[刺客教條][長篇故] 果晚玩完刺客教條,家姐同我講……: 第87章:火車
第87章:
「隊長,阿嫂...做咩搞到咁大獲咖。」查理問。
「咩阿嫂喎,叫到好似好老咁。」露比說。
「我地都唔知,諗住好地地黎玩具展行下,點知咁啱就黎左呢個聖殿佬嘅練兵基地。」我解釋。
「最衰都係我啦,如果唔係碌手機睇到,我地就唔使咁麻煩。」露比自責。
「唔係你嘅錯黎嘅,咁大家都唔知咖嘛。下次去邊度之前比我睇下資料先,咁就唔會中伏喇。」我微笑說。
「阿隼,我覺得我地快啲返去比較好。因為可能有一批TP2已經攻打緊總部。」和人說。
果然聖殿騎士沒有讓和人說錯,耳機這時候就傳來家姐的聲音。
「細佬豬,你地快啲返黎,我諗相信係TP2嘅人開始打緊黎。」家姐說。
「家姐,你地頂住一陣先,我地即刻返黎。」我說。
雖然仍然有小部份TP2的人在我們附近,我們幾人沒有理會,只是一起向著火車站前去。
好不容易逃出TP2軍團的追捕後,我們走到紅磡站月台,可是卻引起旁人的注視……
「查理,你把槍啊。」原來是因為查理忙記把手槍收好。
「大家放心,大家放心,我地係電影系嘅……我地宜家拍緊片姐。」我向大家澄請。
幸好我這樣說才讓大家放心,並沒有驚動任何地鐵職員。
「和人,你果把係咪光劍黎咖,都收埋佢先啦。」我向他說。
「乜小丑國佢地真係整左把光劍比你啊﹖」我問。
「當複製人都有嘅時候,點解唔會有光劍﹖」和人笑著問。
在旁的查理和露比表示完全不知道我們說什麼。
火車的滋滋聲開始響起,表示著列車快要到站了。我們踏上列車,準備回到旺角東站的救亡行動。
「好彩冇驚動到班港鐵職員或者警察咋。」我說。
「警察我明點解啊,但係關班職員咩事﹖」對於局勢不太了解的露比問。
「因為港鐵公司係屬於聖殿騎士咖囉。」我說。
大家都點一點頭,靜了一靜,再互相對望了一下……
我們不就是在火車上嗎﹖﹖﹖﹗﹗﹗