「武術校園」我只係想好好讀完高中，點解會去左考武狀元？: 第五十一章

「心服口服！」霍天拱手地說。

「呢一招，只不過係一d花巧既技術，冇咩大不了。反而我黎搵傑仔，係想講一樣野，既然係度，霍天你都聽埋啦。」哥哥擺手謝去霍天。

「傑仔，你係一個天份極高既武術材料，一定會有所成就。不過你要知道天外有天，人上有人，你要真正咁成長，需要既唔係招式同技術既熟練度。而係對於武術呢樣野既認識。」

「認識？」我和霍天異口同聲地問道。

「姐係所謂既武道。」哥哥突然變得十分認真的說：「武道係一個答案，而問題就係「究竟為了什麼而學武？」，係呢條問題入面，如果你搵到真正既答案，就會成長到另一個階段。」





「我覺得每個人都係為變得更強而學武。」霍天答道。

「呢個只係表面，真正為變強而學武既，應該係比你更加瘋狂，更加不理後果。」哥哥反駁說。

「我可以為變強做任何野！」霍天看來有點激動。

「咁唔代表你變強左，因為你跟本就冇方向，只係招式數目既增加，係一d用都冇。招式再多都只係一種動作，真正既強大，一字既之曰—心。」

「心！？」我也忍不住問。





「霍天，我問你！你要變得更強係咪要同人比較？」哥哥問。

「係，同人地打過先可以分出高下，先知道自己去到咩程度。打低一個又一個既強手，就可以證明自己既強大。」霍天爽快地回答。

「打贏人，需要既係？」

「力量、技術、速度！」

「錯！係心態。」





「我亦都有必勝之心。」

「但如果你既對手係帶住殺意呢？」

「.....」我和霍天也無言以對，我當下就直接想起了一個人，一個把我送到醫院去的人—虎臣！

「虎臣呢個人係亞洲地區非常出名，天資平凡但拎左好多武術大賽冠軍。佢招式簡單直接，亦有著超級驚人既意志力，佢曾經講過「當對手還沒有死去，我不能接受我先倒下來！」，佢技術唔係好高，不過對強呢種追求實在太瘋狂，所以先有呢個成就。」哥哥也沒有再說下去了，因為也沒有什麼好多說。

想起來，面對他的時候，他那股殺氣可不是說笑的！看來，我有點明白哥哥想說的是什麼了。

接下來的假期間，我跟霍天一起練習，在霍天身上學到很多原本我不知道的技巧，才發現，霍天所使用的武術是五花八門的，什麼也會。他說這樣才能多元化，讓對方猜不到自己的套路。

我在睡前也常反思過來，究竟小玲的武道又是什麼呢？

殺意可能是我們這些追求強大的人的道，但至於小玲卻不是。她不會去證明自己，也認為沒有需要，她給人的感覺是安穩而強大。





「推己及人。」哥哥這樣回答我。

哥哥說練太極的人最重要是不卑不亢，認為武術不分高低，亦沒有強弱之別，一切的比較，只是和自己去做。

我想，我真的不明白這個道理。

而很快，又到了開學的日子了。