《讓我重新遇見你》·緣圓系列·: 外傳-[比賽]

外傳-[比賽]啊婷視角篇

我個腦瘤突然惡化,
失憶既次數越來越密。
媽咪安排左我去外國做手術,
今日就要去。

「媽咪﹐你可唔可以比我臨走之前去一個地方。」我想完成我同啊添既約定…

我趕去睇啊添既決賽,




但係去到比賽已經開始左大半場。

分數追得好貼…
我響觀眾席毫不猶疑咁嗌咗句「陸添羽！加油呀！」

啊添好似聽到我望佢打氣,
佢轉身射完個三分波﹐
就響場中不停望。

對方教練叫暫停﹐




呢個時候﹐我要準備走啦…
「啊曈...你幫我俾啊添呀...當幫我最後一個忙...」我交低左七封信同個包裹俾啊曈。
「凱婷...你要去邊？」佢唔肯接住啲信同包裹﹐
眼開始不安咁震動。
「我...個腦要做手術。」我迴避佢既目光。
「我唔會幫你架！」佢開始喊﹐
手握成拳頭﹐
「就幫我一次...好冇？」我攬住佢。
「你唔可以走架...你走左邊個聽我講心事呀？邊個做我好朋友？邊個照顧我呢個大頭蝦？」佢既眼淚沾濕我既膊頭﹐





佢明明比任何一個都要堅強。

「傻妹﹐冇事架。」我眼眶泛紅。
「呢次唔會係最後一次！」佢接過我手上既物品。
「呢一封信...麻煩你一陣幫我俾啊添﹐其他信就跟返memo紙寫既地方放就得架啦...包裹就...得閒既時候寄得架啦。本來想自己寄架...但...」包裹既日期﹐我專登寫錯日期。
寫半個月前寄。
「你一定要返黎。一定。」啊曈強忍淚水。

係時候走啦。
「喂媽咪﹐我依加過黎機場啦。」我打電話同媽咪交代返。

「好啦﹐記得三點前check in呀。」媽咪提我。
「知道啦。」我拖住行李離開籃球場。

同時﹐啊添既比賽再次開波。





陸添羽﹐
你一定會贏架。

搭左好耐飛機,
終於到達左目的地。
媽咪亦幫我做左入院手續。
大概後日就要做手術。
醫生同我講手術既成功機率好微。

做人最緊要有希望。

「我一定會返黎搵你架。」我望住屬於我既果本筆記既最後一頁。

亦都係啊添偷睇我果本﹐




而我一直都知﹐
佢攞過我本簿睇。

但果一刻﹐
我真係醒唔起佢係邊個。

------------------------------

平安夜﹐
下午八時﹐
屯門市中心﹐
聖誕樹位﹐
不見不散。

------------------------------





我留左響醫院一晚。
我個頭好痛呀！
我勉強噤到床旁邊既制叫護士。
隱弱聽到醫生話我個要即刻做手術﹐
跟住我既眼就好唔爭氣合埋左。

黑夜﹐
很漫長。