[刺客教條][長篇故] 果晚玩完刺客教條，家姐同我講……: 第112章：窄路戰（下）

「哈哈哈，搞掂埋你地，仲差走左果兩個人就冚團產喇﹗」陳茂波仍然自豪的笑著。
 
「重點係要搞掂我地先啊﹗」我花盡所有的力氣站起來，然後把光劍收在背後，再使勁用手上的袖劍往陳茂波的胸前插上去。
可是如我們想像一樣，攻擊輕易就被金黃色電路板般的能量一下子擋住了。
 
「我都知你想喺冚團產之前想做返啲野，但係咁係一啲用都冇咖。」陳茂波無奈的說。
 
「陳茂波，點解你地個個都咁鍾意幫自己立flag﹖次次講完嘅野都實現唔到嘅﹖都話你地衰在太有自信囉﹗」我說。
 
「咁係咩意思﹖﹗」他問。




 
我沒有回應，只伸出收在背後的光劍，向著能量來源的位置拼命斬下去。
 
「有睇過《星球大戰》都知，光劍可以將光束反射出去，而黑帝嘅閃電就會被光劍吸收左……所以我諗住博一博，喺攻擊完你之後，就會暴露出你能量嘅來源，如果我將光劍擺落去，佢應該可以吸曬你伊甸蘋果嘅能量。」我分析說。
 
果然事實不出我所料，那些金黃色電路板正向著光劍的方向傳遞過去，劍身的顏色慢慢由紫色變成金黃色。
 
「阿隼，快啲放手啊﹗有睇過《星球大戰》都知道，Luke同黑武士吸閃電果陣，自己都會食傷害咖﹗」和人的話一言驚醒夢中人，眼看能量已經吸收了七七八八，我收起光束，在能量快要傳到我手中前立刻扔在地上。
 
被吸收了能量的陳茂波也漸漸變回原來秋治的樣貌，雖然身上仍然流動伊甸蘋果的力量，但明顯比之前脆弱很多，所以秋治亦無力的跪在地上。




 
隔了一會兒，大家都漸漸回復了狀態，一同圍在秋治身邊。
 
我用袖劍指著秋治，說：「你已經輸左喇。」
 
「宜家咁樣我冇野好講，要殺就殺。」秋治的命運已經不是由他自己控制了。
 
「咪住，秋治，教我地用你set出黎嘅結界。」和人提議。
 
「其實要set結界，同你地之前喺火車廠入面果啲係一樣嘅，只不過呢個係簡化版。」秋治小心翼翼從衣袋內拿出小型結界終端機。




 
可是，眼前的卻是一個正在霧煙的終端機……
 
「壞左……」
 
「梗係因為頭先一直發生嘅事搞到佢壞左。」秋治說。
 
「咁我地咪一世困喺呢個結界入面﹖﹗」查理驚慌的說。
 
「咁又唔會，呢個結界終端機同大型嘅始終有少少唔同，佢地係固定位置產生嘅，呢個係可以喺任何地方產生嘅……所以嚴格黎講，只要破壞到終端機，結界應該就會失效。」秋治解釋。
 
「咁但係我地仲可以點set﹖」阿純問。
 
「嗱，去呢個地址，搵呢幾個人……佢地係呢種結界嘅原作者，佢地可以幫到你……」秋治隨手找來地上一枝筆，並把地址寫在隨處散落的紙張上。
 




「啊﹗」秋治剛剛把話說完，就被和人一槍打死了。
 
「喂，和人做咩殺左佢﹖我感覺到佢其實唔係咩衰人黎。」我說。
 
「阿隼啊，佢係敵人黎咖，點可以放虎歸山咖﹖何況佢身上仲有伊甸蘋果嘅能量，咁樣做都係為大家嘅安全咋。」和人解釋。
 
聽他的一席話，我欲試圖反駁，但他確實有他的道理。
 
「咁只少等佢安息，作為我地刺客傳統應有嘅禮節。」說罷，我為他合上眼晴，作了一個簡單的儀式。「雖然你係敵軍，但係多謝你嘅幫忙，請安息。」
 
激戰過後，大家都沒精打采地慢慢步出兄弟會總部，當然亦因為太多的兄弟會成員在這個地方喪生的情景讓大家完全打不起精神。
 
我和水姐走在最後，水姐參扶著我，既害羞亦尷尬的一拐一拐的走出廚房。
 
「水姐啊……頭先呢，原本想講咩咖﹖」我問。




 
「呃……其實都唔係啲咩嘅，都係冇野喇。」水姐似乎不敢說出來。
 
剛踏出廚房的時候，開始嗅到了勝利的味道；雖然這味道是苦是不好受的。
 
勝利在望，可是秋治身體內卻以一段錄音來慶祝：「系統自我毀滅程式尚餘5…4…3……」
 
「咩話﹖﹗」
 
「轟﹗」秋治的身體系統突然啟動了自我毀滅程式，頓時產生了一場爆炸。
 
「大家有冇事﹖﹗」看見面前的大家都伏了在地上或者躲在牆邊。
 
「我冇事。」阿純說。
 




「我都冇事。」和人說。
 
「佢有事啊……」查理指著在我背後護著我的水姐。
 
「水姐……水姐……你冇事啊嘛﹖」爆炸把水姐整個背部弄致重傷。
 
「你應承左我話唔可以死咖……」水姐用最後一口氣說。
 
爆炸過後，秋治身體的位置產生了一個小型黑洞，當然伴隨著金黃色電路板，貌似想把所有身邊的東西吸進去秘密空間，讓聖殿騎士的資料保持機密。
 
「各位捉實啊﹗」走在較前位置的阿純他們還可以撐著牆壁，勉強支撐下來。
 
「水姐捉實啊﹗」我一抓著嵌在地上的椅子，一手拼命抓著水姐的手。
 
「放手啊，阿隼……再咁落去你就會吸埋入去咖喇。」




 
「我係唔會放手咖﹗」
 
「都話你應承左我咖咯﹗所以再見喇。」
 
水姐用他的另一手甩開我的手。她立刻就被吸進去黑洞內。
與此同時，黑洞也漸漸越收越窄，不一會，就連秋治、水姐都一拼消失了。
 
「水姐﹗」