[刺客教條][長篇故] 果晚玩完刺客教條,家姐同我講……: 第19章:深水埗行動
第19章:
我們一行六人回到我家裡,艦長分配好大家的工作,大家整裝待發,首先出發到深水埗警署調查許SIR被殺的事。
我們來到深水埗警署旁邊的西九龍中心,為了不讓群眾懷疑,我們邊逛中心邊計劃行動。
「喂啊,你地唔好咁閃繞晒手咁得唔得啊﹗」我投訴著。
女神笑說:「你叫聰明豆繞住你咪得囉﹗」
「係囉係囉。」阿純和應。
「使唔使成日抽水啊,仲細咩,快啲諗下點做好過啦。」聰明豆說然露出不耐煩的樣子,但臉又紅著的說。
「咪係,邊似得你啊阿健,我咁嘅死樣聰明豆點會鍾意我啊,可~」我無奈說。
「咪係﹗」聰明豆望著別處說。
「唉,好喇,宜家就咁嘅,我地首先去隔離個停車場,首先哩埋先,我到搞掂三個軍裝,然後換左套衫佢。」阿健說。
阿純問:「差館入面個個都係佢地兄弟,會唔會一眼就睇得出唔係自己人咖﹖」
這次,阿純終於問了一個連我們都考起的問題,我們想了兩層樓都還沒有想到。猶疑之際,艦長透過耳機向我們說:「你地首先話,我係第二個橫頭新調黎嘅,果類嘅說話,不過迫於無奈嘅情況下,就要殺左佢地。」
雖然警方就是聖殿騎士的士兵,可是在某程度上,他們是無辜的。不過我們深入敵陣,被發現的話,並不能確保能否安全出來。
我們一行人走到中心中層的一個平台上,我、阿純和阿健一躍而下,在一架寶馬旁邊掩護著。
正看準時機找軍裝警員下手,由於我們不能把警員制服弄髒或弄穿,所以我們不能使用袖劍刺殺,只可以利用毒針或是電流裝置把他們處理掉。
「點解你地唔搵一個做誘餌,兩個偷襲又好點都好?阿純同阿健負責搞掂佢地,阿隼做誘餌,始終你得把普通型袖劍。」艦長指揮著。
「係呢,阿隼,你唔係有你家姐把袖劍咖咩?點解你唔用嘅?」阿健隨口問起。
「我本來諗住放喺家姐間房,都唔係點想用到佢,點知有一日入家姐房,把野就唔見左。我又唔記得左擺喺邊。」我答。
於是大家各就各位,等待時機,同時亦要保持隱藏狀態。
這時候,警署側門剛剛走出了三個軍裝警員,第一時間看到我就問:「呢位先生,你喺呢度做咩?你唔入得黎咖喎。」
他們慢慢走近,我舉起雙手,說:「我...我黎見工咖?」
「見工?見咩工啊?警察見工唔係警察招募日先有咖咩?」其中一警員質疑著。
「見你地呢個位!」我示意阿純和阿健,立刻把他們除掉。
他們從掩護物看到指示,阿純向警員施放毒針,阿健隨即使用電流裝置把他們擊倒。
我們收好赤裸的三名警員,換了他們的制服,從容的走進警署。
......在等待支援中的兩位少女......
「希望阿健唔好有咩事。」女神說著。
「呃,阿健訓練過咖嘛,仲要係喺你教佢嘅添。」聰明豆安慰著說。
「本來我都唔擔心佢嘅能力,始終一齊左之後就覺得好驚有一日失去左佢喇。」女神擔心。
「我未拍過拖,我唔知呢啲係點咖。」聰明豆苦笑著說。
「吓﹗聰明豆你其實都幾靚女,又聰明。點會未拍過拖啊﹖咁冇鍾意過人咩﹖」女神真心的問。
「邊係呢,邊係呢,都唔夠你靚啦,認真。我呢啲,有人鍾意都偷笑啦。」聰明豆恭維的回答。
「其實我除左靚少少都好似冇咩過人之處咁,唉……不過咁,聰明豆你覺得阿隼點﹖我覺得你地都friend啊。」女神問。
「林隼升﹖﹗佢,唔好講笑啦﹗呢條友蠢到死咖,教極啲野都教唔明,又懶。雖然有時同佢一齊嘅時間都幾開心,但係絕對絕對唔可能一齊到咖囉﹗﹗﹗」聰明豆反駁。
「喂,聰明豆同女神唔好傾閒計啦﹗隨時留意阿隼佢地使唔使要支援。」這時艦長的聲音在耳機中說著。
「係﹗」女神和聰明豆同時說著。
這時候,聰明豆心想:死喇﹗唔記得左熄耳機,頭先講過嘅野咪會比所有人聽晒﹖﹗
……回到警署內的三人……
現在,我和其中一個便衣警察在車水間正糾纏著,由於他捉著我雙手,我無法使用袖劍刺殺。警員隨手把他身旁的水杯向我一擲,我頓時失去平衡跌到在地上。警員用腳踏住我胸口,準備用餐刀把我殺死。
「你估你宜家玩緊電腦啊﹖小朋友﹖死啦﹗
啊﹗
「宜家我就電你個腦喇﹗大朋友﹗」幸好阿健及時趕到,在警員揮刀時把他電死了。
「唔該阿健。」我喘著氣道謝。
「你個頭流緊血啊,我扶你走先,阿純佢放埋最後一個就走得咖喇。」阿健說。
於是我和阿健就一步一步慢慢走出警署。