[刺客教條][長篇故] 果晚玩完刺客教條，家姐同我講……: 第85章：心理準備

第85章：
 
雖然由我帶領新刺客兄弟會的第一次行動不算太順利，先是成員被捉走，繼而我們深入敵陣，卻中了艦長的埋伏，才發現他原來想用炸彈來把我們一拼清除。成功把成員救走後，我和艦長展開了一場最終對決。艦長最終葬身於爆炸和火海之中。
 
「豆豆，我講樣野你知啊，不過你唔好嬲喎。」那天晚上，我找在「夢世界」生活聰明豆談天。
 
「我睇到啦，你同果個露比一齊啊嘛。」聰明豆顯得有點怒氣。
 
「你唔鍾意啊﹖又係你話唔介意嘅。」我說。
 




「玩下咋，傻隼隼。我點會唔鍾意喎，開心都黎唔切啦。」聰明豆笑著說。
 
「咁我……宜家算唔算一腳踏兩船﹖好似對你對佢都唔太好喎。」雖然聰明豆已經不在人世，但這個世界裡的她卻是很真實的。
 
「我唔介意啊，不過你要睇下露比佢點睇喇。」她說。「好啦，差唔多要起身喇，露比就黎過黎叫醒你喇。」
 
「嘩，你真係乜都知咖喎。話時話咁快就傾完咖……」我說。
 
「所以唔好做啲傻野啊﹗唔係我嬲死你﹗唉，我都想見多你一陣啊，不過呢個世界幾分鐘等於現實幾個鐘喇；我試下去申請可以等你唔使發夢都可以同你一齊啦。」聰明豆說。
 




「好啦。」我扁著嘴說。心想：估唔到咁都要申靖。
 
一教醒來，眼前卻是漆黑一片。
 
「哼﹗你醒喇﹖﹗快啲攞曬啲錢出黎﹗」耳邊傳來一把透過變聲器發出的古怪聲音。
 
不過我沒有畏懼，因為一早就知道是露比了：「我一個仙都唔會比你咖﹗殺左我啦﹗殺左我就冇人要你喇。」
 
「唔係啊﹗唔係啊﹗長長，我唔會殺你咖，唔好唔要我啊。」露比把我抱著撤嬌。
 




「一聽就知係你啦。但係點解叫長長咖﹖」我問。
 
「咁個個都叫隊長，我要特別啲叫長長。」露比笑著說。
 
「咁特別都唔一定要叫長長咖。」我想著說。
 
「隊長，唔好意思打斷你地......呢個係重建兄弟會嘅資料。」水姐這時候走過來，向我遞出一部平板。
 
「唔該你啊，水姐。嗯......好詳細，最緊要係轉左個主要出口姐。你抖下先啦，呢一兩日辛苦曬你地。」我微笑說。
 
「隊長今日都係去拍拖啦，冇心機做野咖喇。」水姐帶點諷刺帶點妒忌的語氣一手把我手中的平板搶去，然後就離開了。
 
「佢做咩呢？」一無所知的我疑惑著。
 
「無野呱我諗，可能黎m呢燥底啲呢。」露比也跟著我疑惑著。「長長﹗可唔可以帶我去歷史博物館啊﹖」




 
「歷史博物館﹖你係咪香港人黎咖﹖係香港人都去過咖啦。」我笑著說。
 
「衰長長﹗我太爺都係香港出世咖﹗」露比可愛的怒了。「咁果度有展覽睇啊嘛。」
 
「好啦，尖沙咀都唔遠，去啦去啦。」我摸著她的頭說。
 
為了引起不必要的騷動，我們把裝備卸下，只穿上便服和一把手槍就出門了。
 
「家姐我地出去喇。」我向站在門前的家姐說。
 
「得啦，呢度我睇住先喇，你地都要戴住耳機啊，有咩發生都要同我地講啊。」家姐同時在摸著我們的頭。
 
於是我們就看準時機出門去。
 




……
 
「嗱，都話呢度好多野睇咖啦。」不一會，我們就來到香港歷史博物館，這段時間，它正在舉辦一個玩具展。
 
「咁叻嘅你，咁點解你知道有嘅﹖」我問。
 
「冇啊，我琴晚開心到訓唔著，碌下碌下手機就見到喇。」露比說。
 
 
現在，我們正身處在一條佈滿星球大戰白兵的樓梯前。
 
「嘩，呢一隻隻白色人係咪star wars咖﹖」露比問。
 
「係啊，佢地叫白兵。」我微笑說。
 




在整個玩具展中，看見很多自己的童年回憶，亦看見很多十分型格的玩具。
不過就好像帶了一個小孩來到，她不停的問：「呢個係咪變形果個﹖」「呢個我玩過啊﹗」
雖然很煩人，但是這樣的她十分可愛呢。
 
「長長，呢度又有白兵喇，呢啲同門口果啲有咩唔同﹖」我們就在星球大戰的展區前停下。
 
對星戰還算熟悉的我開始解說：「門口啲白兵係普通人黎嘅，所以有可能有高矮肥瘦。呢啲白兵係複製人黎，個個都一樣嘅，但係呢種複製人個成本太高，好快死，所以佢地就唔再用複製人喇。」
 
「哦……即係複製人係衰人﹖」露比還是表現的相當疑感。
 
「咪住﹗複製人﹖……TEST PROJECT 2﹖」我突然想起這個由聖殿騎士設計的計劃。
 
「咩事啊﹖長長﹖」露比問。
 
「呢度危險，我地返去先。」我說。




 
露比立刻找回刺客的「人格」，立刻正經起來。「知道，陣間長長可唔可以話我知咩事﹖」
 
「好啊，我同家姐佢地聯絡左先。」
 
我們立刻快步向出口方向正想離開，可是突然門前的一個身影把我們擋住。