這樣的：
Sherman：點呀，你同劉焌文食完面未？
幾時Kiss呀你哋😏
「咩事呀？仲咩無啦啦呆咗咁」在偷夾牛腩的焌文，看到雪兒的樣子，不禁問了下
「無嘢呀，無事，無事。」
「神神秘秘咁，係咪男神send咗啲咩你呀？」焌文露出了奸詐的笑容
「唔係呀，點都好，唔關你事啦！」雪兒害羞的回答着
而她的是這樣的回應：唔係呀，睇下佢係咪出事咋，Kiss咩
「佢真係一啲都唔誠實，明明就係佢最緊張.......」
舒雯看到雪兒的回應後，會心一笑起來
「又真係幾好食.....」焌文在吃着剛從雪兒碗中偷的牛腩
「西米露，你一陣有無野做呀？」雪兒繼續的吃着她的河粉
「無呀，食完咪返去囉」
「仲想同傾耐啲添～」
「得呀，反正都要送你返屋企」
「講到你好唔想咁，好難為你呀？」
「我係諗，你屋企有無門禁，話哂一個女仔夜返屋企好麻煩」
「無呀，佢哋都無咩講」
（都無人理我架啦。就算係親生老豆都咁話）
「咁呀，去海旁吹水？.......」
二人吃過飯後，就撘地鐵到了尖沙咀，她們二人於碼頭
「大小姐，你要買咩飲呀？」看到林林總總的飲品，這下到焌文有選擇困難
雪兒沒有回應，只是將放滿了酒類的雪櫃打開，從中取出了兩支大青島
「幫我囉住」
「你係外國係咪成日飲酒架？一黎就買酒飲，仲要買咁大支」
「係外國，我你唔飲酒架，好乖架我，邊似你咁？」
「一定係咁啦！係啵，有hoegaarden,喜力個啲，你唔揀？」
「你鐘意呀嘛，同埋啲高登仔成日話佢正，我都想試下嘛」
「你點知我中意飲酒架？我無同你講過架？」
「係一次男神講起，佢有事嘅時候，你都會青島啤啤佢，咁我咪知囉。
況且飲咗啲酒，你都會放鬆啲」
「仲認為你啲大小姐，會唔中意啲平民野添」
「咪玩啦，食魚翅鮑魚食得多，都會想食其他架？何況我唔係？」
「講笑咋」（發生咗啲咩事？）
「到咗海旁先講啦」
「好啦，咁我請你飲啦，就當係多謝你專登搵我嘅」
他們到了後，就找了個靜靜的位置坐下了
「大獲！唔記得叫店員幫我哋開支酒，都係你啦，係咁同我吹水」
「無事嘅」焌文從褲袋取出打火機，他用火機的底部一頂，就開了酒「拿，你嘅」
「唔該。好苦」雪兒將啤酒當了是可樂一樣的飲下去，一下子就喝下了很多
「我信你係無飲過架啦，睇下你當佢係可樂咁飲。慢慢飲啦，享受下呀嘛」
「都唔明啲人點解會咁鐘意飲酒嘅？咁苦」
「雖然你覺後呢啲已經好苦，不過人生其實仲有更多人事來得更苦。當你明白咗後，啤酒就會變得易入口」
焌文看着樽內啤酒的氣泡，若有所思的看着那些有浮的小泡泡
「對唔住呀，今日粒聲唔出就走咗去。」
「我可唔可以知係發生咗咩事？」
「其實今日係我老豆死忌，五年前嘅今日，就係佢走嘅日子。一切都嚟得好突然，突然到我接受唔到」
「你爸爸同你好好感情架？」
「係呀，有好多嘢都係佢教我嘅。佢一有時間，就會同我玩，啲球技都係同佢鬥波練返嚟嘅，雖然一次都無嬴過佢。
細個睇波會睇到深夜，會俾婷姐話，都係佢保我嘅，話係男人嘅活動啵。
仲有，佢係我搏擊術嘅師父，上次我救到你，多少都要多謝佢，無佢教我，分分鐘連個肥仔都打唔過
記得細個時，婷姐擔心我會出去同人打交，佢一句『男人學搏擊，係為咗要保護女人』就說服咗佢啦。而家諗返起，都係咁型」
「咁都幾開心呀」
「可惜，到咗中一嘅時候........我哋就要分開
個時佢係德國做嘢，點知就係酒店俾人殺咗。諗返起，而家都想喊，不過我唔會係女仔面前.......」
「有句話係咁講嘅：『男人有淚不輕彈，只因未到傷心處』，到咗頂唔住嘅時候，喊出嚟會好啲架。
喊係人有嘅emotion之一嚟，會喊都正常不過。『男人哭吧不是罪』，劉華都有唱啦
仲有呀，你同我講過，有咩傷心係我身邊，仲叫我唔好收收埋埋，仲話咩you are always here。
點知到咗自己傷心啦，就唔俾人幫」
「咁男人俾人睇到喊同傷心又真係好柒嘛」
「你真係.....」
雪兒抱住了焌文，她是焌文耳邊溫柔的說着「點都好，你都係有能力、對人好嘅劉焌文，有事咪講囉。我同雪兒都會係你身邊」
「真嘅？」焌文此下就放下了顧慮，他和雪兒雙雙抱擁着，而二人身前的，正是倒映着夜景的海水
「係呀，呃你仲咩」（呢個傻瓜呀，成仲細路咁）
此刻的焌文，眼睛再次下起雨來，可是和下午那次不一樣，他這下是感動得要哭
「大小姐，多謝你」
「你咁sad，唔理你，都對唔住自己啦。」
這下，二人的距離，又近了