[刺客教條][長篇故] 果晚玩完刺客教條,家姐同我講……: 第67章:截糊
第67章:
在小丑軍徹軍後,阿健突然說我們兄弟會中有內奸,可是卻被艦長反指他才是內奸,甚至連女神都牽涉在內。轉眼間,他們兩個就好像古時的死囚般,被打進天牢後等候發落。
「隼隼,宜家點算啊﹖」聰明豆、家姐和我三人這時候就在天台花園的一角相討如何是好。
「估唔到原來阿健同女神都係內鬼……」家姐說。
「咪住,你地有冇發現阿健最後講嘅係咩﹖」我打斷家姐的話。
「佢咪話艦長好野,同埋話艦長暗算佢。」聰明豆說,我點了頭。
「冇錯,即係有兩個可能性,一係阿健同女神根本唔係內鬼,艦長先係,再唔係就佢地三個都係內鬼。」
大家都同意的點了頭。
「咁我地快啲去搵阿健問清楚啦﹗」大家立刻起行。
快步走到阿健和女神所囚禁的地方,就在立法會大樓一樓的一個記者室內。
就在記者室門前,站著兩個持槍的成員。
「唔好意思啊,艦長話邊個都唔入得去。」其中一個成員說。
「咁講兩句都得呱﹖﹗」我問。
「真係唔得啊上校,你地咁樣我好難做咖。」
聰明豆只好上前,以袖劍架著其中一個成員,「咁宜家會唔會好難做﹖」
「唔會唔會﹗」令一個成員揮著手說。
門一打開,裡面竟然空空如也。
「喂﹗人呢﹖」家姐問。
「走左喇……」成員說。
「你唔早講﹗扮曬仲有人想做咩﹖拖住我地啊﹖」我揪起其中一個人的衣領。
「咁艦長話呢度真係唔入得咖嘛,何況你地都冇問……」成員連忙解釋。
「仆街,嘥我地時間﹗佢地去左邊﹖」聰明豆說。
「呢個我真係唔知啊,不過你可以問下地下門口啲人,佢地應該知。」那位成員說。
於是我們把握時間,火速走到門前,質問門前的成員。