《讓我重新遇見你》·緣圓系列·: 外傳-[碧池？！]

外傳 碧池？！

完左中文堂之後﹐
一個禮拜一次既PE堂又黎啦。

體育堂﹐
是人們遵循人體的生長發育規律和身體的活動規律﹐
通過身體鍛煉﹐技術﹐訓練等方式達到增強體質，
提高運動技術水平﹐
豐富文化生活為目的的社會活動。





以上資料來自維基百科。

屌，懶係野！
入正題啦！
演員埋位！

「Wuhuuuuuu﹐又可以睇女女啦～」厹一號好high咁講。

厹一號之所以咁講﹐




係因為我地班PE堂係同隔離班PE同一堂﹐
而隔離班又多女喎﹐
所以我地班既體育堂真係睇肉堂黎架。

厹一號都未講完﹐
厹二號已經講「喂﹐你地估碧池今日有冇返呀嗱？」

又會有人改名改成birch咁好笑既。
唔通果個人成碌樹咁？
係就好笑啦。





厹三號就答佢「緊係有返啦﹐今朝先見到佢。一陣就見到佢啦﹐諗起都興奮呀～」

厹一二號同步講「碧池我架。」之後互啤對方。
三條厹就一直響到講「佢係我架。」講到落到操場先停。

我唔明白點解同一句野可以講幾分鐘﹐
仲要三條友一齊講。
我真係覺得自己EQ好高﹐
竟然咁都忍到。

如果係其他人﹐
可能已經打柒左佢地好耐。
你諗下喎﹐
狂loop同一句係件幾咁瘋狂既事。





PE堂開始啦！
個miss自己響到教﹐
班厹就繼續講女。
不過都有三個人聽miss講野既。
果三個人就係我,吉仔同啊雄。

其實隔離班啲女又真係幾索既﹐
不過有啊婷既我又點會睇其他女。
而吉仔又已經有陳希曈。
不過啊雄…我就唔知啦…周慧敏掛。

「話時話…碧池係邊個？」平時唔八卦既我﹐
聽到班厹講真係突然想知。
「想知呀？一個牛角包交換。」我仲以為吉仔有咗陳希瞳已經完全忘記牛角包既存在㖭。




原來一切都係幻覺。
「屌﹐咁都要呃包。算﹐照殺你。」反正牛角包唔貴﹐豪俾你。
「聽住啦喎﹐碧池係一個姣婆﹐專用胸前兩粒導彈去溝仔。」導彈囉﹐
咩料﹐
想笑死我咩？
「傳聞仲話佢未試過比人甩﹐只得佢甩人。」啊雄搭左句嘴。
「仲有佢…同緊郭家寶拍拖。」吉仔！咁爆料既！
「姣婆配國家寶。幾有睇頭喎。」腦補一下個畫面﹐
今次真係留名食花生。

唔知佢地兩個會擦出咩火花呢?