樓奴: (10)

永發終於停手問:”好喇…俾佢地…唔係…係俾你休息下…咁…其實個單位係咪真係有問題?”
 
Gennie知道永發點都係會問落去, 避得一時避唔到一世
 
Gennie:”呀…其實個單位…係佢同前妻一齊買既, 佢前妻大佢十幾年, 係地產公司高層, 個單位本來係佢前妻買係到收租, 不過後來就當禮物咁半賣半送左俾我男朋友…有D同事同我講, 佢前妻其實份人冇咩野, 仲對下屬唔錯, 男女都好照顧…不過…有時係有小小玩過火囉…佢有時會多手多腳咁摸下男同事…但係又有時會…攪下女同事…不過大家都覺得佢想大家work得融洽D,所以都接受晒…只係…後來特別只有佢同呢個女人有下文, 仲結埋婚…同事話佢地一直都好地地, 人前人後都好sweet咁, 就係有傳聞話個女人都仲係會對D男女同事攪攪陣, 不過我男朋友就一直都好乖仔, 真係冇出去玩, 對個女人都係隻眼開隻閉…”
 
永發:”你D同事都好多料放俾你喎? 又你D兵呀? 係咪facebook成日陪你去食野,去上興趣班果位Sam Chan呀?...咁後來呢, 條友做咩會同個女人離婚呀, 忍唔住偷食呀, 咁又係, D女地代咁青春咁索, 點忍呀…”
 
Gennie發嬲撥開永發係自己pat pat上面既手:”喂, 你又咩事呀, 單單打打咁, 第一, 阿Sam…係…我同事又係我朋友, 佢有女朋友架喇, 我認我係悶, 男朋友又唔係成日得閒, 我咪同佢一齊囉, 第二, Eric冇同其他女上床, 個個同事都話Eric冇攪攪陣, Eric係一個只掛住事業既男人, 佢最緊張既係點樣成功, 係!好多人話佢為左上位, 先同個女人結婚, 你知唔知, 個女人個樣一D都唔靚, 成個男人咁既樣, 但係又化晒妝, 唔男唔女咁, 把聲仲時男時女咁, 講野走晒音咁款, 如果佢唔係高層, 好多同事都頂佢唔順笑Q佢, Eric肯同佢結婚, 點計都係個女人著數多D啦”