《讓我重新遇見你》·緣圓系列·: 第二十二章 坦白

第二十二章 坦白
「喂？啊婷你響邊？」我決定同啊婷坦白﹐
所以響天耀行左陣﹐
最後都係打左俾啊婷問佢響邊﹐
之後去搵佢同佢講清楚。
「天耀商場﹐做咩？」仆街！
唔係咁好彩俾佢見到呀？
佢會唔會亂諗野架？
「我有啲野同你講。我黎搵你啦。」我用神一般既腳跑去搵佢。
 




行左陣終於俾我見到佢。
「啊婷。」我拖住佢隻手行。
途中我望下佢﹐
目無表情﹐
仲扁埋嘴。
 
我同佢行既期間感受到無比既尷尬。
係我地一齊咁耐都冇試過既感覺。
我既直覺話俾我聽﹐
佢一定係見到。




 
我拖住佢去到公園既紅色長櫈。
「啊婷？」我彎低腰小心問由坐低一直低頭既佢﹐
因為睇個戰況好似會隨時世界大戰。
「嗯？」佢輕輕抬高頭。
冷漠既眼神對上我﹐
「其實係咁既﹐啱啱…啱啱我個前女朋友就搵返我。」我捉住佢隻手講「但我只係俾錢佢保釋佢爸爸架咋！」我舉出發誓既手勢。
「不過呢…就…呃…」唔係呀？
陸添羽你淆底？
「不過佢就冇啦啦攬住你黎錫呀嘛…」佢對眼開始紅﹐好似想喊咁。




但我就冇留意到囉…
「係囉係囉﹐我就係想咁講囉。佢自己攬住我錫架。啊哈哈哈…」好啦。
我開始後悔我啱啱果句哈哈哈。
「陸添羽。」Oh,Shit
佢響我全朵啦。
RIP.
「你唔覺得有問題架咩？」小喬！你唔好上啊婷身呀！
法印！埋位啦！
 
好啦﹐我認真啦。
「我當時都有推開佢架。我知衰啦﹐最多我下次去邊都同你講好冇？」我扭自己耳仔﹐
扮曬可愛。
「不如你認真啲…我唔係想你去邊都同我講呀…我唔想搞到自己成個管家婆咁…」佢把聲開始走聲。
「唔好喊。乖。」我一手拉佢埋自己到攬住佢﹐
自從表白之後我根本冇再見佢喊過。




「但我真係好驚冇左你呀…」佢既淚線開始失守「唔好唔要我…」而雙手就抓實我件冷衫。
「傻妹﹐邊個話唔要你啫。」我輕輕拍佢既背脊。
「總知唔準唔要我！」佢雙手由抓實我心口既衫﹐
變成抱實我背部。
「請你食雪糕啦。」我諗食甜野會好啲既。
「唔食得雪糕呀！」點解啊?
…
..
.
冬天凍唔食雪糕嘛。明。
「咁咖哩呢？」辣野暖胃啊嘛。
「都唔食得呀！」又唔得？哦…明嘅明嘅。
…
..
.




唔食得辣。
「咁綠豆沙喇？」暖胃又唔算太甜﹐唔錯唔錯。
「你講果啲我今日全部都唔食得呀！」今日唔得？
…
..
.
頂…我終於明啦。
女仔每個月都有果啲嘛。
 
等我返屋企記低佢先。
 
「咁想食咩呀？」我講咩你都唔食架啦。
唔問啦。你自己講啦。
「咩都唔食！」佢主動錫左落我嘴角。
頂！




做咩唔錫嘴？
「哼！飽啦。」佢鬆開左我﹐
起身就走。
我都跟響佢身後。
搭住佢膞頭。
 
「肥婷﹐錫完唔準再嬲架啦。」我低頭望住佢通紅既雙眼。
「睇你表現啦。」佢翹埋隻手。
「婷婷大人呀。」我已經唔知死當街當巷拉住佢隻手踎低。
啲人都唔知我做乜鳩。
屌﹐氹返啊婷先最重要。
「哎呀。得啦得啦。你唔好咁啦。」佢同我一齊踎低﹐
塊面非常之紅。
「Yeah！」我雙手捧起佢塊面。
不停瘋狂摸佢塊面。




佢臉上既笑容都回歸返。
 
「我個個鍾凱婷都鍾意﹐但我都係鍾意笑既鍾凱婷多啲。」我好認真對住佢講。
「我既笑容以後只係屬於你陸添羽。」佢笑得唔深。
但我都覺得十分之溫暖﹐
呢啲就係你既威力啦﹐鍾凱婷。