「武術校園」我只係想好好讀完高中，點解會去左考武狀元？: 第十一章

「sorry......」小玲臉上泛紅，立即起來。

「好痛丫，叫左你咪玩啦......」在小玲起來後，泛上心頭的感覺流走，取而代之是，被觸碰的全身多處酸痛處頓時有極大回響。

「嘻嘻....被你按摩下啦。」小玲說罷就走到我床上來，幫我按肩。

我也由得她，原本剛開始按著，我的雙肩也傳來一陣疼痛，不過在幾分鐘後，漸漸傳來鬆弛及舒適的感覺，我這才知道小玲的按摩手法原來十分了得。

「其實你同我一齊住，你唔覺得有問題咩，始終......都有男女之別......」我對這問題確實難以啟齒。





「點都有d唔方便既，始終你係男仔，而且我自己一個人住呢度都住左一年幾，不過......」

「不過？」

「我第一次見到你就好有好感，就好似你係我細佬咁，嘻嘻......」小玲放下在按摩的雙手，對著我露出一個樂天的笑臉。

我也給她逗樂了，微笑起來：「點解我唔可以係大佬，你係呀妹先？」

「拿，我就一月生日，照計你都係年尾生日嫁啦，仲唔係我大d。」小玲理直氣壯地說。確實，我是十一月生日的。





「係係係，小玲姐。」我假裝敬禮地說。

「乖乖。好啦，幫你拉埋筋就訓教！」小玲說罷，立即站起來了。

「o下！？」其實我已經累得要命。

「快啦，你聽日應該都要做圈子打，你想就咁去練習？」

「仲要？！」我驚訝不已，圈子打做一次已經想死。





「係呀，應該要做到下星期既搶分戰。」小玲認真地說。

「唔係掛......」

「係嫁，你估係度番學咁易吔？」小玲向我做了個鬼臉。

「好啦......拉筋啦。」我不情不願地坐好。

「嘻嘻......」

......

痛苦的時間其實和快樂的時間一樣，都過得很快。因為時間就是一樣容易流走的東西，今天，就是搶分戰的第一日！

這次搶分戰分三部份進行，每一個環節也可以得到分數，但每一個階段也會淘汰掉一些人，所以一直以來這個搶分戰到了最後也只有兩至三人得到三百分以上。





我查看電話apps，零分的人數是三十八人，但這次參加人數竟然達三十人之多；聽說自搶分戰開始以來，最高那次的參加人數只有十八人，所以這次搶分戰已成為學校的紀錄，載入歷史中。

十一點半，其他學生都照常走到訓練的集合點，操場內只餘下三十人和一眾老師。