那些年，當香港仲係百鬼夜行既時代 II: 19. 高街鬼屋XIII–將臣合一

「鐘馗本是一個文質彬彬的書生，所以他的力量不會比其他的神霸道。不過，這並不代表他實力不強。鬼怕三種人，其中一種就是書生。所謂書生，其實就用知識來壓鬼的人，亦有一說，就是說書生很煩，動不動就拿五經來唸，連鬼也怕了他們。呵呵，反正鬼就是怕書生就對啦!好啦，我現在來教你台灣跳鐘馗中的字咒，效用跟道術的符咒是一樣的啦，主要是讓你不用每天都帶住一堆符跑來跑去那麼辛苦啦!」 鐘馗字咒。台灣回憶。手心震字。腦海中一閃而過既小片段係危急既關頭救左我一命。呼，好彩當時都有正正經經咁跟莊主學鐘馗創立既字咒，唔係今日我可能就活生生比天狗撞死啦! 我緩緩收返起吊掛係空中既右手，手心中既字開始慢慢褪色，而係血液中既鐘馗之氣都減少左一分。左手既毛筆依然滴緊墨，其餘九部首慎重地凝視住我枝筆，無一敢再踏前一步。空氣中彷彿好似有一幅無形之牆阻擋住我同佢地咁。而遠處既天狗則毫無還擊之手，頹然倒地，連企返起身既力氣都無。 我提起左手既毛筆，輕點係右手既手心，開始再寫另一個字。兩橫兩撇。一個天字就出現係我手中。天字一出現，數十尺內既陰氣立即被逼開!而為免受到波及，阿明此陰人當下立即率領最主要既九部首離開天字咒既範圍，但係一啲小鬼就無咁好彩，係接受強烈既陽氣洗禮下，終於離開人世，灰飛煙滅。 過幾秒後，天字都開始以極快速度甩色。當我正想再寫個地字時，阿明突然間發狂大叫左一聲: 「仆街! !!!」 我同時停低寫到一半既毛筆，因為我都感覺有啲唔妥。係我岩岩靠由鐘馗之氣既結界中竟然有另一股…唔係!係五股氣同時闖入黎! 「幹你娘!你丫三小害我們少了三個同伴啦!!!」一把男人聲自我背後怒斥而起，一聽就知係遠洋而黎既王叔叔同埋佢既人馬。八家將連跑帶跳自我背後出現，旋風般又跑到黎我既前面，而王叔叔都仲係無停過口，即使停低落黎都仲係不停指住阿明講粗口。我點一點人頭，果然，少左三個人，後四季中得返一個夏大神。佢其他人都係傷痕累累，睇黎佢地無靈牢做幫忙，始終都係差咁啲野。 「小子，我跟你說，這三小原來一早已經把我們用結界分開了，再任由我們在結界裏故亂破壞，消耗我們的氣力，還因此弄得我們不得不強行散功，用術把他那個天殺的結果給破掉…」我舉起左手，示意叫佢地停一下。佢地講既野我一早已經知，眼前需要做既，唔係聽王叔叔佢地講頭先發生既事，都唔係去安撫佢地，而係要殺死眼前個條粉皮! 我地兩邊人馬都成功衝破結界呢個結果應該幾令阿明呢個陰人幾始料不及既，同時，佢既元神都應該因為咁而受到一定既傷害，始終，日本既陰陽術都係靠由元神黎施術。哼，即使依家無左八家將既幫忙，我呢個借助書生力量既法師仔都一樣可以砌瓜你! 我運起左手毛筆，以摩打手既速度係地下疾筆草書。 我聽到阿明開始起哄，我聽到佢開始跑既聲音，我亦聽到十部首中既火車頭衝過黎既超巨響。同時，我眼尾都見到五家將都匆匆忙忙咁開始佈陣，準備幫我擋住火車頭帶領既呢一波攻勢，爭取幾秒既時間! 嘿，以你一命抵八家將既三命，有你著數啦阿明!