[刺客教條][長篇故] 果晚玩完刺客教條,家姐同我講……: 第51章:設下防線
第51章:
為了不讓這個地方成為嘉年華,我們不會舉起手機自拍,不會圍在一起吃火鍋。
我們沒有浪費太多時間慶祝,因為艦長這時候就站在主席台上,梁天琦和黃台仰站在旁邊,看來又要準備行動了。
「各位,我有個壞消息又同大家講……香港各地嘅解放軍軍營都會準備緊出兵打過,我地雖然有一班小丑國嘅士兵幫手,但係大家嗁武器又要聽日先送到,所以希望各位得閒嘅請去天台、窗邊同地下設防,呢方面梁天琦黃台仰兩位會指示大家咖喇。」艦長說完這句,他們兩人就開始走開指示著大家。
「我希望大家可以盡量抖下先,為左驚佢地突襲,所以我地輪班巡邏,有咩風吹草動就即刻叫醒大家。仲有冇咩問題﹖」
「咁如果真係打到黎喇,我地冇武器嘅除左設防可以做咩﹖」其中一人在人群中問。
這時候,大家都議論紛紛,開始擔心著未來的行動。
「其實大家都唔使太擔心,根據情報講,佢地宜家先商討緊點行動。所以我諗佢地會聽日朝,甚至聽日晏就先黎。」情報組的人員說。
「呢位兄弟講得無錯,我地有小丑國咁精銳嘅士兵喺度,仲我一班身經百戰嘅同伴,請大家忍耐下,抖足精神。」艦長繼續。
艦長說完,大家開始分頭行事。我、家姐和阿純就到立法會大樓的天台準備,聰明豆、女神和阿健就到各層準備,和人他就跟著小丑國士兵在地下的正門看守著。
在天台的我們,分成兩部份,一部份需要接收由我們較早前預訂的武器,另一方面要隨時防範解放軍的來襲。
現在身處天台的有百多人,大家都陸續搬著雜物,有垃圾桶、書桌、鐵櫃等。盡量堆在一起以作掩護之用。
「家姐,你得唔得啊﹖」由於家姐剛剛回復意識,她的情況使我覺得很擔心,所以我都沒有讓她搬著太重的東西,只有一些食物和飲品。
「啊,細佬你又睇少家姐,我……」話未說完,你差點把手上的東西跌了地上。
「唉菲姐,你坐下先啦,你啱啱先……醒返。」阿純也擔心的說。
我們坐在天台上的一些長櫈上坐下。「家姐飲啲野先啦,黎緊就交比我地去做啦。」
「我地搞掂完呢度之後,仲有上邊天台,快手啲,就黎天黑喇。」我指揮著。
於是大家就加快動作,盡快將兩個天台設好掩護物。
……另一方面……
「窗邊係最危險嘅地方,所以見到窗口位嘅通道,都要整掩護。」阿健說。
「咁我地要用啲咩啊﹖」有人問。
「咩都用啲,書枱啊,垃圾桶果啲囉。」阿健說。
阿健那邊也以最快的速度設下防線中……
「唉,好攰啊﹗」女神埋怨著。
「bb打仗係攰咖啦,黎啦,飲啲水先啦。」
在這個空擋時間,大家都找時間休息和進食。
「喂,你地兩個可唔可以唔好咁閃……」聰明豆說。
「唔好唔開心啦,我知你冇得隼隼一齊好唔開心。」女神笑說。
「咁……佢都有佢家姐啦。我其實會唔會唔係咁重要。」聰明豆說。
「點會啊,傻豬黎嘅,果個佢家姐黎咖嘛。」女神安慰著。
「係囉係囉,咁你地係情侶黎咖嘛。」阿健也安慰著。
「咪就係覺得我地雖然係情侶,但係就好似唔似拍拖咁,唔似得你地咁。所以我先會咁諗,但係又唔敢同佢講咁多野。」
「咁宜家打緊仗嘛,可能佢都好多野要諗要煩,佢唔係唔鍾意你嘅……我諗聰明豆你都理解嘅。」女神繼續。
「希望係啦,對唔住啊,講埋啲咁嘅野……」
回到天台的我們,現在是我和阿純的當值時間,我們靠在欄柵上,他吃著煙,我吃著麵包的聊起來。
「你點啊你,好似唔係好掂咁啵。」阿純問我。
「我冇咩啊,係有啲攰。」
「都唔見你同聰明豆冇咁close咁嘅﹖」阿純問。
「唔係……咁呢排邊得閒姐。」
「女人,唔可以唔理咖,唔理嘅話佢就諗野,諗諗下就冇咖喇。」阿純扮作專家的說。
「講到口叻,又唔見你有女朋友。」
「好過份﹗因為……我唔理姐。」阿純雖然笑著說,但從他呼出來的煙圈,看來又有另一個外傳故事似的。
「喂,話時話,樓下咁多聲嘅,係咪地震啊﹖」阿純問。
這時候,像是一輛輛的重型車經過。
「仆街,打到黎喇﹗」於是我立刻通知大家,準備作戰﹗