《讓我重新遇見你》·緣圓系列·: 第二十九章 比賽
第二十九章 比賽
自從平安夜之後我冇再見過啊婷。
「吼！我好想見佢呀！」我怒吼。
無奈成個聖誕假我都比啊雄捉去練習。
安徒生的錯又再響起﹐
又到左練習既時間啦。
放過我啦…
唔理啦﹐
繼續瞓。
「陸添羽﹐起身啦！冚家鏟！」啊雄響到拍門。
你冇野呀﹐
踩到上門都有既...
扮冇人響屋企先。
「陸添羽！我知你響入面架。我問左你老母﹐佢話你響屋企架。」佢一邊拍門﹐一邊怒吼「開門呀！」
「屌你真係喪架！咪拍啦妖。」我拿拿臨行出去開門。
佢入左黎一分鐘都冇就諗住拉我出去練習。
「俾我換衫先啦﹐放開我。」我捉實道牆。
「洗鬼換咩﹐就咁着啦。」佢拉住我隻腳,打算拖我出去。
係咪癲孖筋架？
叫我就咁着短袖短褲出去？
咪癲啦。
佢愈拉愈大力,
救命呀！
我就黎捉唔實啦！
我唔小心鬆左手…
「啪」塊面一野撞落地﹐
就咁就暈左啦。
「邊到黎架呢到。」我睜開眼望一望。
見到啊雄係到練緊波。
我啱先明明響房門口架…
點解…
屌乸星！真係俾個曾偉雄拖左出黎！
咁我咪着住短褲囉？
我望一望下面﹐
真係着住條沙灘褲。
唔怪得咁凍啦!
「你肯醒啦。」啊雄走左過黎。
又要地獄式練習…
「跑十個圈再做一百下掌上壓。」
又要跑圈﹐
仲要着短袖短褲跑﹐
依家冬天黎架...
早知唔叫佢幫我練習。
跑完十個圈再做埋掌上壓。
搞掂。
「之後練三分波。」
輕鬆﹐
我是神射手，
想當年。
兩年冇練啫﹐
冇事既。
轉身射個三分波！
冇哎呀。
「輕鬆入。」我好自信咁射個波出去。
當我以為自己係三分王既時候,
其實我只不過係個廢J。
射左十球﹐
得一球入。
好彩﹐上天待我不薄。
至少入到一球。
啫係話我重有進步空間呀。
好啦﹐再咁落去比賽輸硬。
我要發奮！
不過聽日先啦！
返屋企沖個靚涼﹐
瞓個靚教先。
咁樣對你我他她它都好。
「啊雄﹐聽日見啦。」今次真係走得。
一返到屋企就瞓到豬屍咁。
一瞓就瞓到第二日。
要發奮啦！
朝早六點幾起身自己一個練波。
射左半日﹐
終於都算有返之前既水準。
十球入面都有五球中。
半日追到咁多﹐
算係咁啦。
距離比賽仲有三日,
淡定有錢剩呀。
剩低果三日﹐
瘋狂不停跑圈﹐
做掌上壓，
練三分波同罰球。
務求令體能同準成度都可以提升一下。
之後幾日啊雄都好悉心栽培我﹐
令到我十球入面有八球入。
賭一場﹐
死就死啦。
到左比賽前一日。
我先知道原來今次既比賽﹐
并冇我想像中咁簡單。
開頭仲以為係會攞埋啲豬豬地又豬唔曬既豬肉獎比賽。
點撚知原來佢係全港籃球精英賽…
㑀已中。
點夠玩呀。
但見啊婷話會黎睇我比賽,
我唔可以輸架。
博到最盡！
我憑住啊婷既支持﹐
同埋隊友既努力。
腐腐碌碌入到總決賽。
其實籃球隊都唔係啊雄講得咁差啫。
一直靠籃球隊既主力撐住﹐
去到最尾幾分鐘教練先放我出去。
唔係因為我廢﹐
而係因為我係皇牌。
教練由中一睇住我大﹐
我既水平去到邊﹐
佢一清二楚。
想當年我同吉仔﹐啊謙退籃球隊果日﹐
佢好有信心同我地講「我知你地會返黎架。」
我地返左黎啦。
我打中鋒，
今次唔會好似之前咁﹐
響最尾果幾分鐘先出黎。
因為教練話
「一開波就要殺到佢地措手不及。」
所以就扔曬我﹐吉仔﹐啊雄﹐啊謙「萬能四寶」落場﹐
另搭多個中五。
叫「萬能四寶」係有原因架﹐
首先就解釋左「萬能」先﹐
因為我地幾個包辦曬大小前鋒﹐中鋒﹐
最勁既係有雙能衛既啊雄BB﹐
所以就俾人叫做「萬能」啦。
不過比賽一定要出五個人﹐
所以通常會擺多個後衛落去分擔下。
而「四寶」就係因為﹐
四個人囉﹐問！
唔講住﹐
總決賽開波啦。
我略略掃過場內既觀眾席。
「啊添﹐開波啦。」吉仔叫我。
而我都收執心情暫停掃視。
球證一吹雞就由最高既啊雄跳波﹐
一開波就拍走左個波﹐
傳左兩下個波就傳左俾企響籃底既我到﹐
輕輕上個波﹐
輕鬆兩分。
之後幾波都好成功攞到佢地個波﹐
「嗶—」球證吹佢地打手喎﹐
你地唔好俾機會我地入波啦～
第一節
16:2
16緊係我地啦。
飲啖水﹐
就換左人啦。
我地既士氣一直有增無減。
啲觀眾都一直幫我地打氣。
不過佢地換左打法﹐
令到比數開始拉近。
而我就緊張到冇再睇過觀眾席。
第二節
22:12
我再次落場﹐
搶下籃板﹐
一山還有一山高﹐
一野爆籃。
嗚呀～
啊雄BB<3
班女觀眾叫得仲勁﹐
雖然聽唔到佢地叫乜﹐
不過我只係知佢地正在鳩叫。
第三節
30:24
個分都唔算近...
應該唔洗打第五節掛。
但我發現我諗多左﹐
佢地出皇牌﹐
三個高高地﹐兩個矮矮地。
不過個樣一定奸到無朋友。
連啲行為都串柒柒。
打波就唔洗講啦﹐
插水獸﹐
正一臭撚樣。
短短既一節﹐
我隊果啲人都俾人吹過﹐
有人仲五犯離場。
OhShit！
37:34
仲有幾十秒先完﹐
個波仲係佢地到﹐
防佢呀！
一定要撐住！
仆街啦！
三分波？
屌！
入埋喎！
「嗶—」吹雞了。
第四節
37:37
玩到加時咁開心呀？
主角有主角光環架嘛。
一定贏既唔驚既。