[刺客教條][長篇故] 果晚玩完刺客教條,家姐同我講……: 第35章:重整旗鼓
第35章:
我們在總部遇到警方的行動,一下子被擋住了。好不容易我終於刺殺了我第一個人,雖然感覺是不好受,不過形勢所迫,沒有其他辦法。回到軒尼斯道,情況一下子變得不樂觀,看到很多的兄弟會成員都命喪於此。
這時候,有人從後拍了我們的膊頭一下。轉身一看,是暢哥﹗
可是他滿身是傷,再仔細一看……
「暢哥……你你……你隻手掌呢﹖」阿純驚訝的問。
「屌﹗比班仆街用槍射斷左……好撚痛……唔好講我住,你地冇事就好。宜家教主佢地呢﹖」暢哥的左手掌位置被紗布包裹著,不過比起自己的傷,他更關心大家的情況。
「我地去到見到成個總部已經燒到黑曬,我諗佢地都已經……」阿健說。
暢哥沒有讓他繼續說下去,答案已經很明顯,大家的心情一下子沉重了。
「暢哥,我想問其他兄弟會嘅人喺邊﹖」聰明豆單刀直入的問,暢哥的手應該不是自己包扎的吧。
「哦,你地跟我黎先啦。」暢哥帶領著。
現在街上沒有任何路人,就連店鋪內都不見有任何人。他們不是在櫃枱某處躲起來就是逃走了。
所以這時候我們步步為營,每一個動作都變得特別顯眼。
我們避過了警察的巡邏,來到一個上海商業大廈旁邊的一個停車場。
在停車場的轉角,受傷的兄弟會成員坐滿地,由皮外傷都重傷的都有。負責醫療的醫生和急救組人員左右穿插,場面就如戰爭片中的急救站般。
不過眼見面前連我們在內只有十多人,除了暢哥,大部份都是年輕一代。
「暢哥,你休息下先啦﹗頭先仲咁粗勞要你走黎走去。」女神說。
「佢地宜家個個都唔得閒,我見到你地揸緊車經過,咪諗住去叫你地返黎。」暢哥說。
「咁梁天琦本民前佢地呢﹖」阿健問。
「佢地架裝甲車都比人攞左,希望佢地冇事。我地出到黎嘅係得呢度咁多人,除左佢地,就只有你地六個喇。」暢哥無奈的問。
「咁暢哥宜家你呢度最大,你快啲主持住大局先啦﹗」阿純說。
「我雖然係最老,但係我技術組咖咋,何況我隻手……」暢哥無奈的說。
「我提議由艦長暫代住教主個位先,始終佢嘅經驗都算豐富,領導能力都唔差。」暢哥繼續。
「我贊成啊﹗」
「係啊,有艦長喺度都安心啲。」
另外兩個正在休息的成員都和應。
大家都給艦長寄予厚望,艦長並沒有猶疑,果斷的答應了。
「好,宜家為左大局著想,我應承做住刺客大師先。我唔會令大家失望嘅﹗請大家努力。」艦長正經的鞠躬說著。
「喂﹗各位,冇受傷嘅過一過黎,受傷或者有意識嘅盡量都聽一聽。」暢哥向大家叫著。
我們各人立刻重整旗鼓,在地下用拾到的物件拼砌出循道衛理教堂外的情況。
「嗱,各位,呢兩排係警察,中間呢個係裝甲車。我地嘅目標係重奪裝甲車先。」艦長指手畫腳的,「首先,大家有冇人有槍﹖」
除了我們六人,其他都搖頭表示沒有,艦長繼續問:「因為我地六個有槍,裝甲車就由我地去搶,咁你地有邊位擋子彈嘅能力比較強﹖」
大家互相對望,舉手的只有兩人,一個是暢哥,另一個是新臉孔,一個叫和人的男生。
「暢哥,但係你……」大家都想阻止。
「唉,我擋子彈好勁咖,不過隻手係幫另一位兄弟掩護嘅時候,我隻手包住支槍,所以先射斷姐。」暢哥拍著胸口自信的說。「何況我老命一條,單身寡佬,有咩所謂啊。」
「咁咁咁……和人你睇住暢哥,你同佢都唔可以死啊。」我搭著他們的膊頭說。
「好啦,我地需要靠你地行埋佢做佯攻,事實上我地有兩位會同你地一齊行動,暢哥同和人一邊,阿健同阿隼一邊。兩邊一齊分開中間嘅注意力。
呢個時候,我地就會喺中間突襲,搶返裝甲車。目前黎講任務就係咁先。大家清唔清楚﹖」
「清楚﹗﹗﹗」
「May the Creed be with you!!!」阿純舉手大叫。
「行啦,仲叫……Star Wars咩。」