[刺客教條][長篇故] 果晚玩完刺客教條,家姐同我講……: 第59章:分道揚鑣
第59章:
艦長已經把我們所有人分成小隊,可是個組合就把我們「6是瘋」全部打散了。這讓我更加懷疑艦長和跟他同組的阿健,究竟用意何在﹖現在我只好按著大家的計劃行事,希望從中找到一些頭緒。
「上校﹗隊長,起身喇……我地要出發咖喇。」一把聲音在我身邊響起。明明我是一個刺客,突然一個上校這麼高調的身份,真是矛盾。
「你……你係……」眼前是一個長髮,眼大大,身穿黑色上衣的女孩子。
「我係你嘅副官,莊俊瑞啊。」我記起了,每個小隊都會有一個副官作為私人助理,基本就是監視行動。
「咁男仔嘅個名。」我一邊撐起身一邊說。
「我係喺本民前嘅人黎嘅,有日有人叫我幫佢裝樽水,點知發現我叫莊俊瑞,所以個個都叫我水姐。」她一邊摸著頭一邊說。
「好啦好啦,我地10分鐘之後出發,大家要去廁所嘅快啲去喇。」我回過神來,向水姐和我們08小隊的人說。
趁這時候,我從5樓休息區走到地下,找到了也是即將出發的家姐。
「家姐,你係咪去搶九龍城區個支部﹖」
「係啊,你係……黃大仙﹖我地喺隔離咋啵。」
「家姐,我地宜家咩都唔好諗住,完成左呢個行動再睇下點算。」
這時候,家姐的副官走過來:「隊長,我地可以出發喇。」他的話讓我們提早分別了。
「好啦,遲啲見啦細佬豬……你快啲同聰明豆傾下計啦,無咩幾可有時間咖喇。」我和家姐抱著大家,依依不捨的看著她帶領著她的部下離去了。
「豆豆……你……幾好嘛。」我叫著在大門外正在收拾東西的聰明豆。
「啊﹖隼隼,你未出發啊﹖」
「我地同區咖,一齊出發都未遲啦。」
在這數幾秒間,我們互相都覺得尷尬……
「其實你係咪唔再鍾意我喇﹖」我們異口同聲的說。
……大家都臉紅起來,情況變得異常陌生。
「唔係啊,我覺得……」她正想說話,我摸著她的頭,然後把她抱在我的懷裡。
「豆豆,唔好諗咁多啦……我好開心同到你一齊啊,所以你唔准有事咖。我地之後再一齊去玩啦。」
聰明豆呆了一下,大概是被我嘗試感動了一下。
「黃大仙區嘅01同08小隊可以出發。」
「要出發喇,有咩事要第一時間通知我啊。」我輕輕親了聰明豆一下,然後大家就分別了。
由於我們前往黃大仙需要靠交通工具,我們已經安排旅遊車把我們接載到目的地。
「隊長同阿嫂好sweet啵。」坐在我旁邊的水姐笑著說。
「你多事啦。」我說。
「水姐你恨唔黎咖喇,你咁癲。」坐在水姐後面的一個十分年輕男子說。
「收皮啦,休得對上尉無禮啊﹗查理,你仲細,識啲咩啊。」似乎水姐和這個查理的關係都十分要好。
「隊長﹗我係水姐表弟卓別靈下士啊﹗快啲抵諗啲要左水姐做二奶佢啦﹗」這個查理真的是童言無忌,甚麼都說得出口,果然是一家人。