[刺客教條][長篇故] 果晚玩完刺客教條,家姐同我講……: 第173章:歡樂滿X華?
第173章:
「喺佢地開始之前,保安室你地可唔可以做多樣野﹖」我要求。
「做咩啊﹖你係咪想開facebook live﹖」阿純問。
「你係咪覺得自己好好笑姐……」露比說。
「唔係啊,阿純啱啊……不過唔一定facebook live。呢個晚會唔係對外公開嘅,來賓亦都唔可以喺場內用影相,所以基本上個晚會出面市民係唔知嘅。」我說。
「所以你就想擺上電視或者擺上網,等所有人都知道佢地搞緊咩係咪啊,細佬豬﹖你好叻啊﹗」家姐說。
「邊係呢……咁樣雖然唔知外面會有咩反應,但係既然你地喺保安室都冇野做咖啦……順便做埋啦。」我解釋。
「好啦……咁交比我地啦。」方次郎自信的說。
說罷,我四處張望,雖然說是打聽消息,但有種無從入手的感覺。
在場的侍應見到我,托著餐盤問我:「先生,使唔使要杯野飲呢。」
「呃……好啊唔該。」我就拿起盤子上的一杯汽水。
我繼續四處打聽消息……不過似乎時間已經不多,晚會都即將開始。
場內的廣播出:「好喇好喇,各位。距離晚會開始仲有5分鐘咋,喺會場外面嘅人快啲返入黎喇。」
好了,開始了。而保安室方面已經跟電視台聯絡好,facebook,youtube也準備好了開啟直播。
聖殿騎士即將要向全世界揭露他們的秘密了,所有人都會知道他們的惡行,滅亡的一天終於到臨。
「大家好,我地係今次晚會嘅司儀……」晚會正式開始,一男一女司儀走到最前的舞台上將會主持整晚的節目。
介紹完自己後,竟然輪到歌星名人上台表演。
唱歌、跳舞、趣劇、變魔術……差在沒有接受支票的儀式,因為我一定會懷疑我們是否跑錯會場,走進了《歡樂滿X華》、《星光熠熠耀X良》的地方。
「阿隼,點算啊……電視岩果邊打黎話,呢啲私人活動係唔會轉播,所以佢地已經唔會理我地。」阿純在耳機問。
「係啊,網上面啲人都喺度嘈,話『又話有咩料爆』『原來係《歡樂滿X華》』『大家可以回家啦』,大家都開始唔信係聖殿騎士,睇緊嘅人不斷係咁跌緊。」方次郎說。
「屌,我懷疑我地已經比佢地發現左。」我說。
「咁你覺得我地需唔需要撤退﹖」呂麻君問。
我看一看舞台,說:「人地在暗,我地在明……咁樣一定好麻煩。趁宜家上面搞緊抽獎,最好宜家就走。」
說罷,在會場上的我、露比和游也多,還有阿神他們三人一同轉身,準備離開。
「喂,阿神……宜家抽獎喎,你地咁快就走﹖」阿神他們原先的聖殿騎士隊友問他。
「哦……哦……係啊,我唔係幾舒服,要走先。」阿神說完就拉著阿暗和阿洙一起走。
「啊,又會三個一齊唔舒服嘅。」
台上開始抽出一份份的禮物,每抽出一份禮物,我們就離出口越近。
「阿隼……」阿純在耳機開口說。
「咩事啊﹖」我問。
在阿純回應前,台上主持抽獎儀式的正是陳茂波:「最後呢份大禮,得獎者係……林隼升。」
什麼﹖是我的名字﹖
我驚訝的不是我的名字出現的原因,而是由一開始,聖殿騎士就知道我們會混進來嗎﹖
這時候,阿純那邊再次回應:「我諗我地暫時走唔到喇……」
「我知啊……我地都係。」我無奈的回應。