「武術校園」我只係想好好讀完高中，點解會去左考武狀元？: 第三十三章

「我係學校畢業典禮見過一次，應該唔會錯。」哥哥說。

「唉....我隻手咁，點同佢打。係第一階段已經差d比佢一劍殺左。」我嘆氣的說。

「岩岩人地咁多個打你一個，你都知唔會打得哂所有人，你又打？」哥哥問道。

「呢個.......」我被哥哥突然一問，頓時語塞。

「呢個係一個有兩種解釋既問題。一黎，我知你份人就正義感過盛，一到岩岩個個時候，你只會諗救人，完全唔會理乜野情況同環境。」哥哥舉起手指，慢慢地數說著。





「二黎，呢種係我一開始唔知既，不過岩岩我已經見到。好彩叫你去學校係冇錯，頭先我已經見到你有一種不屈既眼神。」

「不屈...？」

「只有對自己既原則有執著，姐係你自己所謂既正義。而且對戰鬥有永不服輸既精神先會有不屈既眼神出現。」哥哥眼神十分認真地說。

「咁係有用定冇用...？」我比較想知道實際的狀況。

「對你黎講，事半功倍。」





「....？」我不解。

「你有冇發覺你學野特別快？」哥哥問。

我想了想，好像是，又好像不是。因為我除了哥哥的「流影步法」外，我使出的其他招數，也是無意識地使出來的，要我現在使出來也不知道怎樣使用了。

如是者：「好似唔係.....」

「其實係你用左都唔知姐。由你細個開始，雖然我教你既野，都只係基礎，不過你上手好快，可以話係你既武術底子。簡單黎講，係只要你親眼見過既招式，你就可以用到，只要你想。」





這麼說，我是天才！？

「你同我一樣，天生就係武術天才，不過你同我唔同，我係隨心而發，你係隨身而動。只要你想，你就可以結合見到過既招式........」

其實好簡單，我可以在困境時發動忘我境界，導致我可以使出我所看到過的技術或招式。

「傑仔。」

「係？」

「至於你第二階段個一戰.....」哥哥斷斷續續地說。

「嗯...？」

「唯有用腳啦！」





「腳？我唔識呀。」

「去學校請教一位躍部既人啦。」

我腦海原本立即閃出的是月一月怡兩姐妹，但轉頭一想！

我想起了另一個人！