《讓我重新遇見你》·緣圓系列·: 第十二章 告白

第十二章 告白

我響2樓嗌「鍾凱婷！你企響到唔好走！」
我講完就狗衝衝左落去。
落到去就即刻攬住佢。

「我得左啦...」我唔理周圍啲人望住我「我全部科過曬70分啦...」
「恭喜曬呀！都話左你得架啦。」
「你話會應承我做一件事架。」我堅定望住佢。
「咩...？」




「我知你有男朋友...」
「邊個話我有男朋友架？」佢好似知我想講咩所以默默退後左一步。
「果日接你放工果個...」我有啲驚訝。
原來我一直都諗錯。
「果個係我表哥黎架...但...你個要求...我...對唔住呀！」佢一邊跑一邊喊而我亦追。

佢一定有啲野。
如果唔係佢唔會喊。

佢衝左入廁所﹐仲有埋廁格。




點解我知？因為我跟埋入去。
「啊婷呀...」啲女同學俾我嚇到走曬。
同學們...Sorry.
「...」我聽到啲抽泣聲。
「有咩事慢慢講啦...」我係到講埋曬啲無謂野。
「...」佢都係冇回答我。
「我鍾意你。」我企響門口淡淡咁講左出黎「你都鍾意我架呵？」我單方面認為。
「嗚...」佢既喊聲變大左﹐似乎我講中左。
「喂呀...你俾啲反應我啦傻婆...」我好甜咁講。





雖然佢冇認佢係我邊個﹐
但佢大聲喊我當佢認架啦。
唔係點呀。

「你就傻！」佢響廁格大嗌。
「係囉。傻到鍾意左個第一日返學就遲到﹐成日唔記得野﹐呆下呆下既傻婆囉。」
「你...！」

「我未講完架。我仲傻到以為佢有男朋友囉。希望搶到佢返黎﹐所以就讀書讀書讀好啲﹐優秀啲﹐博佢會睇得上眼。為左佢我唔打機﹐衝入廁所﹐等收缺點。我為左佢真係咩都做得出。我咩都唔驚﹐最驚係響廁格喊緊果個唔接受。」

我聽到廁所出面有啲聲。
應該唔頂得幾耐。
於是用掃把頂住度門。

而啊婷亦開左廁格度門﹐之後就攬住我喊...




重點係﹐我件衫濕曬...
「唔好喊啦﹐出面啲人以為我恰你架啦。」我摸摸佢個頭。
「明明就係！」佢講野充滿鼻音。聽落有啲嗲。
「係時候出去啦。」再唔出真係會俾人踢出校架啦﹐我拖住佢隻手。
佢扯住我隻手「你會俾人話架！」
「一齊面對﹐所有事﹐永遠。」我用力握一握佢隻手。

以為一開門係丘sir果啲訓導主任﹐
點知係啊雄同吉仔。
「屌！啊...啊...嫂。」吉仔見到我拖住啊婷﹐即刻收皮改口。
「點解係你兩個黎？」我呆一呆。
「學校啲女有幾難搞？」啊雄好威咁講﹐咁都啱既﹐話曬佢都係籃球隊隊長。
但後黎先知﹐佢響班豬扒手背每人錫左一啖。

係呀。學校啲女唔難搞但惡頂呢。




果然兄弟。

「你做乜搞喊人呀？」吉仔一野叉住我條頸。
「佢感動咋！」我掃開佢隻手。
「以後佢恰你﹐你同我講﹐我幫你郁佢。」吉仔好charm咁笑。

「凱婷！走啦。」呢句唔係我講﹐而係啊婷既好朋友﹐陳希曈講。
陳希曈見唔到我拖住啊婷﹐
所以一手拉走左佢。
我跟住佢尾。
原來佢地去禮堂既歌唱比賽。

咁啱撞正成日同我搶女既郭家寶唱歌。
「我今日要唱既講係Maroon 5既Sugar﹐我想唱俾我既同桌﹐鍾凱婷！因為我鍾意你！」





我屌！
兜口兜面搶我女朋友？