《讓我重新遇見你》·緣圓系列·: 外傳-[突擊數學小測]

Wuhu…三年冇缺席嘅數學啊sir今日竟然冇返。
我開心到大嗌「屌,終於比我等到呢一日」
當成班同學都喺到歡呼嘅時候「噠…噠…」
高跟鞋?
仆街!有代課老師？
 
個個一聽到腳步聲,本來好嘈嘅班房即刻靜哂,個代課入左黎「起立,good morning everyone」
個個好似隻死狗咁「good morning.miss lee」當我地坐返低嘅時候…
個仆街科長拎左份數學小測出黎派。
「下!!!!!有小測你做乜吾講?」全部人異口同聲咁講。




 
唉,死硬喇。
SHIT!計數機都冇帶！
「吉仔，你有冇帶計數機？」我知佢一定有帶既。
「哎呀屌喇冇喎。」佢個樣仲驚訝過我
好彩都叫問人借到部計數機啫。
「咁你識唔識第五課？」我細細聲咁問佢⋯
「下,第五課教咩架?」完了吧﹐如無意外。
屌,份小測派到黎喇。
函數。乜撚野黎？




我望一望吉仔,佢已經完全放棄,決定拎數學書放喺櫃桶出出貓,
隔左一兩分鐘「頂…有書都睇唔明。」
我望住份空白嘅卷再拍拍吉仔﹐響佢耳仔邊講「唉,我呢一刻好想荒廢學業。」
吉仔勁快手咁拎走我枱面部計數機打左個「+1」
時間一分一秒咁過,
份卷亦仲係好乾淨,
就係咁就過左兩堂數學堂…